Talibanın terror təşkilatları siyahısından çıxarılması ilə bağlı fundamental qərar ən yüksək səviyyədə qəbul edilib, lakin hələ də lazımi hüquqi prosedurlara əməl edilməlidir.

Axar.az xəbər verir ki, bunu Rusiya Prezidentinin Əfqanıstan üzrə xüsusi nümayəndəsi Zamir Kabulov deyib.

“XİN FTX və Rusiyanın bir sıra digər idarələri ilə birlikdə Talibanın Rusiyada terrorçular siyahısından çıxarılması prosesi ilə bağlı hüquqi işləri başa çatdırır. Bu, istək məsələsi deyil, bu məsələ ilə bağlı əsas qərar Rusiyanın ali rəhbərliyi tərəfindən verilib. Amma bütün proseslər Rusiya qanunları çərçivəsində aparılmalıdır”, - o bildirib.

Kabulov qeyd edib ki, Rusiya hakimiyyəti federal qanunlara əməl etməyə borcludur:

“Ümid edirəm ki, yekun qərar çox tezliklə açıqlanacaq. Bu, prosesin qanunvericiliklə müəyyən edilmiş qaydada başa çatdırılmasını təmin etmək üçün vəkillərdən, parlamentdən və digər idarələrdən ciddi iş tələb edir. Yeganə məsələ budur”.