Ermənistanda keçiriləcək “Ordu-2022” forumu çərçivəsində Rusiya istehsalı S-300 uzaqmənzilli zenit-raket kompleksi və ortamənzilli “Buk” özüyeriyən zenit-raket kompleksi “Patriot” parkında təqdim olunacaq.

Axar.az xəbər verir ki, bu barədə Ermənistan mətbuatı məlumat yayıb.

Məlumata əsasən, avqustun 19-dan 21-dək baş tutacaq forumda 5 təyyarə, 27 gəmi və qayıq daxil olmaqla, 250-yə yaxın nümunənin təqdim edilməsi planlaşdırılır.

Forumda T-72B əsas döyüş tankı, müasir rabitə və elektron döyüş sistemləri, R-149 komanda-idarə maşını, “Qrad” reaktiv yaylım atəş sistemi və digər xüsusi hərbi texnikaların da nümayişi gözlənilir.