O bildirib ki, Ulu Öndərin xalqı qarşısında ən vacib xidmətlərindən biri bizə milli mənsubiyyətimizlə fəxr etməyi öyrətmək olub: "Azərbaycan sözünün mahiyyəti, vətəndaşı haqqında düşünməsi Ulu Öndəri hər zaman kövrəldib.

"Səs" qəzetinin baş redaktoru kimi bir xatırlatma etmək istəyirəm. 91-lərin Ümummilli lider Heydər Əliyevə müraciəti və onun cavabı məhz "Səs" qəzetində dərc olunub. O cavab həmin dövr üçün bir konsepsiyadır. Dahi şəxsiyyət həmin konsepsiyada dövləti qurtarmağın yollarını izah etmişdi. Konsepsiyada qeyd etdiyi beş istiqamət dövlətin çıxış yolu idi. Amma onu da edən olmadı. Yenə də xalq öz xilaskarına, yəni Ümummili Liderə müraciət etdi".

"44 günlük müharibədə biz itirdiyimiz torpaqlarımızı geri qaytardıq. Doğrudur, şəhidlərimiz də oldu, qazilərinizdə oldu. Amma I Qarabağ müharibəsində daha çox şəhid və qazimiz olmuşdu. Çünki güclü lider, dövlət və güclü ordu yox idi. Namus da, qeyrət də, torpaq da getmişdi.

Ulu Öndər gəldikdən sonra atəşkəsə nail olmaq onun üçün əsas vəzifəsi idi. Cənab Prezident də bu bünövrənin üzərində fəaliyyətə başladı. Üç il bundan öncəyə qədər heç ağlımıza gəlməzdi ki, "dəmir yumruq" formalaşıb torpaqlarımızı azad edər. Gəncliyimizə baxdıqda, məni vahimə basırdı. İnanmırdım ki, bu gənclik Vətən torpaqları uğrunda canından keçsin. Sən demə, bizim gənclərimizdə nə qədər böyük vətənpərvərlik ruhu var imiş. İnsanların təfəkküründə Ali Baş Komandana inam elə yüksək səviyyədə idi ki, onlar Vətən uğrunda canından keçməyə hazır idilər. Xalq öz gücünü Ali Baş Komandanına birləşdirə bilibsə, deməli ölkədə vətəndaş siyasəti doğru şəkildə aparılıb.

Azərbaycan Prezidenti belə bir dünyada yaşayıb, bu xalqı qoruyub saxlaya bilibsə o, böyük cəngavərdir",- deyə o əlavə edib.