Son zamanlar bütün yer kürəsini təşviş içərisində saxlayan, insanların həyatını sözün həqiqi

mənasında alt-üst edən, Koronavirus – COVİD -19  virusu ölkəmizdə də öz təsirini göstərməkdədir.Hal-hazırda uşaqdan-böyüyə dərk etmək , düşünmək qabiliyyətində olan hər bir kəs bu bəladan  qurtulmaq üçün çalışır, həmrəylik nümayiş etdirir, əlindən gələnləri əsirgəmir . İndi birlik, həmrəylik vaxtıdır. Fədakar, dar gündə birlik nümayiş etdirməyi bacaran xalqımız, qeyrətli vətən övladlarımız,  hər kəs bacardığı qədər yararlı olmağa çalışır. Xaricdə yaşayanlarımız vətənə qayıda bilməyən soydaşlarımız üçün evlərini açır , kimi maddi , kimi mənəvi dəstəyini nümayiş etdirməklə bu dar gündən üzüağ çıxmaq üçün bir vətəndaş, bir ləyaqətli insan kimi bacardığını edir.

Nahaq yerə deyil ki , ölkə rəhbəri cənab İlham Əliyev pandemiya ilə mübarizə aparmaq üçün yaradılan fonda 1 manat bağışlayan vətəndaşa da öz təşəkkürünü bildirərək onun insanlıq mövqeyini alqışladı.

   Haqqında danışmaq istədiyim şəxs , çox  hörmətli millət vəkili İqbal Məmmədov da bu çətin , ağır günlərdə hər zaman xalqın , seçicilərinin yanındadır . Onlara hər daim olduğu kimi  böyük maddi və mənəvi  dəstəyini göstərməkdədir. Xatırlatmaq yerinə düşərdi ki, pandemiyanın ilk günlərindən İqbal müəllim seçildiyi ərazidən sosial təminatı zəif olan insanlara dayaq - dəstək olmuş və hal- hazırda da davam etdirməkdədir. Hətta o zaman Lerik rayonunda  yerləşən  turizm obyektlərini də karantində olan insanların xidmətinə vermişdir. Bu dəyərli insanın bu alicənab hərəkəti o vaxt da bəzilərinin ox olub gözlərinə batmış , İqbal müəllim haqqında yalan- yalnış , iftiralarla dolu yazılar  bəzi saytlarda yer almışdır.
  Son günlər İqbal müəllim haqqında növbəti qara piyarın  başlandığının şahidi olmaqdayıq. 
  Bəzi saytlarda  , o cümlədən Reaksiya TV-də   İqbal Məmmədov haqqında növbəti iftiralar , şər- böhtanlar , qarayaxmalar yer almaqdadır.  Bütün bunlar yenə də qərəzçilikdən  , məkrə hesablanan çirkin məqsədlərdən xəbər verir.  Şər-böhtan, qarayaxmalarla bu  layiqli addıma kölgə salmağa çalışanlar şərəf və ləyaqətdən nəsibini almayanlardır , desək heç də yanılmarıq. Halbuki yazmağa , işıqlandırmağa o qədər gözəl işlər , hadisələr var ki ... Bu el ağsaqqalının , millət vəkilinin alicənablığı , səxavəti , xeyirxahlığı , insanlığı , ləyaqəti ... Dövlətimizə , xalqımıza , vətəndaşlarımıza xidməti saysız - hesabsız yazıların , verlişlərin mövzusu ola bilər. 
Nə yazıq ki , bədxahlığa  köklənmişlərin gözləri hər zaman bağlıdır. Yaxşıları , yaxşılıqları görmək onlarlıq deyil .Sonda onlara demək istərdim ki , insanın ləyaqəti , vicdanı və şərəfi onun kökündən, əslindən , nəslindən gəlir . Quyuya su tökməklə olmur. 
   Müşfiq Kişiyev.