Onun sözlərinə görə, bu, obyekiv reallıqdır və bütün dünyada belədir, o cümlədən Azərbaycanda: “Təəssüflər olsun, Əli Kərimli və digərləri hesab edirlər ki, əgər müxalifətçidirlərsə, bunlar hər şeyi edə bilərlər. Yəni, qanunu da poza bilərlər, qeyri-qanuni fəaliyyət də göstərə bilərlər, kimisə təhqir edə bilərlər və kimləri isə rüşvətxor, cinayətkar hesab edə bilərlər. Bu əməlinə görə də müxalifətçi olduqlarına görə qanun qarşısında cavab verməməlidirlər. Təbii ki, bu da kökündən yanlış yanaşmadır. Qanun qarşısında hər kəs bərabərdir və hər kəs də qanun qarşısında cavab verməlidir”.

“Əli Kərimlinin konkret cinayət əməlinə görə həbs olunan şəxslərdən siyasi məhbus düzəltməyə cəhdi nə üçün lazımdır” sualına cavab olaraq T.Qənioğlu bildirdi ki, sözügedən adamlar ölkədə nə isə xoşagəlməz bir hal yaradaraq qarışıqlıq yaratmaq istəyirlər: “Bu da onlara xarici havadarları tərəfindən verilən növbəti tapşırıqdır ki, Azərbaycan dövlətinin əldə etdiyi uğurlara kölgə salsınlar. Müxalifət qüvvələrinə xarici ağalarından aldıqları pulları yumaq lazımdır və bu da nəticəsiz bir prosesdir. Hay-küyləri stəkanda fırtına yaratmaqdan başqa bir şey deyil. Lakin heç vaxt onların Azərbaycanla bağlı məkrli planları baş tutmayacaq. Azərbaycan haqq yolundadır və bu cür hərəkətlər Azərbaycanı öz haqq yolundan döndərə bilməz. Sadəcə olaraq, onlara tövsiyəm odur ki, bu bəd əməllərindən əl çəksinlər”.