İtaliyanın paytaxtı Romada keçirilən U-17 dünya çempionatında uğurlu çıxış edən sərbəst güləş üzrə millimiz vətənə qayıdıb. 

“Erməni təxribatların dayanması ehtimalı indiki halda çox aşağıdır.

Rusiyalı siyasi və ictimai xadim, Rusiya Federasiyasının Vətəndaş Palatasının üzvü, “Aspekt” Sosial-Siyasi Araşdırmalar Mərkəzinin prezidenti Georgi Fyodorov “Caliber.Az”-a müsahibəsində Cənubi Qafqaz regionunda gedən proseslərlə bağlı fikirlərini bildirib. Müsahibəni oxucularımıza təqdim edirik.

- Georgi Vladimiroviç, Türkiyə və Rusiya liderlərinin Soçidə gözlənilən görüşünü və ümumilikdə Rusiya-Türkiyə münasibətlərini necə qiymətləndirirsiniz?

- Qarşıdan gələn görüşü dəyərləndirmək hələ tezdir. Heç olmasa görüşün özünü gözləmək lazımdır, çünki Vladimir Putin və Rəcəb Tayyib Ərdoğanın müzakirə edə biləcəyi məsələlərin dairəsi çox genişdir: təhlükəsizlik- Türkiyə NATO-nun üzvü olaraq qalır; iqtisadiyyat- biz enerji, turizm, ticarət və s. sahələrdə əlaqələri inkişaf etdirmişik; regional məsələlər- Rusiya və Türkiyə- Qara dəniz gücləri; Ukrayna- Türkiyə danışıqlar prosesində fəal iştirak etdiyi üçün; Suriya- Rusiya və Türkiyənin Suriya münaqişəsinin sülh yolu ilə həlli prosesində və ikitərəfli münasibətlərin digər məsələlərində iştirakı ilə əlaqədardır.

Rusiya-Türkiyə münasibətlərinin qiymətləndirilməsinə gəlincə, bunu qeyri-sabit kimi xarakterizə etmək olar: çox istidən soyuğa qədər.

- Tehranda keçirilən son sammitin yekunlarına əsasən yeni Moskva-Tehran-Ankara alyansının yaradılmasını güman etmək olarmı?

- Bu cür ssenariləri güman etmək olar, lakin Türkiyə ilə İran arasında bu ittifaqın müəyyən dərəcədə sabit və uzunmüddətli ola biləcəyini söyləmək üçün çoxlu ziddiyyətlər var. Taktiki məqsədlər naminə belə münasibətlər formatı mümkündür, lakin strateji baxımdan bu cür ittifaqlar şübhəli görünür.

- İndiki mərhələdə Rusiya Federasiyasının regional siyasətini necə qiymətləndirirsiniz, nə dərəcədə praqmatikdir?

- Mənə elə gəlir ki, Rusiya Federasiyası görünməmiş xarici təzyiq altında, hərbi münaqişə şəraitində çox çətin vəziyyətdən maksimum dərəcədə sıxışdırılmağa çalışıılr.

- Moskva İrəvandakı hazırkı anti-Rusiya isteriyasına əsaslanaraq Ermənistanla bağlı hansı nəticələrə gəlir?

- Hesab edirəm ki, Rusiya hakimiyyəti hakim dairələrlə münasibətlər qurmağa öyrəşdiyi üçün Moskva hələlik heç bir nəticə çıxarmır. Rusiya rəhbərliyi bütün postsovet məkanında belə siyasətə sadiqdir. Üstəlik, Ermənistan KTMT-nin üzvü olan Rusiyanın strateji müttəfiqi olaraq qalır. Ona görə də inanıram ki, Rusiya Ermənistanla dostluq münasibətlərini bundan sonra da davam etdirəcək.

- Mərkəzi Kəşfiyyat İdarəsinin direktoru Uilyam Börns İrəvana hansı məqsədlə gəlmişdi?

- Rəsmi məlumata görə, Mərkəzi Kəşfiyyat İdarəsinin direktoru Uilyam Börns və Ermənistanın baş naziri Nikol Paşinyan beynəlxalq və regional təhlükəsizlik məsələlərini müzakirə ediblər. Amma hamımız başa düşürük ki, bu səviyyəli danışıqlarda qarşıya qoyulan məqsədlər real hədəflərdən fərqlənə bilər. Bu səfərdə həqiqətən də Rusiya üçün yaxşı heç nə yoxdur. Ola bilsin ki, Vaşinqtonla İrəvan arasında birbaşa əməkdaşlıq təklifləri olub, ola bilsin, Türkiyə ilə münasibətlərin inkişafı, ola bilsin, Rusiya ilə münasibətlər müzakirə olunub. Aydındır ki, MKİ direktoru sadəcə olaraq başqa ölkələrə səfər etmir. Amma İrəvana səfər edir. Bu o deməkdir ki, Vaşinqtonun Ermənistanı Rusiyadan qoparmaq üçün hansısa planları var.

- Ermənistan-Türkiyə sərhədi nə vaxt açıla bilər?

- Bunun yaxın gələcəkdə baş verməsi ehtimalı azdır. Və vəziyyətin gələcəkdə necə inkişaf edəcəyi Qarabağdakı vəziyyətdən, Ermənistan-Azərbaycan və Ermənistan-Türkiyə münasibətlərinin inkişafından asılıdır.

- Yaxın gələcəkdə Cənubi Qafqazda hansı proseslər baş verə bilər?

- Cənubi Qafqaz qlobal siyasi mühitdə çox qaynar nöqtə olaraq qalır. Orada istənilən proseslər gedə bilər: hərbi münaqişələrdən tutmuş iqtisadi qarşıdurmaya qədər.

“Rusiya-Ukrayna müharibəsi hələ də davam edir.