Türkiyənin milli müdafiə naziri Hulusi Akar rusiyalı həmkarı Sergey Şoyqu ilə əlavə görüş keçirməyi planlaşdırır.
Axar.az xəbər verir ki, bunu Akar “CNN Türk” telekanalının efirində deyib.
“Bir müddət sonra Rusiyanın müdafiə naziri Sergey Şoyqu və ukraynalı dostlarımızla əlavə görüş keçirəcəyik. Onlardan seçdikləri kadrları ən qısa zamanda bizim mərkəzə göndərmələrini gözləyirik. Mərkəz fəaliyyətə başlayan kimi əməliyyatın ümumi koordinasiyası buradan həyata keçiriləcək”, - deyə Akar bildirib.
Qeyd edək ki, taxıl daşınmasına nəzarət üçün ötən gün imzalanan sazişdə ümumi mərkəzin yaradılması nəzərdə tutulub.