Məlumdur ki, ölkəmizdə su təsərrüfatı əsas sahələrdən biridir və bu sahəni inkişaf etdirmək, həmçinin bu sahəyə aid problemləri aradan qaldırmaq və s. hər zaman qarşımızda duran əsas vəzifələrdən bir hesab olunur.

Unutmaq olmaz ki, yaşadığımız ictimai həyatın bir sahəsi olaraq su təsərrüfatısahəsini inkişaf etdirmədən nə ərzaq bolluğuna, nə də ki, həlli vacib olan problemlərin həllinə nail ola bilərik. Qeyd edək  ki, 2019-2023-cü illəri əhatə edən regionların sosial-iqtisadi inkişafı “Dövlət Proqramı”nda əsas prioritet vəzifələrdən biri də, məhz ölkəmizdə su təsərrüfatı sahəsini inkişaf etdirmək, hər kəsin su ilə təminatını yaxşılaşdırmaqdan ibarətdir. Ələlxüsus regionlarda bu məsələnin həlli daha aktuallıq kəsb etdiyindən, bu gün də dövlət-hakimiyyət orqanlarının əsas nəzər-diqqəti, məhz bu sahənin inkişafına yönəldilmişdir. Qeyd edək ki, su ictimai həyatımızın davamlı inkişafının təmin olunmsında əsas amillərdən biridir. O halda sual oluna bilər ki, görəsən bu sahədə çalışan hər kəs daşıdığı vəzifəsindən asılı olmayaraq, üzərinə düşən vəzifə borcunun məsuliyyətini lazımi səviyyədə dərk edib lazımi addımlarını atırmı? Əsla yox! Məsələn, adicə Sabirabad şəhəri, Vidadi küçəsi-17 ünvanında yerləşən və Tapdıq Balaqardaş oğlu Bağırovun rəhbərliyi altında fəaliyyət göstərən Sabirabad Melioservis İdarəsinin fəaliyyətinə diqqət yetirək. Bu idarənin fəaliyyəti birbaşa su təsərrüfatının inkişaf etdirilməsi ilə bağlı olsa da, idarənin həyətindəki yaşıllıqların susuzluqdan quruyub acınacaqlı vəziyyətə düşməsi, məhz bu gün də hər kəsi ciddi şəkildə düşünməyə vadar edir.

O halda sual oluna bilər ki, əgər Sabirabad Melioservis İdarəsinin fəaliyyəti su təsərrüfatının inkişaf etdirilməsi ilə bağlıdırsa, bəs səbəb nədir ki, bu idarənin həyətindəki yaşıl ağacların çoxu susuzluqdan məhv olub? Deməli, ümumi mənzərənin varlığı onu söyləməyə əsas verir ki, hörmətli Tapdıq Bağırovun rəhbərlik etdiyi bu idarənin həyətindəki yaşıl ağacların çoxu susuzluqdan quruyursa, deməli rayonun su təsərrüfatının inkişafından heç bir halda söhbət gedə bilməz. Yəni, əgər bir idarənin həyətyanı sahəsindəki yaşıllıqlara bu cür münasibət bəslənilirsə, deməli rayon sakinlərinin problemlərinə daha betər münasibət bəslənilir.
  Diqqəti cəlbedən məsələlərdən biri də, Sabirabad Melioservis İdarəsinə aid məlumat cədvəlində bu idarəyə aid heç bir telefon və ya faks nömrəsinin qoyulmamasıdır. O halda sual oluna bilər ki, görəsən Sabirabad rayonu üçün strateji əhəmiyyət kəsb edən bu idarəyə aid heç bir əlaqə nömrəsinin qoyulmamasınının kökündə nə durur? Məsələ ilə bağlı qarşı tərəfin də mövqeyini dinləyə bilərik.