Bakıda ahıl xanıma zəng edərək nəvəsinin səs tonu ilə danışıb, 16 min dollar istəyiblər.

Axar.az xəbər verir ki, Bakı şəhər sakini Kəvakib Qasımovanın sözlərinə görə, o, edilən zəngə inanıb və çox həyəcan keçirib.

Ailənin digər üzvləridən biri telefonu götürərək məsələni aydınlaşdırmaq istəyib. Bir müddət danışdıqdan sonra onların dələduz olduğunu anlayıb.

Hadisə zamanı evdə internet işləməyib. Vətəndaşlar iddia edir ki internet xidmətini dayandıran məhz həmin kiberdələduzlar olub. Hadisədən sonra aidiyyəti qurumun müdaxiləsi nəticəsində xidmət bərpa edilib.

Məsələ ilə bağlı Daxili İşlər Nazirliyindən "Xəzər Xəbər”ə bildirilib ki, son zamanlar kiberdələduzlar vətəndaşlar haqqında məlumat toplayaraq onlardan istifadə edirlər.

Nazirlikdən o da qeyd edildi ki, vətəndaşlar bu cür hallarda daha diqqətli olmalı və tanımadığı insanlara inanmamalıdır.