 |
 |
Montpellier Universitetinin alimləri paxla və süd məhsullarının koronavirus infeksiyasından qorunmasına kömək edəcəyini müəyyənləşdirib.
Publika.az xəbər verir ki, bu barədə "The Sun" məlumat yayıb.
Bu bitkilər immunitetini gücləndirmək üçün lazımlı antioksidanları ehtiva edir. Bunban başqa bədənin qoruyucu maneə yaratmasına kömək edir və infeksiyaların daxil olmasına icazə vermirlər. Məhsulların daimi istifadəsi yeni növ koronavirusun yaratdığı ağır xəstəlik ehtimalını azaldır.
Tədqiqatçılar bildirib ki, COVİD-19-dan aşağı ölüm nisbətinin qeydə alındığı ölkələrdə Almaniya və Cənubi Koreyada kələmdən çox istifadə olunur. Bundan əlavə, əhalinin qatıq və kefir istehlak etməyi xoşladığı Yunanıstan, Bolqarıstan və Türkiyədə aşağı ölüm halları qeydə alınır.
"Virusun yayılmasına və şiddətinə, həmçinin milli mətbəxdəki fərqlərinə az diqqət yetirilib, lakin mətbəxdəki dəyişikliklər böyük fayda verə bilər" , - professoru və ÜST-ün keçmiş eksperti Dr. Jan Bousk deyib.
Mütəxəssislər koronavirusa qarşı immunitet müdafiəsində qidalanma xüsusiyyətlərini ölkələr arasında əsas fərq adlandırıb.
Dünyada Covid-19 virusu hələ də sürətlə yayılmaqda davam edir. Mütəxəssislər hazırda həm virusa qarşı vaksin axtarışındadırlar, həm də Covid-19-un ilk olaraq nədən qaynaqlandığı və tez bir zamanda necə yayılması ilə bağlı araşdırmalar aparılır.
Hər keçən gün koronavirusa yoluxanların və ölənlərin sayı artdığı bir vaxtda ABŞ-a qaçan çinli mütəxəssisin verdiyi açıqlamalar insanları şoka salıb.
Belə ki, Honq Konqdan olan tanınmış virusoloq mütəxəssis Li-Meng Yan ABŞ-ın "Fox News" kanalına danışaraq ölkəsindən qaçmağa məcbur olduğunu deyib.
O bildirib ki, koronavirus pandemiyası ortaya çıxan zaman Honq Konq Tibb Universitetində virusoloq işləyib. Çinin koronavirusla bağlı həqiqətləri gizlətməsi, virusun yayılması haqda dünyaya gec xəbər verməsi ilə bağlı əvvəlcədən məlumatı olub.
Li-Meng Yan pandemiya ilə bağlı mühüm araşdırmalar apardığını, lakin çinli rəsmilərin buna bilərəkdən əhəmiyyət vermədiyini deyib.
Onu da bildirək ki, Li-Meng Yan Çində yoluxucu xəstəliklər üzrə araşdırma qrupunda olub və koronavirusun ilk ortaya çıxdığı Uhana gedən həkim heyətinin tərkibində yer alıb. O, virusun insandan insana keçdiyi barədə ilk məlumat verən mütəxəssislərdən biridir.
Linin sözlərinə görə, ilk vaxtlarda Çin Kommunist Partiyasının üzvləri bu məlumatın gizlədilməsinə çalışıblar.
Çinli mütəxəssis virusla bağlı məlumatları olan həmkarlarının və özünün sıxışdırıldığını görüb, Honq Konqdan ABŞ-a qaçmağa məcbur olub. O həmçinin qeyd edib ki, Çin hökuməti Honq Konq Tibb Universitetində virusla bağlı araşdırmaları ləğv edib, xaricdən gələn mütəxəssislərin məsələni araşdırmasının qarşısını almağa çalışıb.
Məlumata görə, hazırda Li-Meng Yan ABŞ-da təhlükəsizlik baxımından heç kəsin bilmədiyi bir yerdə qalır. Ölkəsinə bir daha geri dönməyəcəyini deyən mütəxəssis koronavirusla bağlı qorxunc iddialar da irəli sürüb.
Onun sözlərinə görə, koronavirus insanların düşündüyündən də çox öldürücüdür və buna qədər aparılan tədbirlərlə onun qarşısını almaq qeyri-mümkündür:
"Hazırda dünyada təxminən hər 600 insandan biri virusa yoluxub. Lakin bu virusun yoluxma sürəti çox böyükdür. Qarşısı alınmasa tezliklə, hər 100 insandan biri koronavirusa yoluxa bilər.
Bu günə qədər virusun vaksinini tapa bilməmişik və deyə bilərəm ki, heç yaxın vaxtlarda da tapılacağına ümid yoxdur. Vaksindən möcüzə gözləmək əvəzinə virusun kökünü araşdırmaq, onun necə ortaya çıxdığını öyrənməyə çalışmalıyıq. Məhz bunları demək üçün ölkəmdən qaçdım".
Li-Meng Yanın bu açıqlamalarından sonra Honq Konq Universiteti dərhal məsələyə reaksiya verib. Universitetdən bildirilib ki, adıçəkilən mütəxəssisin iddiaları yalandır. /Musavat.com
Bu gün Ermənistan mediasının bəh-bəhlə “qəhrəman” kimi təqdim etdiyi erməni gənclərinin sınaq zamanı o qədər də cəsur olmadıqları görünür.
Gapp.az-ın məlumatına görə, bu, sosial şəbəkələrdə yayımlanan videodan aydın sezilir.
Kadrlarda Ermənistanın polis əməkdaşlarının Azərbaycan sərhədindən qaçan fərariləri saxladıqları görünür.
Qeyd olunur ki, hazırda döyüşlərin davam etdiyi sərhədə aparan yollarda polis sədləri quraşdırılıb. Göründüyü kimi, Ermənistan hakimiyyətinin təbliğat-təşviqatından fərqli olaraq, erməni xalqı ordusunun “qəhrəmanlığına”, həqiqətən də, inanmır. Bunun üçün çoxlu əsasları da var.
Xatırladaq ki, 2016-cı ilin Aprel döyüşləri günlərində də erməni hərbçiləri Azərbaycan Ordusunun əks-hücumundan vahiməyə düşərək, cəbhə xəttindən kütləvi şəkildə təkcə işğal altındakı Qarabağa deyil, həm də Ermənistana qaçmışdılar. Eyni mənzərə bu gün də müşahidə olunur.
Keçmiş hakimiyyət Ermənistanı Rusiyanın altına qoydu, indi də rusların təsir dairəsindən çıxmaq istəyən ölkəni orada saxlamağa can atırlar. İndi ölkədə baş verənlər anti-Rusiya prosesi deyil, bu, ABŞ və İrana xoş gəlmək üçün baş verən hadisələrdir. Əgər Rusiya anti-Ermənistan siyasəti aparırsa, deməli, belə də olmalıdır.
Bunu erməni politoloq Levon Şirinyan deyib.
Şirinyan Rusiyanı Aprel döyüşlərində və digər həssas məqamlarda Ermənistanı Azərbaycanla tək qoymaqda ittiham edib:
“Aprel döyüşlərindən əvvəl və sonra Azərbaycan ordusunu silahlandıran Rusiyanı xalqımızın sevməyinin ehtimalı azdır. Rusiya ilə münasibətləri tənzimləməliyik və Moskva hüquqlarımıza hörmət etməlidir.
Daxildəki bəzi qüvvələrin məqsədi 1920-ci ildə olduğu kimi yenidən ruslar tərəfindən Ermənistanın işğalına nail olmaqdır. Ermənistan Rusiyanın quberniyası statusundan imtina etməlidir. İndi məsələ təkcə Rusiya deyil, Ermənistanı Türkiyəyə vermək istəyənlərin sayı da kifayət qədərdir.
Oliqarxlar Putini təhrik edirlər ki, Ermənistanı ələ keçirsin. Hesab edirəm ki, ruslarla münasibətlərə yenidən baxılmalıdır”. (teleqraf.com)
Birləşmiş Ştatlar Ermənistan və Azərbaycanın sərhədindəki toqquşmaları pisləyir və tərəfləri dərhal güc tətbiqini dayandırmağa çağırır.
Bu barədə ABŞ Dövlət Departamentinin mətbuat xidmətinin başçısı Morqan Ortequsun bəyanatında deyilir.
"Birləşmiş Ştatlar qəti surətdə Ermənistan və Azərbaycanın dövlətlərarası sərhədindəki zorakılığı pisləyir. Biz tərəfləri dərhal güc tətbiqini dayandırmağa, sonrakı eskalasiyadan qaçmaq, həmçinin atəşin dayandırılması rejiminə qəti tərəfdar olmaq üçün onlar arasındakı mövcud rabitənin birbaşa kanallarından istifadə etməyə çağırırıq", - o deyib.
“ATƏT-in Minsk Qrupunun həmsədri kimi ABŞ tərəflərə Dağlıq Qarabağ münaqişəsinin davamlı və dinc yolla həllinə kömək etməkdə qətiyyətli olaraq qalır. Biz bu hədəfin nailiyyətinə yönəldilmiş səylərdə fəal iştirak etməyə davam edəcəyik.
ABŞ Minsk Qrupu həmsədrlərinin tərəflərə mümkün qədər qısa müddətdə əsaslı danışıqlara başlamaq çağırışlarına qoşulur və həmçinin vəziyyət imkan verdikcə ATƏT müşahidəçilərinin bölgəyə qaytarılmasının vacibliyini qeyd edir”, - ABŞ-ın xarici siyasət idarəsində bildiriblər.
“Ermənistan Azərbaycanın Tovuz bölgəsinə bir xaincəsinə hücum edib və nəticədə 4 qardaşımız şəhid olub. Azərbaycan ordusu da düşmənin layiqli cavabını verib, erməniləri geri otuzdurdu”.
“Ölkə.Az” xəbər verir ki, bunu Türkiyənin Xarici İşlər naziri Mövlud Çavuşoğlu TRT-yə müsahibəsində deyib.
“Biz görürük ki, Ermənistan diqqəti işğal etdiyi torpaqlardan başqa yerlərə çəkmək istəyir. Yeni silahl toqquşma məkanları seçir. Ermənistan indiədək münaqişənin siyasi həll yoluna sadiq qalmayaraq, bunu pozdu. Biz də Tükiyə olaraq bu istiqamətdə çox səylər göstərdik. Ancaq Ermənistan tərəfi riayət etmədi”-nazir bildirib.
Nazir əlavə edib ki, Ermənistanın bu hərəkətləri qəbul edilməzdir: “Ermənistan ağlına başına toplasın. Azərbaycan tək deyil. Biz Türkiyə dövləti və Türk milləti olaraq bütün imkanlarımızla Azərbaycanın yanındayıq. Danışıqlar yolu ilə Azərbaycanın ərazi bütövlüyün təmin olunması üçün bundan sonra da əlimizdən gələn bütün siyasi dəstəyi verəcəyik və buna hazırıq. Amma Ermənistan Tovuza hücum etməklə savaşı istəyən tərəf olduğunu ortaya qoyub. Biz də Azərbaycanı bu məsələdə tək qoymayacağıq”.
Dünən axşam Tovuz istiqamətində baş verən atışmadan sonra Ermənistanda ciddi çaşqınlıq müşahidə olunur.
Rəsmi mənbələr döyüşdə itkilərlə bağlı məlumat verməsələr də, xüsusilə sosial şəbəkələrdə müxtəlif fikirlər irəli sürülür.
Sosial şəbəkə istifadəçiləri yerli sakinlərdən, döyüş gedən ərazidəki hərbçilərdən aldıqları məlumata istinadən, erməni tərəfinin böyük itkilər verdiyini bildirir.
“Cəbhədə nəsə dəhşət baş verir. Qardaşım zəng etdi, bildirdi ki, hospital və xəstəxanalar dolub. Bizim əsgərlərin cəsədi ilə dolu 3 yük maşını görüb. Deyilənə görə, 70 əsgər ölüb. 300-dən çox yaralı var. Əgər belədirsə, 3 yük maşınında azı 200 ölü daşınıb. Mən nə edəcəyimi bilmirəm,çox qorxuram, qardaşımla əlaqə də kəsilib,şəhərdə böyük panika var. Hökumət heç nə etmir”,-deyə Diana Arutunyan adlı sosial şəbəkə istifadəçisi yazıb.
Bu, bu qəbildən ilk paylaşım deyil. Dünən axşamdan bəri sosial şəbəkə istifadəçiləri erməni hökumətinin itkilərlə bağlı məlumatı gizlətdiyini bildirir.
/cebhe.info/
Azərbaycan Ordusunun açdığı cavab atəşi nəticəsində Ermənistanın Tavuş rayonunda iki polis əməkdaşı yaralanıb.
“Report” “Sputnik Armeniya”ya istinadən xəbər verir ki, bunu Ermənistan Müdafiə Nazirliyinin mətbuat katibi Şuşan Stepnyan “Facebook” səhifəsində yazıb.
Onun sözlərinə görə, polis əməkdaşları blindajın yaxınlığında olublar.
Xatırladaq ki, bu, Ermənistan rəsmilərinin itki və yaralılar barədə ilk açıqlamasıdır. Düşmən cəbhədə 30-dan çox itki verməsinə baxmayaraq, bunu etiraf etmir.
Qeyd edək ki, iyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.
Düşmən hücumunun qarşısını alarkən döyüşdə Azərbaycan Ordusunun hərbi qulluqçuları müddətdən artıq həqiqi hərbi xidmət hərbi qulluqçuları çavuş Sadıqov Vüqar Lətif oğlu və baş əsgər Məmmədov Elşad Dönməz oğlu şəhid olub.
Həkimlərimizin səyinə baxmayaraq ağır yaralanan hərbi qulluqçumuz əsgər Daşdəmirov Xəyyam Məhəmməd oğlu da şəhid olub.
Azərbaycan-Ermənistan dövlət sərhədinin Tovuz istiqamətində iyulun 13-nə keçən gecə ərzində də gərginlik davam edib.
Artilleriya, minaatan və tankların tətbiqi ilə gedən gecə döyüşlərində bölmələrimizin dəqiq atəşi ilə düşmənin dayaq məntəqəsi, artilleriya qurğuları, hərbi hissəsi ərazisində avtomobil texnikası və canlı qüvvəsi məhv edilib.
Döyüşdə Azərbaycan Ordusunun hərbi qulluqçusu baş leytenant Mahmudov Rəşad Rəşid oğlu şəhid olub.
Hazırda əməliyyat şəraiti qoşunlarımızın nəzarəti altındadır. Düşmənə qarşı cəza tədbirləri həyata keçirilir.
Düşmən tərəfi itkiləri barədə məlumatları gizlədir.
COVİD-19 pandemiyasında “ikinci dalğa” təhlükəsi ölkələri yenidən sərt karantin rejiminin tətbiq etməyə məcbur edir. May ayında bütün dünyada başlanan yumşalma yoluxma hallarının artması ilə nəticələndi. Karantin rejimini yenidən tətbiq edən Avstraliyanın Viktoriya ştatının rəhbəri Daniel Andresin dedikləri bu kontekstdə diqqət çəkir: “Arxayınlaşdıq və qaydalara əməl etmədik. Hər birimizin ətrafında qaydalara riayət etməyən insanlar var. Buna görə də karantin rejimini tətbiq etməkdən başqa çarəmiz yoxdur”.
Avstraliyada “ikinci dalğa”nın qarşısını almaq məqsədilə 5 milyon insan yenidən karantinə alınıb. Çərşənbə axşamından etibarən ölkənin ikinci böyük şəhəri olan Melburnda 6 həftəlik karantin elan olunub. Sakinlərin evlərindən çıxmaması üçün şəhərin ətrafında nəzarət postları qurulub. Viktoriya əyalət polisi bəyan edib ki, “şəhər sakinləri istənilən yerdə istənilən vaxt saxlanılaraq, yoxlanılacaq”. Bütün iaşə obyektləri yenidən bağlanıb, sakinlər yalnız məcbur olduqda evdən çıxa bilərlər.
Şəhər sakini Maykl Albert “Frans press” agentliyinə açıqlamasında bildirib ki, “bu vəziyyətdən xoşları gəlməsə də, sağlamlıq üçün qərarı dəstəkləyirlər”.
Tokioda son 24 saatda 220 yeni yoluxma faktının qeydə alınmasından sonra Yaponiya hökuməti də hərəkətə keçib. Həkimlər bildirir ki, tezliklə bütün ölkə üzrə yoluxma artacaq. Buna səbəb karantin rejiminin yumşaldılmasıdır, xüsusilə barlar, hecə klubları və restoranların açılması ciddi təhlükə yaradır. Artıq hökumət yumşalma ilə bağlı verdiyi qərarları təxirə salmağa başlayıb. Misal üçün, stadionlarda 5 min azarkeşin iştirak edə bilməsi qərarı ləğv olunub. Hazırda karantin rejiminin yenidən tətbiqi və yumşalma ilə bağlı qərarların ləğvi üzərində iş aparılır.
Özbəkistan isə yenidən bütün ölkə üzrə karantin rejiminin tətbiqinə başlayıb. Karantin rejiminin bitməsinə – avqustun 1-nə qədər içində market olmayan ticarət mərkəzləri, bazarlar, parklar, kafelər, restoranlar, idman və əyləncə məkanları bağlı olacaq. Bu ölkədə karantin rejiminin yumlaşmasından sonra yoluxma hallarında yüksəlmə qeydə alınıb. Ümumilikdə 11 min yoluxma, 40 ölüm faktı qeydə alınıb. Ölüm hallarının yarısı son iki həftədə baş verib.
Özbəkistanın qonşusu Qazaxıstan da iyulun 5-dən etibarən bütün ölkə üzrə yenidən karantin rejiminin tətbiqi haqda qərar qəbul edib. Qazaxıstanda da ərzaq marketləri və apteklər istisna olmaqla bütün iaşə obyektləri bağlanıb.
Avropa ölkələri də sərtləşmə ilə bağlı yeni addımlar atır.
İngiltərənin Leyster şəhərində məhdudiyyətlər başlanıb. Həftənin çərşənbə axşamından etibarən ərzaq mağazası və apteklər istisna olmaqla digər iaşə obyektləri bağlanıb, bu gündən başlayaraq, məktəblər də bağlanır. Səhiyyə naziri Metyu Henkok (Matthew Hancock) şəhər sakinlərini qaydalara əməl etməyə çağırıb və “çətindir, amma həyati əhəmiyyət daşıyır” deyə bildirib.
İspaniyanın Kataloniya əyalətində 210 min insan karantinə alınıb, bütün bölgədə küçəyə tibbi maskasız çıxmaq qadağan olunub. Belçikada da tibbi maska məcburi hala gətirilib.
Fransa isə “ikinci dalğa”ya hazırlıq görür. Elmi Şuranın rəhbəri Jan Fransua Delfressi bildirib ki, “virus dövr etməyə davam edir, sürəti yavaşlasa da, o hələ də buradadır”.
Məhdudiyyətlər Bolqarıstan, Rumıniya, İsrail, Kolumbiya və digər ölkələrdə də tətbiq edilməyə başlanıb.
3 milyondan çox insanın viruda yoluxduğu ABŞ-da yerli səviyyələrdə məhdudiyyətlər olsa da, ölkənin epidemioloqları təhlükə zənglərini çalır və bəyan edirlər ki, epidemiya üzərində sərt nəzarət metodları bütün ölkə miqyasında tətbiq edilməlidir.
Göründüyü kimi, hazırda dünya ölkələri koronavirusda “ikinci dalğa” təhlükəsinin qarşısını almaq üçün yenidən qapanma yolunu seçir, çünki pandemiyaya qarşı yeganə effektli mübarizə vasitəsi budur, may ayından öncəki təcrübə də bunu sübut edir. (publika.az)
СOVID-19-dan sağalan insanlar gələcəkdə immunitetlə bağlı uzun müddətli problemlər yaşaya bilər.
Report xəbər verir ki, belə nəticəyə Rusiya və Çin Xalq Respublikasının alimləri gəlib.
Məlumata görə, araşdırmalar zamanı virusdan sağalan insanların bir hissəsinin qanında limfositlərin səviyyəsinin aşağı düşməsi qeydə alınıb. Limfositlərin səviyyəsi hətta sağalmadan 11 həftə sonra da əvvəlki normaya çatmır.
Qeyd edilir ki, bu zaman immun hüceyrələri zədələnir. İmmun hüceyrələri xroniki zədəsi isə ən çox insan immun çatışmazlığı virusuna səbəb olur. Rusiya mütəxəssisləri isə bildiriblər ki, SARS - coV-2 immun çatışmazlığı virusundan fərqli olaraq, limfositlərdə çoxala bilmir.
Bu baxımdan, immunitet sistemindəki durğunluq uzun, lakin geri dönə bilən ola bilər.
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib