Tanrının  yaratdıqları içərisində ən çox şərəflisi , dəyərlisi   insandır. Bəşər övladı olan insan  ona bəxş edilən ömrü bəzən çox gərəksiz xərcləyir.Ona verilən imkanlardan  , şanslardan istifadə etmədən , heç bir iz qoymadan ömrü başa vurur. Bu hal əslində böyük əksəriyyətin qismətinə düşür.

  Lakin ona verilən ömür payını çox yüksək dəyərləndirən , şərəfləndirən ,  sözün həqiqi mənasında ömrə ziynət verən insanlar da var . Az da olsa var !

  Haqqında danışmaq istədiyim qəhrəmanım da belələrindəndir.

    Elman   Camal  oğlu Məmmədov . Əslində bu ad , bu sima Azərbaycan ictimaiyyətinə çox tanışdır.

Ancaq bu ad və simanın altında çoxlarına məlum olmayan elə dəyərlər , elə insani keyfiyyətlər dayanır ki , bu xüsussiyyətlərə malik olmaq üçün insana nə vəzifə , nə titul kömək edir . Bunun üçün halal süd əmməli , halal çörək yeməlisən , xəmirin  halalıqla yoğrulmalıdır. Necə ki , bu  Elman müəllim də belədir.

  Uzun illər müxtəlif vəzifələrdə çalışan , Qarabağ müharibəsi veteranı ,  millət vəkili Elman müəllim əslində təkcə bir məmur  , ictimai xadim , millət vəkili kimi deyil , dəyərli  bir insan  , əsl vətəndaş , şərəf və ləyaqəti hər zaman həyat kredosu edən bir şəxsiyyətdir.

 Vətənin çətin anında , doğma Qarabağımızın qanlı-qadalı günlərində o hər zaman canı , qanı əqidəsi və prinsipləri ilə xalqa xidmət yolunu tutub , bu amala köklənib. Bütün bunları  əməllərində nümayiş etdirib .

  Pərən-pərən düşmüş  , Qarabağ , Xocalı dərdlərini ürəyində gəzdirən soydaşlarımızın problemlərini , qayğılarını , dərd-sərlərini Elman müəllim hər daim çiyinlərində daşıyır. Onlara azacıq da olsa sevinc bəxş etmək , dərdlərini azaltmaq üçün əlindən gələni əsirgəmir.

 Elman müəllim hər zaman dövlətimizə , dövlətçiliyimzə  dürüstlüyü, sadiqliyi ilə ön sırada olub.  O ,  öz  çıxışlarında  Ulu Öndərlə bir zamanda işlədiyi üçün  fəxarət hissi keçirdiyini dəfələrlə vurğulayır.

 Bu gün də Elman müəllim Cənab prezidentin yanındadır , onun  uğurlu siyasətini hərarətlə dəstəkləyir , bu yolda öz köməyini  və dəstəyini   əsirgəmir.

  Ali Qanunverici orqandan xalqımızın taleyüklü məsələlərinin həllində yaxından iştirak edir. Seçicilərinin  haqq səsini , hüquqlarını yetərincə müdafiə edir.

  Bu gün Elman müəllim ömrünün ən məsuldar və müdrik çağındadır. O , hörmət-izzət  sahibi , xalqın sevilən ictimai xadimidir.   

    Ömrünüz uzun olsun , Elman müəllim !

  Hər zaman hörmətli . dəyərli , mötəbər olasınız!

       Sizə də ancaq bu yaraşır !