Rusiya gərginliyi azaltmalı, Ukraynanın suverenliyinə və ərazi bütövlüyünə hörmətlə yanaşmalıdır.

Axar.az xəbər verir ki, bunu NATO Baş katibi Yens Stoltenberq deyib.

“Gərginliyin aradan qaldırılması üçün diplomatik və siyasi həll variantının tapılması vacibdir. Bu çərçivədə ABŞ və Rusiya prezidentləri arasındakı dialoqdan məmnunuq. NATO müttəfiqləri bu mövzuda danışıqlara davam edəcək. Müttəfiqlər Ukraynaya siyasi dəstək verir”.

Stoltenberq qeyd edib ki, Ukraynanın NATO-ya üzv olub-olmaması ilə bağlı qərar ölkənin öz məsələsidir:

“Əgər Ukrayna üzvlüklə bağlı müraciət edərsə, buna Alyansın 30 müttəfiqi qərar verəcək. Digər ölkələr buna müdaxilə edə bilməz”.