Rusiya Prezidenti Vladimir Putinin əsl məqsədi Qərb hərbi ittifaqını məhv etmək üçün Şərqi Avropaya tam nəzarəti ələ keçirməkdir.

Axar.az xəbər verir ki, bu barədə NATO-nun keçmiş komandanı Uesli Klark deyib.

"O, Ukraynanı, Baltikyanı ölkələri istəyir. Şərqi Avropaya tam nəzarət etmək, NATO-nu məhv etmək istəyir", - Klark bildirib.

O, ABŞ və onun NATO müttəfiqlərini Ukraynaya hərbi yardımı artırmağa, o cümlədən döyüş təyyarələri verməyə çağırıb:

"Ukrayna sadəcə hazırkı döyüş meydanıdır. Amma ukraynalılar bu döyüş meydanında Rusiyanı məğlub etsələr, hər şey dəyişəcək. Ona görə də müdafiənin, NATO və beynəlxalq sistemi qorumağın ən yaxşı yolu Ukraynaya döyüş meydanında Rusiya ilə mübarizə aparmağa kömək edəcək yardımı verməkdir”.