 |
 |
Cəbrayılda Ermənistan ordusunun bütün müdafiə xətləri məhv edildi. 80 erməni əsgərdən 40 nəfər qalmışdı.
Axar.az Trend-ə istinadla xəbər verir ki, bunu erməni MMA döyüşçüsü Eduard Vartanyan deyib.
"Cəbrayılda olan erməni general təcili tibbi yardım maşınını saxladı, içindəki əsgərləri düşürüb, özü mindi" - deyə Eduard Vartanyan bildirib.
Onun sözlərinə görə, Azərbaycan PUA-ları mülki maşınları, obyektləri vurmurdu, buna görə də erməni general təcili tibbi yardım maşınına minib ərazidən qaçıb.
Daxili işlər orqanları tərəfindən, gün ərzində törədilmiş 19 cinayətin üstü "isti izlər"lə açılıb.
Daxili İşlər Nazirliyinin (DİN) Mətbuat xidmətindən Axar.az-a verilən məlumata görə, əvvəlki dövrlərdən bağlı qalmış 3 cinayətin açılması təmin olunub.
Axtarışda olduğuna görə ümumilikdə 23 nəfər, borclu şəxs qismində axtarışda olan 10 nəfər saxlanılaraq aidiyyəti üzrə təhvil verilib.
Respublikanın avtomobil yollarında 3 ağır yol-nəqliyyat hadisəsi baş verib, nəticədə 5 nəfər ölüb, 2 nəfər xəsarət alıb.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 16 fakt müəyyən edilib.
Cinayət törətməkdə şübhəli bilinən 24 nəfər saxlanılıb.
Avropa İttifaqı hakimiyyəti kiberizləmə üçün texnologiyaların satışı və ixracını tənzimləyən normaları sərtləşdirib. Belə ki, Avropa qanunvericilik orqanları və Avropa Şurası arasında sifətin tanınması texnologiyaları və casus proqram təminatı kimi ikili təyinatlı malların insan hüquqlarının pozulması məqsədilə istifadəsinin qarşısının alınması üçün onların dövriyyəsinə nəzarət edən normaların yenilənməsi barədə ilkin razılıq əldə olunub.
Milli.Az ictnews.az-a istinadən bildirir ki, yenilənmiş normalara görə, Avropa şirkətləri dövlətdən müəyyən məhsulların ixracı üçün lisenziya almalı və yeni kriterilərə uyğun cavab verməlidir. Məsələn, onlar ixrac olunan texnologiyaların insan hüquqlarının pozulması üçün istifadə edilməyəcəyini sübut etməlidirlər. Bundan başqa, Avropa ölkələri şəffaflığı daha çox təmin edəcək və ictimaiyyətə əldə edilən lisenziyalar haqqında daha çox məlumat verəcəklər.
Sifətin tanınması texnologiyaları və casus proqram təminatı ilə yanaşı, ikili təyinatlı mallara yüksək məhsuldarlığa malik kompüterlər, pilotsuz uçan aparatlar və müəyyən kimyəvi maddələr aiddir.
Uzun müddət davam edən danışıqlardan sonra imzalanan sazişin Avropa Parlamenti və digər orqanlar tərəfindən rəsmən təsdiqlənəcəyi gözlənilir.
Hüquq-mühafizə qrupları çoxdandır Avropa İttifaqını kiberizləmə üçün texnologiyaların ixracı üzrə qaydaları sərtləşdirməyə çağırırlar. "Amnesty International" təşkilatının hesabatına görə, hazırda mövcud olan Avropa qanunvericilik normalarında sürətlə dəyişən müşahidə dinamikası və yeni rəqəmli müşahidə texnologiyaları ilə əlaqədar yaranan risklər nəzərə alınmır. "Amnesty International" tərəfindən Çinə rəqəmli müşahidə texnologiyaları satan minimum üç Avropa şirkəti aşkarlanıb.
Mən müxalifətdə olanda, 2016-cı ildə (Aprel savaşı nəzərdə tutulur – red.) Qarabağa könüllü getdim, sonradan hadisələrin o qədər də uğurlu getməməsinə baxmayaraq, mitinq keçirmədim.
Axar.az xəbər verir ki, bu sözləri Ermənistan Baş naziri Nikol Paşinyan müxalifətdə olsaydı, üçlü Bəyanata necə reaksiya verəcəyi haqda danışarkən deyib.
İctimai kanalın efirində danışan Paşinyan bildirib ki, o, 30 minə yaxın əsgər və zabitin mühasirəyə düşüb məhv olmaması üçün bu Bəyanatı imzalamağa məcbur olub:
“Bu Bəyanatı bir an tez imzalamaq üçün Baş Qərargah tələsdirirdi, digər hərbi heyət təkid edirdi ki, proses dərhal dayanmalıdır”.
Bəyanatın imzalanmayacağı halda hər şeyin itiriləcəyini xatırladan Paşinyan bu sənədin hələ siyasi nizamlanma olmadığını, bütün açıq məsələlərin bundan sonra müzakirə ediləcəyini qeyd edib. Həmçinin bildirib ki, "ərazini saxlamaq üçün" yeganə yol Bəyanatı imzalamaq idi.
ABŞ-ın Tanzaniya və Keniyadakı səfirliklərinə hücumun iştirakçılarından biri olan Əl Qaidə terror təşkilatının liderlərindən biri Abdulla Əhməd Abdulla İsrailin Tehrandakı agentləri tərəfindən məhv edilib.
Axar.az xəbər verir ki, bu məlumatı “Nyu York Tayms” qəzeti yayıb. Məlumata görə, Abdulla 3 ay əvvəl məhv edilib. Onun avqustun yeddisində Tanzaniya və Keniya səfirliklərinə hücumun il dönümündə Tehranın küçələrindən birində motosikletdə olan iki nəfər tərəfindən öldürüldüyü bildirilib. Abdulla ilə bərabər qızı Məryəm də öldürülüb.
Qəzet İsrail xüsusi xidmət orqanlarının hücumu ABŞ-ın təşəbbüsü ilə gerçəkləşdirdiyini bildirib. Abdullanın öldürülməsindən sonra isə İran KİV-i Tehranda livanlı tarixçi Həbib Daudun öldürüldüyü haqqında məlumat yayıb. “Nyu York Tayms” əslində belə adamın heç vaxt mövcud olmadığını və öldürülən şəxsin Həbib Daud adıyla gizləndiyini açıqlayıb.
Belə ki, Abdullah Əhməd Abdullanın 2003-cü ildən İranda həbsxanada olduğu, amma 2015-ci ildən Tehran ətrafında sərbəst həyat yaşadığı qeyd edilib.
Naxçıvan Meğri vasitəsilə Azərbaycanla birləşir, Ermənistan cənubdan da bloklanır.
Axar.az xəbər verir ki, bu barədə erməni iş adamı, marketoloq Vaqram Mirakyan sosial şəbəkə hesabında yazıb.
O, dediyinin sübutu kimi üçlü Bəyanatın aşağıdakı məqamlarını diqqətə çatdırıb:
“1. “dqr”in keçmiş ərazilərindən söhbət getmir
2. Talış, Madagiz, Hadrut barədə bir söz belə yoxdur
3. Başa düşdüyümüz kimi, türk ordusu Rusiya ordusu ilə bir yerdə “artsax”dadır.
4. Naxçıvan Meğri (Sünik vilayəti) vasitəsilə Azərbaycanla birləşir, yəni Ermənistan cənubdan bloklanır.
5. Rusiya sülhməramlıları 5 il müddətinə qalırlar və əgər 5 ildən sonra tərəflərdən biri razılaşmadan çıxmırsa, müddət avtomatik olaraq uzadılır. 5 və ya 10 ildən sonra Azərbaycan tərəf kimi razılaşmadan çıxa bilər, o zaman ruslar gedəcək, "dqr" və Emənistan blokadada qalacaq
6. “dqr” statusu haqqında heç bir söz yoxdur
7. Azərbaycanlılar öz qaçqınlarını, təxminən, 200 min nəfəri "artsax"da məskunlaşdıracaq”.
Onun sölərinə görə, Ermənistan türk birliyi qarşısında aciz vəziyyətdədir:
“Strateji nöqteyi-nəzərdən Türk Dünyası inanılmaz uğur qazandı – Ermənistan vasitəsilə birləşdi, “artsax”ın yarısını – Kəlbəcəri, Ağdamı, Şuşanı və digərlərini aldı...”
Qeyd edək ki, Qarabağı işğal edən ermənilər Azərbaycanın dünya birliyi tərəfindən tanınan ərazilərini həyasızcasına “öz torpaqları” adlandırmaqda davam edir.
Məlum məsələdir ki, Ermənistanda vəziyyət stabil deyil, xalq üsyan edir. Lakin ABŞ-ın siyasi “serialı” hələ bitmədiyindən Paşinyanın Baydenin köməyinə müraciət edəcəyi barədə hər hansı bir ehtimal irəli sürmək üçün tezdir.
Bunu Axar.az-a açıqlamasında rus politoloq Konstantin Bloxin Ermənistan baş naziri Nikol Paşinyanın ABŞ-ın yeni prezidenti Co Baydendən kömək istəmək ehtimalından danışarkən deyib.
“Baydenin hələ ABŞ prezidenti olacağına dair 100 faiz zəmanəti yoxdur. Yeri gəlmişkən, nə Putin, nə də Çin lideri onu qələbə münasibətilə təbrik edib. Bayden prezident olarsa, bu, Türkiyə və ya Azərbaycanla münasibətlərin pis, Ermənistanla yaxşı olacağı demək deyil. Türkiyənin aktiv xarici siyasəti NATO-nun məntiqinə və Birləşmiş Ştatların dövlətlər üzərində nəzarətə sahib olmaq istəyinə uyğun gəlmir. Yəqin, xatırlayırsınız, ABŞ-ın Türkiyə ilə münasibətləri hələ Obamanın dövründən soyuq olub. Həmçinin Tramp və Pompeo da Türkiyəyə qarşı çox mehriban olmayıb. Nəticə etibarilə Bayden və ya Tramp - bunlardan hansının prezident olmasından asılı olmayaraq, Vaşinqtonu Türkiyənin fəal xarici siyasətini qane edə bilməz. Burada prezidentin əlindən çox az şey gəlir”, - politoloq qeyd edib.
K.Bloxinin sözlərinə görə, Tramp Baydendən yalnız ritorikası ilə fərqlənəcək:
“Trampın ritorikası daha aqressivdir, Baydendə isə əksinə, daha balanslıdır. ABŞ-ın xarici siyasəti Türkiyə, Rusiya və Qafqazla bu və ya digər formada sabit qalacaq”.
Dağlıq Qarabağdakı sülhməramlı kontingenti üçün ayrılan çox məqsədli “Mi-8” və “Mi-24” hücum helikopterləri Ermənistana gətirilib.
“Qafqazinfo” xəbər verir ki, helikopterlərin “An-124” ağır yük təyyarəsinə yüklənməsi videoya çəkilib.
Artıq 8 ədəd helikopter İrəvana gətirilib. Helikopterlər atəşkəs və hərbi əməliyyatlara nəzarət bölgələrinin havadan izlənilməsində istifadə ediləcək.
Bununla yanaşı helikopterlər sülhməramlıların şəxsi heyətini və resurslarını Dağlıq Qarabağın ucqar bölgələrinə çatdırmaq üçün də istifadə olunacaq.
Lənət şeytana! Hansı cəhənnəmdədir suallara cavab verəcək Paşinyan?! O, hansısa bunkerdə kreslonun altında gizlənib?
Axar.az xəbər verir ki, bunu erməni siyasi icmalçı Samvel Ohanesyan deyib.
Onun sözlərinə görə, bütün bu dövr ərzində erməni cəmiyyəti aldadılıb:
“Aldadanların siyahısına Ermənistan Müdafiə Nazirliyi də daxildir. Əvvəlcə Azərbaycan əsgərlərinin guya Qarabağın şəhərlərində şəkil çəkdirib, sonra qaçdıqlarını söylədilər, Ermənistan ordusunun itkilərini gizlətdilər, sonra cəhənnəmdən və “Gorbagor əməliyyatı”ndan danışdılar. Daha sonra isə Şuşanı itirmədiyimizi söylədilər. Halbuki şəhər çoxdan Azərbaycan Silahlı Qüvvələrinin nəzarəti altında idi”.
Qeyd edək ki, Ermənistan MN guya Azərbaycan Ordusunun həmlələrinə qarşı “Gorbagor əməliyyatı” həyata keçirəcəyi ilə bağlı öz ictimaiyyətini aldatmışdı.
Rusiyanın Xarici İşlər naziri Sergey Lavrov fransalı həmkarı Jan-İv Le Drianla bu gün Dağlıq Qarabağ münaqişəsini müzakirə edib.
“Qafqazinfo” xəbər verir ki, bu barədə Rusiyanın Xarici İşlər Nazirliyinin Mətbuat xidməti məlumat yayıb.
Bildirilir ki, Sergey Lavrov həmkarına Rusiyanın 10 noyabr tarixindən etibarən Dağlıq Qarabağ bölgəsindəki bütün hərbi əməliyyatların tamamilə dayandırılması üçün həyata keçirdiyi vasitəçilik səyləri barədə məlumat verib.
O, Azərbaycan Respublikasının Prezidenti İlham Əliyev, Ermənistanın baş naziri Nikol Paşinyan və Rusiya Federasiyasının Prezidenti Vladimir Putin tərəfindən noyabrın 9-da imzalanan birgə bəyanatın hazırlanmasında ATƏT-in Minsk qrupu həmsədrlərinin hazırladığı baza prinsiplərinin vacib rol oynadığını xatırladıb.
Rusiya və Fransa Xarici İşlər nazirləri Minsk qrupu həmsədrlərinin bölgədəki vəziyyəti yaxşılaşdırmaq və münaqişənin birdəfəlik siyasi həllinə nail olmaq üçün birgə səyləri çərçivəsində mümkün gələcək addımlar barədə fikir mübadiləsi aparıblar.