Azərbaycanın Vətən torpaqlarını geri almasından məmnunuq.

Axar.az xəbər verir ki, bu barədə Türkiyə Milli Təhlükəsizlik Şurasının yaydığı açıqlamada bildirilib.

"Bölgədəki geosiyasi vəziyyət hərtərəfli müzakirə olundu. Bu kontekstdə imzalanan atəşkəs razılaşması ilə ölkəmizin Azərbaycanın ərazi bütövlüyünün bərpasına və Cənubi Qafqazda daimi sülh və sabitliyin bərqərar olmasına verəcəyi töhfənin əhəmiyyəti vurğulanıb", - açıqlamada vurğulanıb.

Qeyd edək ki, Türkiyə MTŞ-nin 4 saat yarım davam edən iclası baş tutub. Görüşdə Qarabağla bağlı imzalanan atəşkə razılaşması da gündəmdə olub.

Çin prezidenti Si Tsinpin Co Baydeni ABŞ prezidenti seçilməsi münasibətilə təbrik edib.

“Qafqazinfo” “RİA Novosti”yə istinadən xəbər verir ki, Tsinpin təbrik teleqramında bildirib ki, ABŞ-Çin münasibətlərinin sağlam və davamlı inkişafı yalnız iki ölkənin xalqlarının mənafelərinə cavab vermir, eyni zamanda beynəlxalq birliyin ümumi gözləntilərini əks etdirir.

Çin lideri ölkəsi ilə ABŞ arasında ikitərəfli əlaqələrin və əməkdaşlığın inkişaf edəcəyinə, fikir müxtəlifliyinin aradan qaldırılacağına ümid etdiyini söyləyib.

O, Çin və ABŞ-ın qlobal sülhün və inkişafın qorunmasına kömək etmək üçün digər ölkələr və beynəlxalq ictimaiyyətlə birgə çalışacaqlarına ümid etdiyini də bildirib.

Ukrayna Korrupsiyanın qarşısının alınması üzrə Milli Agentliyi Yuliya Timoşenkonun Batkivşina Partiyasının dövlət tərəfindən maliyyələşdirilməsinin dayandırılması ilə bağlı qərar qəbul edib.

Axar.az xəbər verir ki, bu barədə Kiyev Dairə Məhkəməsindən məlumat verilib.

Məlumata görə, partiya artıq agentliyi məhkəməyə verib.

Timoşenkonun partiyası məhkəmədən partiyanın dövlət tərəfindən maliyyələşdirilməsinin dayandırılması barədə agentliyin qərarının ləğv edilməsini tələb edib.

Qeyd edək ki, Ukrayna qanunvericiliyinə əsasən, bir partiya parlament seçkilərində 5 faizdən çox səs toplayarsa, qanuni fəaliyyət üçün dövlətdən maliyyə almaq hüququna malikdir. Yuliya Timoşenkonun Batkivşina Partiyası da son parlament seçkilərində 8.18 faiz səs toplamışdı.

İspaniya hökuməti yeni nov koronavirusa qarşı peyvəndin istifadəsinə yanvardan başlayacaq.

“Qafqazinfo” xəbər verir ki, Nazirlər Kabinetinin iclasından sonra səhiyyə naziri Salvador İlla bildirib ki, 13 min xəstəxanada vaksinin tətbiqi həyata keçiriləcək. Artıq bununla bağlı plan hazırlanıb və peyvənd məcburi şəkildə həyata keçirilməyəcək.

“COVID-19 vaksini digər peyvəndlər kimi təhlükəsiz olacaq”,- deyə İlla qeyd edib.

İspaniyanın Avropa İttifaqının müqavilə bağladığı şirkətlərdən 140 milyon doza miqdarında vaksin alacağını bildirən nazir peyvəndin əvvəlcə qocalar evindəki yaşlılara, oranın işçilərinə, səhiyyə əməkdaşlarına və əlillərə vurulacağını əlavə edib.

Proses 2021-ci ilin sonunadək aparılacaq və ispan xalqının 70 faizinə tətbiq edilməsi planlaşdırılır.

Səhiyyə naziri Avropa İttifaqının indiyədək 6, bundan sonra isə 7 firma ilə əməkdaşlıq edəcəyini açıqlayıb.

Qeyd edək ki, ölkədə bu günədək 1 milyon 582 min 616 nəfərdə virus aşkarlanıb, 43 min 131 şəxs vəfat edib.

Rusiyanın Federal Təhlükəsizlik Xidməti tərəfindən keçirilən əməliyyatlar nəticəsində Moskvada terror aktlarının qarşısı alınıb.

Axar.az xəbər verir ki, bu barədə Rusiya mediası yazıb.

Məlumata görə, Moskvada və qonşu vilayətlərdə İŞİD terror təşkilatının üzvlərinə qarşı xüsusi əməliyyatlar keçirilib. Əməliyyat nəticəsində bir neçə nəfər saxlanılıb. Saxlanılan şəxslərin evindən, müxtəlif mənzillərdən partlayıcı maddələr, sənədlər və təbliğat materialları ələ keçirilib.

Həmin şəxslərin Moskvada və ətraf bölgələrdə terror aktları keçirməyi planlaşdırdığı bildirilib.

Heç kimə sirr deyil ki, Ermənistan Baş naziri Nikol Paşinyanın təcrübəli ABŞ siyasətçiləri tərəfindən yaradılan “sınmaz” inqilabçı obrazına baxmayaraq, o, əslində, idarə olunan insandır. Paşinyana ən çox təsir edən isə onun arvadı Anna Akopyandır.

Bu sözləri Axar.az-a açıqlamasında rusiyalı politoloq Vitali Arkov Anna Akopyanın erməni mediasında Azərbaycanın düşmən işğalından azad edilmiş ərazilərinə dair “ehtiyat planı” mövzusunda şayiələr yayması haqda danışarkən söyləyib.

O bildirib ki, Anna Akopyan ilə yanaşı Paşinyanın qaynı Qraçya Akopyan da Nikola təsir edə bilər:

“Əlbəttə ki, nə Qraçya Akopyan, nə Anna Akopyan, nə də Nikol Paşinyan dövründə ciblərini dolduran digər məmurlar mənfəət və statuslarından imtina etmək istəyər. Onlar özləri dərk etməyə başlayırlar, ya da kimsə onlara Ermənistandan Qərbə ötürülən milyonların müsadirə edilə biləcəyini, pulun sahiblərinin həbsxanaya düşə biləcəyini aydın şəkildə izah edib”, - Arkov qeyd edib.

Politoloq bildirib ki, son illər ərzində ABŞ, Böyük Britaniya və Avropa İttifaqının bir çox ölkələrinin qanunvericiliyi bu istiqamətdə əhəmiyyətli dərəcədə sərtləşdirilib:

“Yəni Soros Fondunun və ABŞ Dövlət Departamentinin sifarişlərini yerinə yetirərkən Akopyangil Ermənistandakı yeni inqilabdan qaçmaq və oğurladıqlarını xərcləmək haqqını qazanmalıdır. Bununla yanaşı, II Qarabağ müharibəsinin sonunda rəsmi Moskva və Ankaranın regionunda mövqelərinin güclənməsinin Vaşinqtonu qıcıqlandırdığı aydın olur. Buna görə də bizi “əyləncəli zamanlar” gözləyir".

Ermənistan parlamentinin vitse-spikeri Alen Simonyan heç vaxt Paşinyanın etibar etdiyi şəxslərdən olmayıb, amma hər zaman görüntü yaratmağa çalışıb ki, ona yaxın olanlar sırasındadır.

Axar.az xəbər verir ki, bu məlumatı “Ermənistanın səsi” qəzeti yayıb. Qəzet Simonyanın bir müddət öncə Moskvaya səfəri zamanı Rusiya xüsusi xidmət orqanlarına Baş nazir Nikol Paşinyan və Ermənistandakı Açıq Cəmiyyət Fondunun rəhbəri Larisa Minasyanın dayandığı sistemin bütün sxemini verdiyini yazıb.

Simonyan, həmçinin Rusiya Xarici Kəşfiyyat Xidmətinə bu sistemin maliyyələşmə mənbələrini, sifarişçilərin adını, Qarabağdakı rus sülhməramlılarına qarşı təbliğat hücumu aparanların siyahısını, ümumilikdə Sorosun bütün agentura şəbəkəsini təqdim edib. Məhz buna görə Simonyanın tezliklə istefaya məcbur ediləcəyi bildirilib:

“Təxminən eyni anda KİV-də Nikolun İsveçrə banklarındakı hesablarını itirdiyinə, eləcə də Kanadadakı iqamətgahının əlindən alındığına dair məlumat yayıldı. Görünür, Soros artıq ruslara onun agentura şəbəkəsini verdiyinə görə cavab tədbirləri görməyə başlayıb. Belə məlumat var ki, ruslar baş nazirin ailəsinin təhlükəsiz gəzməsi üçün ona 3 zirehli maşın veriblər. Belə ki, Sorosun agentləri Nikoldan uğursuzluğun qisasını ala bilərlər. Sorosun “beşinci kolon”u Simonyanın onları Narişkinə Paşinyanın icazəsi olmadan satdığına inanmır”.