Onun sözlərinə görə, o dövrdən keçən 35 il ərzində həmin Qarabağ erməniləri itin gününü çəkdilər, əzab-əziyyət keçdilər: “İndi sərhəddə keçən ermənilərin sifətinə baxdıqda hamısını üzündən məşəqqət yağır və əyni-başları pis gündədir. Yəni daşnaqlar bunlardan alət kimi istifadə etdilər. Həmin "Qarabağ klanı"nın rəhbərləri Koçaryan, Sarkisyan və digər "yanlar" erməniləri soyub, talayıb varlandılar. Köçəryan və Sarkisyan sonradan Ermənistanda hakimiyyəti ələ aldılar. Ermənistanda olan əhalini pis günə qoydular. Ona görə də, 2018-ci ildə ermənilər Paşinyanın arxasında durdu. Təsəvvür edin ki, ikinci Qarabağ müharibəsində məğlub bir dövlət başçısını Ermənistan erməniləri yenidən özlərinə başçı seçdilər. Yəni müharibədə məğlub olmuş bir adamı yenidən başçı seçdilər. Niyə? Çünki onlar gördülər ki, Paşinyanda müsbət fikirlər var və o istəmir ki, əhalisi qırılsın. Son çıxışlarında Qarabağ Azərbaycandır deyən Paşinyanı daha çox dəstəklədilər”.
Elşad Həsənov onu da bildirdi ki, İrəvanda “5-ci kalon” üzvləri, o cümlədən Koçaryanın Sarkisyanın yaxınları Paşinyanı hakimiyyətdən devirmək istəyirlər, amma buna nila ola bilmirlər: “Çünki əhali Paşinyanı dəstəkləyir. Eyni zamanda, Qərb dövlətləri xüsusilə, Avropa ittifaqı və ABŞ Paşinyanın bu siyasətini dəstəkləyir ki, o Rusiyadan yaxasını qurtarmaq istəyir. İndi isə Qarabağdan Ermənistana gedən əhalinin hamısını İrəvana aparmırlar, əksəriyyətini rayonlar arasında bölürlər, xüsusilə, Azərbaycanla həmsərhəd rayonlara aparırlar. Yəni, İrəvanda yaşayan ermənilərin mənzillərdən çıxarılması və onların ora yerləşməsi məsələsində təbii ki, Qarabağ erməniləri ilə İrəvan erməniləri arasında qarışıqlıq yaradacaq. Bundan da sui-istifadə etməyə çalışan həmin o “5-ci kalon” üzvləri Paşinyana qarşı yenidən mitinqlərə, iğtişaşlara yol verəcəyi gözlənilir. Ancaq hesab edirəm ki, bunlar da müvəqqətidir. Bu gün Ermənistan müxalifətinin əsas fikri odur kı, oktyabrın 5-nə qədər Paşinyanı hakimiyyətdən devirsinlər, Rusiya yönümlü Qarabağa iddialı şəxs hakimiyyətə gəlsin və yenidən münaqişə alovlansın. Bunu nə Azərbaycan, nə Türkiyə, nə Avropa ittifaqı, nə də ABŞ istəyir. Bu baxımdan, hesab edirəm ki, Amerika xüsusi xidmət orqanları Ermənistan Baş naziri Nikol Paşinyanı xüsusi mühafizə etdilər və əhalinin də böyük əksəriyyəti Paşinyanı dəstəkləyir. Hesab edirəm ki, oktyabrın 5-də Azərbaycan Prezidenti İlham Əliyev ilə Ermənistan Baş naziri Nikol Paşinyan arasında görüşdə müsbət nəticələr əldə olunacağını gözləmək olar”.