Z.Quliyeva xatırladıb ki, 1960-1980-ci illərdə Ulu Öndərimizin Sovetlər Birliyinin rəhbərliyi tərəfindən Mərkəzi Komitənin katibi təyin olunduqda Azərbaycan aclıq içində boğulurdu: "Demək olar ki, regionları xəstəliklər bürümüşdü. O, hakimiyyətə gəldikdə ilk növbədə iqtisadiyyatı yüksək səviyyəyə qaldırdı. Daha sonra Azərbaycanda artıq təhsilə, tibbə xüsusi fikir verilməyə başlandı. Yəni, Ulu Öndər fəaliyyətinə çoxşaxəli rəhbərlik dövrü ilə başladı. Ulu Öndəri həm öz içimizdə, həm də xaricdə olan mənfur qüvvələr Azərbaycandan uzaq salmaq fikrində idilər. Amma Onu Vətəndən uzaq salmaq baş tuta bilməzdi. O vaxtlar Ulu Öndəri ancaq yüksək vəzifələrə aparmaq olardı. Heydər Əliyev həmin dövrdə də sınmadı, sınmazdı da. O həmişə deyirdi ki, tarixi unutmaq olmaz, tarixi təkrarlamaq lazımdır. Ulu Öndər Heydər Əliyev Azərbaycanın tarixini yazdı.

Xalqın təkidi ilə Azərbaycana gəldikdə söylədi ki, əgər yeni Azərbaycan yaradacağıqsa, xalqıma köməyə gəlirəm. Nəticədə, Ulu Öndər Azərbaycan dövlətini və xalqını xilas etdi.