Türkiyəli ekspert Rusiya Prezidenti Vladimir Putinin bədən dilinin hansı mesajlar verdiyini analiz edib.

Axar.az xəbər verir ki, ekspert Putinin danışarkən hərdən çiyinlərini qaldırmasını “mən heç vaxt təslim olmayacağam” mənasında anlamağımız gərəkdiyini vurğulayıb.

Ekspert Putinin son görüşlərinin görüntülərini bu cür izah edib:

- Putin görüşmələr zamanı daha çox oturacağın bir tərəfinə söykənməyə üstünlük verir. Bu, özünə heç kimi rəqib görmədiyi mənasını verir.

- Danışarkən dodaqlarını isladır. Bu isə əsəbi olduğuna işarədir.

- Rusiyalı iş adamı Aleksandr Şokinlə son görüşündə Putin Şokinlə əlini yuxarıdan uzadaraq salamlaşır. O, bununla görüşə güclü başladığının mesajını verir.

- Masada oturduqdan sonra əlini ovuşdurması stressin ifadəsidir.

- Stol arxasına əyləşən kimi qələm və dəftəri əli ilə itələyir. Bu da o deməkdir ki, mənə qələm-kağıza lazım deyil və qeyd aparmağa ehtiyac duymuram.

- Putin tez-tez aşağı baxır. Onun çənəsi boynuna yaxındır və danışarkən həmişə alt dişləri görünür. Bu isə təhdid mesajı verir.

- Putin həmişə çiyinləri dik və qolları açıq çəkildə gəzir. Bunu “xoruz yerişi” də adlandırmaq olar. Bu isə “güclüyəm” deməkdir.