““Polis haqqında” Azərbaycan Respublikasının Qanununda dəyişiklik edilməsi barədə təqdim edilən Azərbaycan Respublikası qanununun layihəsi olduqca əhəmiyyətlidir. Azərbaycan dövlətçiliyində polis orqanlarının xüsusi rolu var və onun təkmilləşməsi zamanın tələbidir. Bu kifayət qədər əsaslandırılmış layihədir. Burada söhbət daxili işlər orqanlarında işləyən və işləmək istəyənlərin təhsil səviyyəsinin artırılmasından söhbət gedir. Polis orqanlarında fiziki və intellektual hazırlıq olduqca vacibdir. Bu qanun layihəsi də həmin şərtlərə yüksək səviyyədə cavab verir. Buna tamamilə ciddi qanun layihəsi kimi səs verəcəyəm”. SİA xəbər verir ki, bu sözləri Milli Məclisin bu gün keçirilən plenar iclasında deputat Fəzail Ağamalı deyib.