Rusiya ilə Ukrayna arasında istənilən sülh sazişinin qəbul edilməsi çətin olacaq, lakin bu, hərbi əməliyyatların davam etməsindən daha yaxşıdır.

Axar.az xəbər verir ki, bunu Türkiyə xarici işlər naziri Hakan Fidan “Röyters”ə açıqlamasında deyib.

Fidan qeyd edib ki, Ankara atəşkəsə dair ABŞ-ın təklifini dəstəkləyir, lakin Kiyev və Moskva istənilən razılaşmadan hələ uzaqdır:

“İstənilən təklifi qəbul etmək son dərəcə çətin olacaq. Lakin digər variant – daha çox ölüm və dağıntı nəzərə alındıqda – düşünürəm ki, mövcud şərtlər daha məntiqli görünür”.

Fidanın sözlərinə görə, Avropa təkbaşına Ukraynaya təhlükəsizlik zəmanətləri verə bilməz, buna görə də hazırda Vaşinqtonu onun təhlükəsizliyinin təminatında iştirak etməyə məcbur etmək üçün böyük səylər göstərirlər.