Sabah, avqustun 12-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Şimal-qərb küləyi gündüz cənub-şərq küləyi ilə əvəz olunacaq.
Hazırda yay mövsümü olduğu və məzuniyyətlər dövrünün başladığı üçün Bakıda daşınmaz əmlak bazarında nisbi sakitlikdir. Lakin ekspertlər sentyabr ayından Bakıda evlərin qiymətinin kəskin bahalaşacağını deyirlər.
Yol hərəkəti qaydaları haqqında qanuna əsasən, asma mühərrikli velosipedi 16, adi velosipedi isə 14 yaşdan yuxarı hər kəsin nəqliyyat yollarında hərəkət istiqamətində sürməsinə icazə verilir.
Bakı Metropolitenin 1967-ci ildə istismara verilmiş ilk 5 stansiyasından biri olan "Sahil" stansiyasında eskalatorların istismar müddəti başa çatıb və onların yeniləri ilə əvəzlənməsi zərurəti yaranıb.