Dünən Kliniki Tibbi Mərkəzdə vəfat edən Azərbaycanın teatr və kino aktyoru, Xalq artisti Əjdər Həmidov bu gün Şabranda dənf olunacaq.
Publika.az xəbər verir ki, bu barədə Dövlət Akademik Milli Dram Teatrının mətbuat xidmətinin rəhbəri Cavid Zeynallı məlumat verib. Cavid Zeynallı bildirib ki, aktyor ata və anasının yanında dənf olunmağını vəsiyyət edib.
Xatırladaq ki, bir neçə gün əvvəl xəstəxanaya yerləşdirilən aktyor insultdan əziyyət çəkirdi.
