Onun sözlərinə görə, söhbət USAİD-in dövlət departamentinin nəzarətinə verilməsindən və büdcəsinin xeyli ixtisar olunmasından gedir: “Ümumiyyətlə, audit aparılmalıdır ki, o pullar necə, nəyə xərclənib və onun ABŞ üçün hansı faydası olub?

Bildiyiniz kimi, İlon Mask Trampın tapşırığı ilə hökumətin effektivliyini araşdıran bir qurumun rəhbəridir. O, USAİD ilə bağlı sorğu göndərdi ki, bu necə olub? Onlar isə İlon Maska məlumat verməkdən boyun qaçırdılar. Onda həmin şəxslər USAİD-ə rəhbərlik edirdilər ki, onlar işdən dərhal uzaqlaşdırıldılar. Onlar məlumat vermək istəmirlərsə, görün məsələnin içində nə qədər pozuntular və yaramaz fəaliyyətlər var.

Onu da xatırlatmaq istəyərdim ki, USAİD-i olduqca ideoloji bir təşkilata çevirmişdilər. Bu baxımdan ABŞ-ın solçu liberallarının bir yuvasına çevrilmişdi. Onlar tamlıqla Trampa və respublikaçılara qarşı yuvaya çevrilmişdilər. Ona görə Tramp USAİD-i tam şəkildə ləğv etmək istəməz. Çünki USAİD ABŞ-ın gücünü dünyaya yayan bir təşkilatdır. Düşünmürəm ki, təşkilat tam bağlanacaq. Amma ona əməlli-başlı əl gəzidiriləcək. Bir çox proqramlar ləğv olunacaq və ən əsası orada köklənmiş bir qurumu dağıdacaqlar. Bunu ona görə indi edirlər ki, məsələ ilə bağlı bilavasitə Tramp məşğul olmağa başlayıb. Yəni, bu onun tapşırığı ilə həyata keçirilir və o bilir ki, orada yığılan insanlar bilavasitə Tramp əlehinə iş aparan insanlardır. Tramp hesab edor ki, onlar ABŞ-ın maliyyəsini talan edirlər. Burada ildə 50 milyard dollarlıq maliyyə xərclənib. Tramp bu məsələni boş buraxası deyil. Onu da deyim ki, Azərbaycanda USAİD-in fəaliyyəti bu gün yox, demək olar ki, 15 il bundan qabaq məhdudlaşdırılmağa başlanılmışdı”.