Səkinə Babayeva- " Bakı Tekstil Fabriki " MMC -nin sədri: "Xalqımızın xilaskarı əbədiyaşarlıq zirvəsində".

Baxış sayı: 29233

Müasir tariximizin yaradıcısı Biz heç vaxt onu Azərbaycansız, Azərbaycanı onsuz təsəvvür etməmişik. Şəxsən mən həmişə "Heydər-xalq, xalq-Heydər birliyi əbədidir" deyiminə məhz adı şüar kimi yox, xalqımızın, Vətənimizin və onun əvəzedilməz liderinin birgəliyini, ayrılmazlığını özündə ehtiva edən düstur kimi baxmışam. Heydər Əliyev bizim ümummilli liderimizdir və mən inanmıram dünyada öz xalqı üçün bu qədər çalışmış, öz xalqını bu qədər sevən ikinci bir rəhbər olsun. O, bütün həyatını canından çox istədiyi xalqının yolunda şam kimi əritdi. O, "Mən fəxr edirəm ki, mən azərbaycanlıyam" deyə, ötkəm və qətiyyətli səsi ilə dünyanın xəritəsi cızılan və siyasi düzəni müəyyənləşən iclas salonlarını titrətdi. Mən, "Heydər Əliyev Azərbaycan xalqı üçün kim idi" sualını verib, sonra bu suala cavab axtarmağa çalışanları həmişə qınamışam. "Heydər Əliyev Azərbaycan xalqının özüdür" kəlməsi aksioma kimi hər birimizin şüurunda yer almalıdır. Böyük liderdə xalqımızın bütün mənəvi-əxlaqi keyfiyyətləri birləşib. O dahi şəxsiyyət sitəmlər içində yaşamış xalqımızı firəvan günlərə gətirib çıxardı. Dünyada elə bir dövlət xadimi, tanınmış siyasətçi yoxdur ki, onun siyasi nəhəngliyini, liderlik qüdrətini etiraf etməsin. Bu, onun ictimai-siyasi fəaliyyətinə verilən qiymətdir. Amma "Heydər Əliyev sadəliyi", "Heydər Əliyev səmimiyyəti" deyilən məqamlar da var ki, bunlarsız böyük liderin tam portretini tamamlamaq qeyri-mümkündür. Heydər Əliyevin xalqla görüşlərini, sadə insanlarla təmaslarını yada salın. Bu gün də çox insanlar həmin görüşlərin təsiri altındadır. Heydər Əliyevlə bircə anlıq ünsiyyətdə olub, onu sevməmək, onun cazibəsinə düşməmək mümkünsüz işdir. Heydər Əliyev kimi liderlər üçün zaman məfhumu yoxdur, belə bir fəlsəfi kateqoriya onlar üçün mövcud deyil. Mövcud və real olan Heydər Əliyev əzəməti, Heydər Əliyev böyüklüyü və Heydər Əliyev dühasıdır ki, onu nə zaman, nə də məkan çərçivəsinə sığışdırmaq mümkündür. Təbii, biz onun fiziki yoxluğunu hər an hiss edrik, səsindən, yerişindən, oturuşundan, duruşundan, ən əsası qayğısından ötrü qəribsəmişik. Amma şükürlər olsun ki, Uca Tanrı xalqımız üçün bir işıq mənbəyi aşkarlayıb. İndi bizim Heydər Əliyev siyasi kursunun, Heydər Əliyev məktəbinin dönməz davamsısı olan İlham Əliyev kimi liderimiz var. Elə xalqımızın da ürəyində nikbinlik toxumu cücərdən budur. Azərbaycan xalqı inanır ki, H.Əliyevin həyata keçməmiş arzularını məhz İlham Əliyev reallaşdıracaq. H.Əliyev dünənin və bu günün adamı deyil. O, daha çox gələcəyin adamıdır. Çünki gördüyü işlər firəvan gələcək üçün hesablanmış binanın təməlidir. Bu səbəbdən "Heydər Əliyev Azərbaycan dövlətinin memarıdır" ifadəsi çox dəqiqdir. Həyatımızın elə bir sahəsi yoxdur ki, orada Heydər Əliyev qayğısını, Heydər Əliyev nəfəsini hiss etməyəsən. Mən H.Əliyevi kiminləsə müqayisə etmək, yaxud kiməsə bənzətmək fikrində olanları həmişə qınamışam. O, bənzərsiz və müqayisəedilməz bir şəxsiyyət idi. Heydər Əliyev bir çox liderlər kimi təkcə dövrünün, zəmanəsinin oğlu deyil. O. yuxarıda qeyd etdiyim kimi, həm də gələcəyin adamıdır. Heydər Əliyev bütün zahiri görkəm, əzəməti ilə bütöv bir xalqın simasıdır. O, təkcə Quzey Azərbaycanın deyil, bütün dünya azərbaycanlılarının lideridir… Heydər Əliyev sahibkarlığın inkişafı ilə bağlı qəbul etdiyi mühüm qərarlar, verdiyi fərman və sərəncamlarla yanaşı, yeri gəldikcə iş adamlarına məsləhət və tövsiyələrini əsirgəmir, iqtisadiyyatın ən müxtəlif sahələrində nəyi və necə inkişaf etdirməyi nəzərə çarpdırırdı. Bu isə şübhəsiz ki, iş adamlarının, sahibkarların fəaliyyətinə müsbət təsir göstərir, onların xalq və dövlət qarşısındakı məsuliyyətlərini birə-beş artırırdı. Heydər Əliyev şəxsiyyəti xalqımızın qəlbində əbədiyaşarlıq qazanan dahidir.
O , sıralarımızda olmasa da ruhən və mənən bizimlədir , ölməzdir , əbədidir .Ruhun şad olsun , Ulu Öndər!

Son xəbərlər

Səkinə Babayeva- " Bakı Tekstil Fabriki " MMC -nin sədri: "Xalqımızın xilaskarı əbədiyaşarlıq zirvəsində".

Bu bölməyə aid digər xəbərlər