“Ukrayna Rusiya münasibətləri bugünkü şəraitdə yalnız döyüş meydanlarında davam edir”.

Bu fikirləri SİA-ya açıqlamasında siyasi ekspert Aydın Quliyev bildirib.

Onun sözlərinə görə, tərəflərdən hər hansı birinin növbəli üstünlüyü ilə bu müharibə davam edir: “Demək olar ki, heç bir dialoq yoxdur, müzakirələr aparılmır, diplomatik danışıqlar formal xarakter daşıyır. Nə Rusiya tərəfin, nə də Ukrayna tərəfin mövqelərinin ritorik olaraq ifadəsində hər hansı bir geriçəkilmə yoxdur. Rusiya Ukraynanın torpaqlarını işğalı etməyə davam edir, Ukrayna isə heç bir ərazi güzəştinin olmayacağı bazədə öz mövqeyini bildirir. Dünya birliyinin mütləq əksəriyyəti Ukraynanın ymövqeyini dəstəkləyir. Bu gün Ukrayna Qərbin böyük bir hissəsi ilə bir hərəkət edir. Proseslərin gedişi ilə bağlı proqnoz vermək həm asandır, həm də çətin. Çətinlik ondan ibarətdir ki, müharibənin konkret olaraq nə vaxt bitəcəyi məlum deyil. Sadəlik isə bundan ibarətdir ki, bir mexanizm mövcuddur. Bundan sonrakı döyüş meydanında vəziyyətin necə olacağı ilə bağlı onu demək mümkündür ki, sülh sazişi ilə əlaqədar olaraq bir fikir demək olduqca çətindir. Amma konkret məsələlər ətradında siyasi-diplomatik dialoqun bərpa olunması mümkündür. məsələn Zaparojedə atom elektrik stansiyasında yaranmış çətin vəziyyətin aradan qaldırılması üçün müəyyən dəhlizlərin açılması və ya başqa şəhərlərdə humanitar dəhlizlərin açılması ilə bağlı danışıqlar aparmaq lazımdır.

Ukraynanın və Rusiyanın ortaya qoyduğu iddialar bir-birindən çox uzaq olduğu üçün münaqişənin nə zaman bitəcəyini demək asan deyil. Şərtlər birbirinə zidd olduğu üçün hansısa razılaşmadan danışmaq çətindir. Yeganə ümidverici məsələ odur ki, hər iki ölkənin yanında dha geniş manevr imkanlarına malik olan Türkiyənin vasitəçilik səyləri müəyyən nəticə verə bilər. Ümumən Rusiya və Ukrayna müharibəsinin hazırki vəziyyəti ilə bağlı onu deyə bilərik ki, bu münaqişə hələ uzun müddət davam edəcək".