Trend BİA-nın Almaniyanın Azərbaycandakı səfiri Volfqanq Maniqlə müsahibəsi

- Almaniyanın Avropa Şurası Nazirlər Komitəsinə sədrliyi müddətində məqsədləri nədir və ölkə bu məqsədlərə necə nail olmağı planlaşdırır?

- Almaniya Avropa Şurası üzv dövlətlərinin vətəndaşlarının daha yaxşı müdafiəsini təmin edən təşəbbüslərə diqqət verməklə təşkilatın mövqelərini möhkəmləndirməyə davam edəcək. Almaniya Azərbaycanın qaydalara əsaslanan beynəlxalq düzənin bütün təhlükəli hadisələrin qarşısnı ala biləcəyi fikri ilə razıdır. Avropa Şurasının çoxtərəfliliyinə sadiqliyimiz beynəlxalq münasibətlərin stabilləşməsi üzrə unikal vasitə olmaqda davam edir.

Biz bir tərəfdən nifrət ritorikası ilə mübarizə, digər tərəfdən fikir azadlığının müdafiəsi məqsədilə beynəlxalq hüquqi alətləri nəzərdən keçirməklə qanunun aliliyini və demokratiyanı möhkəmləndirmək niyyətindəyik. İkitərəfli qaydada məhz bu məqsədlə mən Azərbaycanın Ədliyyə naziri və Avropa Şurasının Bakıdakı nümayəndə heyəti ilə danışıqlar aparıram. Vacib amillərdən biri də odur ki, gənc nəslə 21-ci əsrin çağırışlarına cavablar lazımdır. Bizim "Siz Avropasınız!" proqramımız çərçivəsində Almaniya hökuməti Avropa Gənclər Fondu vasitəsilə gənclər mübadiləsinə kömək edəcək. Qeyd edim ki, biz azlıqlara münasibətdə Azərbaycanın siyasətini qiymətləndiririk. Avropada bu nümunəyə hər yerdə əməl olunmur. Biz bunu dəyişmək istəyirik. Xüsusilə də COVID-19 pandemiyası dövründə azlıqların müdafiəsi mühüm əhəmiyyət daşıyır. Nəhayət, biz Avropa Şurası konvensiyalarında nəzərdə tutulmuş ailədə zorakılıqla mübarizədə və uşaqların müdafiəsində irəliləyişə nail olmalıyıq.

- Almaniya bu müddət ərzində Avropanın şərq qonşuları, xüsusilə də Azərbaycanla münasibətlərini necə möhkəmləndirəcək?

- Almaniya və Azərbaycan Avropa İttifaqının "Şərq tərəfdaşlığı proqramı" çərçivəsində əməkdaşlıq edir. Bu tərəfdaşlıqla yanaşı, Almaniya ümum-Avropa bərabər hüquqlar və qarşılıqlı hörmət məkanı yaratmaq niyyətindədir. Avropa Şurası çərçivəsində biz üzv dövlətləri vətəndaşlarımızın müdafiəsinin ən yüksək səviyyəsinə nail olmaq və irqçilik, məişət zorakılığı kimi problemlərə qarşı daha dayanıqlı olmaq məqsədilə birgə işləməyə dəvət edirik. Əminəm ki, bu cür yanaşma Azərbaycana və Ermənistana Gürcüstanla birgə çiçəklənən və dinc Cənubi Qafqaz yaratmaq üçün birgə işləməyə kömək edəcək.

- Statistik məlumatlar göstərir ki, Almaniya 2020-ci ilin yanvar - oktyabr aylarında Azərbaycanın ticarət tərəfdaşları arasında ilk beşliyə daxil olub. İki ölkə qarşısında yaxın illərdə ticarət dövriyyəsini artırmaq üçün hansı tapşırıqlar dayanır?

- Almaniya üçün Azərbaycan Cənubi Qafqazda vacib ticarət tərəfdaşıdır. Azərbaycan-Almaniya Ticarət-Sənaye Palatası alman şirkətlərinə Azərbaycanda və Azərbaycan şirkətlərinə Almaniyada biznes aparmaq imkanları verən unikal vasitədir. TAP layihəsinin başa çatması ilə Azərbaycandan Almaniyaya qazı yönləndirmək daha da asan olacaq. Almaniya Ticarət-Sənaye Palatası həm də peşəkar tədrisin təkmilləşdirilməsi məqsədilə Azərbaycanın Təhsil Nazirliyi və İqtisadiyyat Nazirliyi ilə əməkdaşlıq edir.

- İndi Almaniyadan olan investorlar üçün Azərbaycanda hansı sahələr prioritetdir?

- Hazırda Almaniya investisiyaları neft-qaz, maliyyə və konsaltinq sahələrində cəmləşib. Ticarət əvvəlki kimi vacibdir. Ümid edirəm ki, xüsusilə dövlət müəssisələri sahəsində islahatların davam etməsi digər sektorlara da investisiyaları da cəlbedici edəcək.

- Almaniya və Azərbaycan enerji sahəsində necə əməkdaşlıq edir? Alternativ enerji sahəsində əməkdaşlıq perspektivlərini necə görürsünüz?

- Azərbaycanın Energetika Nazirliyi ilə Almanoyanın DENA enerji agentliyi arfasında xüsusi dialoq təşkil olunub. 2020-ci ilin mart-noyabr ayları ərazində DENA və Energetika Nazirliyi bərpa olunan enerji sahəsində əməkdaşlıq istiqamətlərini müəyyən edib. Azərbaycan böyük həcmdə bərpa olunan enrji mənbələri təklif edir. Almaniya ilə Azərbaycan birlikdə müasir, ekoloji təmiz və dayanıqlı enerji siyasəti üçün kreativ həllər tapa bilər.

- Kənd təsərrüfatı sahəsində ikitərəfli əməkdaşlıq üçün hansı imkanları görürsünüz?

- Mən bu yaxınlarda Azərbaycanın kənd təsərrüfatı naziri ilə bu vacib sahədə əməkdaşlıq perspektivlərini müzakirə etmişəm. Müasir dünyada kənd təsərrüfatı investisiyalar və məşğulluq üçün maraqlı sahədir. Bu, yüksək texnologiyalarla əlaqəlidir. Almaniya iqtisadi şaxələndirmədə Azərbaycan hökumətini dəstəkləyir.

- Təxminən 30 illik işğaldan sonra Azərbaycan təbii ehtiyatlarla zəngin və çoxsaylı investisiya imkanları təqdim edən torpaqlarını işğaldan azad edib. Almaniya qısamüddətli və uzunmüddətli perspektivdə bu regionların inkişafında iştirakda maraqlıdırmı?

- Almaniya Azərbaycan, Ermənistan və Rusiya arasında imzalanmış üçtərəfli bəyanatı alqışlayır. Bəyanat digər məsələlərlə yanaşı, humanitar yardımın göstərilməsinə yol açacaq. Almaniya münaqişədən zərər çəkənlərə yardım məqsədilə Beynəlxalq Qızıl Xaç Komitəsində 2 milyon avro yardım edib. Biz həm də ATƏT Minsk qrupunun mandatının başa çatmadığını qeyd edirik: Minsk qrupu və onun həmsədrləri münaqişənin uzunmüddətli və dayanıqlı həlli üzrə danışıqlara kömək göstərməlidir. Son onilliklərdə işğal altında olmuş yeddi rayonda minalardan təmizləmə işləri aparılmalıdır. Ona görə də indi vəziyyətləri qiymətləndirmək və əməkdaşlıq üçün şirkətlərə tövsiyələr vermək hələ tezdir. Qeyd etmək lazımdır ki, bu məsələdə Almaniya hökuməti yox, özəl şirkətlər qərar verəcək.

30 Noyabr 2020 16 yaşlı Cavan - Xocalı soyqırımının daha bir itkini - VİDEO
23 Noyabr 2020 Gürcüstan hökumət administrasiyasının rəhbəri istefa verdi
19 Noyabr 2020 Aİ ölkələrinin XİN başçıları QarabağI müzakirə edəcək
12 Noyabr 2020 Qarabağın sərhədi yoxdur, Azərbaycan var! – Mixaylov
12 Noyabr 2020 Monteneqroda qələbə sevinci
12 Noyabr 2020 Elçin Mirzəbəyli: “Bölgənin məsuliyyətini bölgə dövlətləri öz üzərinə götürür”
08 Noyabr 2020 28 ildən sonra Şuşada yenə də azan səsi eşidiləcək - Prezident
05 Noyabr 2020 Kim Çen İn generalissimus olur
05 Noyabr 2020 Yeni erməni lider Rusiyanın önündə uzanaraq… - Mixaylov
27 Oktyabr 2020 Hörmətli prezident, möhtərəm Ali baş komandan!
15 Oktyabr 2020 Müzəffər Azərbaycan Ordusu “Qarabağ Azərbaycandır!” şüarı ilə bütün işğaldan azad edilmiş torpaqlarda Azərbaycan Bayrağını sancacaqdır
18 Sentyabr 2020 İslam İsmayılov: Vaxtında atılan addımlar, verilən müdrik qərarlar, həyata keçirilən layihələr bir daha sübut edir ki, möhtərəm Prezidentimizin siyasətinin mərkəzində Azərbaycan vətəndaşı dayanır
15 Sentyabr 2020 İlham Əliyevlə Ərdoğan bir-birinə məktub göndərdi
15 Sentyabr 2020 İki nazirlik birgə bəyanat yaydı
03 Sentyabr 2020 Koronavirusa yoluxanların sayı 26 milyonu ötdü
30 Avqust 2020 “Belarusdakı seçkilərin legitimliyini tanıyırıq” - Putin
27 Avqust 2020 Ərdoğanla Trampın telefon danışığı oldu
26 Avqust 2020 Fransanın bu şəhərində qondarma rejimin də “bayrağı” asılıb - Foto
25 Avqust 2020 Belarusda başlayan aksiyalar bitdi
25 Avqust 2020 Navalnının zəhərləndiyi təsdiqləndi
24 Avqust 2020 Navalnıdan nə xəbər?
24 Avqust 2020 “Lukaşenko heç yerə qaçmayıb” - Mətbuat xidməti
20 Avqust 2020 Lukaşenko Merkellə danışmaqdan niyə imtina edib?
20 Avqust 2020 Lukaşenkonun bu ölkəyə girişinə qadağa qoyuldu
19 Avqust 2020 Malinin Prezidenti istefa verdi
18 Avqust 2020 Prezident nazirliyə yeni səlahiyyət verdi — FƏRMAN
18 Avqust 2020 İlham Əliyev Özbəkistanın Azərbaycanda yeni təyin olunmuş səfirinin etimadnaməsini qəbul edib — FOTO
18 Avqust 2020 Rusiyanın hərbi gəmiləri Bakıya gəldi — VİDEO
17 Avqust 2020 DSX-nin 5 zabitinə ali hərbi rütbə verildi
17 Avqust 2020 Prezident onlara fəxri adlar verdi — SƏRƏNCAM