O bildirib ki, məhz Ümummilli Liderin dövründə həyata keçirilən islahatlar, əsas da enerji sektorunda həyata keçirilən islahatlar bu gün qeyri-neft sektoruna öz müsbət töhfəsini verməkdədir: "Ölkəmiz üç enerji strategiyası icra etməkdədir. Bunlardan birincisi birbaşa Ümummilli Liderin təşəbbüsü ilə yaranmış və davam etməyə başlamış neft strategiyasıdır.

İkinci strategiya olan qaz strategiyasının da bilavasitə əsası Ümummilli Lider tərəfindən qoyulmuşdur. Çünki ölkədə iqtisadi aktivliyin təmin olunması üçün çox vacib olan məsələ bilavasitə maliyyə resursları idi. Məhz maliyyə dayanıqlığının təmin olunması üçün xarici investorların ölkəyə cəlb olunması istiqamətində Ümummilli Lider 1994-cü ildə imzalanan "Əsrin müqaviləsi" kimi möhtəşəm konrltraktın imzalanması ilə Azərbaycanın neft sahəsindəki inkişafını sürətləndirdi. Xarici investorların cəlb olunmasına nail oldu. 1994-cü ildə başlanan bu strategiya bu gün də qeyri-neft sektoruna öz töhfəsini verir. Eyni zamanda infrastruktur və nəqliyyat layihələri, Bakı-Tbilisi-Ceyhan, Bakı-Tbilisi-Ərzurum, Bakı limanı və digər mühüm layihələr Ümummilli Liderin adı ilə bağlıdır.

Ümumiyyətlə, Heydər Əliyev sözün həqiqi mənasında sözlə ifadə edilə bilməyəcək qədər dahi insan idi. Elə bir insan ki, onu sevməmək mümkün deyildi".