Ukrayna Kursk vilayətində Seym çayı üzərindəki körpünü dağıtmaq üçün Qərb raketlərindən istifadə edib.

Axar.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova Teleqram kanalında yazıb.

“İlk dəfə Kursk bölgəsi Qərb istehsalı olan raket buraxılış sistemləri, ehtimal ki, ABŞ-ın HİMARS raketləri ilə vurulub. Hücum nəticəsində Qluşkovski rayonunda Seym çayı üzərindəki körpü tamamilə dağılıb. Təxliyə edilən mülki əhaliyə yardım edən könüllülər həlak olub”, - Zaxarova bildirib.

Qeyd edək ki, Ukrayna ordusunun Qluşkovski rayonundakı körpünün məhv edilməsi anının görüntüləri ötən gün yayılmışdı.