Hər kəsin öz inancını, mədəniyyətini, adət-ənənəsini azad şəkildə yaşaya bildiyi ölkəmiz, qardaşlıq və həmrəylik hissləri ilə iç-içə olan xalqımız bütün dünya üçün misilsiz nümunə olmaqda davam edir.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Pasxa bayramı münasibətilə xristianlara ünvanladığı təbrikində deyib.

"Keçmişdən bu günə millətimizin hər bir üzvünün böyük töhfələri ilə zənginləşmiş köklü bir sivilizasiyanın üzvləri olaraq biz sülh və əmin-amanlıq içində gələcəyə inamla addımlamağa davam edəcəyik. Pasxa bayramı münasibətilə sevincinə ortaq olduğumuz xristian vətəndaşlarımıza və bütün xristianlara uğurlar arzulayıram", - Ərdoğan qeyd edib.