Kiyevin Sevastopolu atəşə tutmaq üçün Müqəddəs Troitsa bayramı gününü seçməsi təsadüfi deyil, bu, ritual cinayətdir.

Axar.az xəbər verir ki, bunu Rusiya Xarici İşlər Nazirliyinin rəsmisi Mariya Zaxarova deyib.

“Mən tam əminəm ki, bu cür hücumlar adi hala çevrilsə də, bu zərbənin tarixi təsadüfi seçilməyib. Biz Kiyev rejiminin mahiyyətində nə olduğunu çox gözəl başa düşürük - bu, Rusiya ilə, rus mədəniyyəti ilə bağlı hər şeyə dərin nifrətdir - və təbii ki, pravoslavlıq və ümumiyyətlə xristianlıq...”, - Zaxarova bildirib.

Qeyd edək ki, bu gün Ukrayna ordusu Sevastopola raket zərbələri endirib. Zərbələr nəticəsində 3 nəfər ölüb, 100-ə yaxın isə yaralanıb.