Azərbaycan Milli Elmlər Akademiyasının (AMEA) Mərkəzi Elmi Kitabxanasının

(MEK) elmi katibi Şəbnəm Rüstəmova Yunanıstanda keçirilən “Kitabxanalarda

Keyfiyyət və Kəmiyyət Metodları 16-cı Beynəlxalq Konfrans”a (QQML2024)

onlayn qatılıb.

Beynəlxalq Elm və Texnologiyanın İnkişafı Cəmiyyətinin (ISAST) təşkilatçılığı ilə

baş tutan konfransın builki mövzusu “Kitabxanalar sosial sabitliyin sütunları kimi:

dəyişikliklərə təkan verən, davamlılıq, biliyə əsaslanan liderlik və inklüzivlik”

olub.

MEK-in elmi katibi konfransda “Elmi kitabxanaların rəqəmsal transformasiyası

zamanın tələbi kimi (Digital transformation of scientific libraries as a requirement

of the time) adlı tezislə çıxış edib.

Beş gün davam edən beynəlxalq konfransa Azərbaycan, Amerika Birləşmiş

Ştatları, Kolumbiya, İspaniya, Filippin, İndoneziya, Rusiya Federasiyası,

Hindistan, Uqanda, Çin, Serbiya, Portuqaliya, Xorvatiya, Sloveniya, Çexiya,

Sloveniya, Litva, Meksika, İsrail, Oman Sultanlığı, Böyük Britaniya, Polşa,

Rumıniya, Norveç, Malayziya, Latviya, Banqladeş, Nigeriya , Manila, Səudiyyə

Ərəbistanı Krallığı, Yaponiya, İtaliya, İsveç və Sinqapur tədqiqatçıları, muzey

alimləri, arxivçiləri, kitabxanaçıları, sənəd menecerləri, veb tərtibatçıları, İT

mütəxəssisləri, statistikləri iştirak ediblər. Onlar “Kitabxanalar üçün Süni İntellekt

Problemləri”, “Kitabxanalarda və təşkilatlarda yeni texnologiya əsaslı alətlər”,

“Kitabxana və İnformasiya Elmləri”, “Metriklər: Bibliometriya, Scientometrics,

Webometrics və Altmetrics”, “Kitabxana resursları: Qiymətləndirmə və Təsir,

Məzmun Təhlili Tətbiqləri, Biliyin təşkili alətləri və üsulları, Rəqəmsal

Repozitoriyalar Rəqəmsal Kitabxanalar”, “Kitabxana və İnformasiya Elminin

Gələcəyinin İzlənməsi”, “Açıq Elm, Açıq Giriş, Sosial şəbəkələr”, “21-ci əsrdə

mədəni irs”, “Vətəndaşlıq”, “İqtisadi inkişaf”, “Dözümlülük”, “İnklüzivlik”

mövzularında çıxışlarını təqdim ediblər, fikir mübadiləsi aparıblar, təcrübi

biliklərini paylaşıblar, qrup işlərinə cəlb olunublar.

İctimaiyyətlə əlaqələr şöbəsi

pr.mek.az@gmail.com

(012) 539-73-67 ( daxili 14-14)