ABŞ nüvə silahından yalnız fövqəladə hallarda istifadə edəcək.

SİA TASS-a istinadən xəbər verir ki, bunu ABŞ dövlət katibi Entoni Blinken deyib.

Onun sözlərinə görə, “Amerikanın nüvə silahlarının əsas rolu ABŞ-a nüvə hücumlarının qarşısını almaq olacaq”.

“Birləşmiş Ştatlar nüvə silahından yalnız fövqəladə hallarda, ABŞ-ın, müttəfiqlərinin və tərəfdaşlarının həyati maraqlarını qorumaq üçün istifadə etməyi nəzərdən keçirəcək”, -deyə o əlavə edib.

Yeri gəlmişkən, dünənə qədər dünyaya nüvə müharibəsi ilə “xox” gələn Rusiya prezidenti Vladimir Putin bu dəfə “nüvə müharibəsi heç vaxt açılmamalıdır”-deyə bildirib.

Nüvə müharibəsində qaliblərin ola bilməzliyini xatırladan Rusiya rəhbəri, ona görə də, belə bir addımın atılmamasını məsləhət bilib.

Bununla yanaşı, Vladimir Putin Rusiyanın dünya birliyinin bütün üzvləri üçün bərabər təhlükəsizliyin tərəfdarı olduğunu bildirib.