11:04

Bakının “Nərimanov” metrosundan “Gənclik” metrosu istiqamətinə doğru hərəkət edən 90 VX 916 dövlət nömrə nişanlı 67 nömrəli avtobusun sürücüsü sükan arxasında siqaret çəkib.

Bu barədə görüntüləri Axar.az-ın əməkdaşı səhər saat 08:42-də qeydə alıb.

Sürücünün pandemiya qaydalarını pozması və maska taxmaması da növbəti qayda pozuntusudur.

Qeyd edək ki, ictimai nəqliyyatda sərnişinlər bu kimi hallarla tez-tez rastlaşır. Sürücülər əsasən iradlara məhəl qoymadan vətəndaşlara kobud cavab verir.

Bakı Nəqliyyat Agentliyi isə bu istiqamətdə nəzarəti gücləndirmək əvəzinə sərnişinlərdən və mediadan yalnız “fakt” istəyir. “Fakt” - mütləq video və fotolu olmalıdır, çünki BNA avtobuslarında “kamera” yazılsa da, onun qeydlərinə baxmaq kimsənin ağlına gəlmir.

***

Bakı Nəqliyyat Agentliyinin mətbuat katibi Mais Ağayev saytımıza açıqlamasında bildirib ki, “Menlok” şirkətinin müvəqqəti istismarında olan 67 nömrəli marşrut xətti üzrə məsələ nəzarətə götürülüb:

“Sürücü və şirkətin məsul şəxsi Agentliyə çağırılıb. Barəsində İnzibati Xətalar Məcəlləsinin müvafiq maddəsinə uyğun inzibati tənbeh tədbiri görüləcək”.