Qarabağda özünü buraxmış separatçıların lideri Samvel Şahramanyanın xidməti avtomobili narkotik vasitələrin qanunsuz dövriyyəsi ilə bağlı cinayət işi çərçivəsində müsadirə edilib.

Axar.az xəbər verir ki, bu barədə Ermənistan İstintaq Komitəsi məlumat yayıb.

Qeyd edək ki, iyunun 21-də Ermənistan DİN-in xüsusi təyinatlıları Samvel Şahramanyanın xidməti avtomobilini evakuatorla aparıblar. İstintaq Komitəsinin əməkdaşı Şahramanyana heç bir məhkəmə qərarı təqdim etməyib, sadəcə, avtomobilin cinayət işi çərçivəsində götürüldüyünü bildirib.