İsrail milli təhlükəsizlik naziri İtamar Ben-Qvirə sanksiya tətbiq edilməlidir.

Axar.az xəbər verir ki, bu sözləri Avropa Birliyi (AB) diplomatik xidmətinin rəhbəri Jozep Borrell deyib.

“Bütün dünyanın Qəzzada atəşkəsə nail olmağa çalışdığı vaxtda Ben-Qvir mülki əhaliyə suyun və enerjinin kəsilməsinə çağırış edir. Bu çağırış hərbi cinayətdir. Sanksiyalar AB-nin gündəliyində olmalıdır”, - deyə o bildirib.

Qeyd edək ki, bu, AB institutunun nümayəndəsinin İsrail rəhbərliyinə qarşı ilk sanksiya çağırışıdır.