 |
 |
Xəbər verdiyimiz kimi, dünən Azərbaycan Prezidenti İlham Əliyev və birinci xanım Mehriban Əliyeva Bakının Yasamal rayonu ərazisində yerləşən Təzəpir məscidinin qarşısındakı bağın və Füzuli küçəsi boyunca salınmış Mərkəzi Parkın açılışında iştirak edib.
"Qafqazinfo" Prezidentlə birinci xanımın Füzuli abidəsinin önündə sakinlərlə görüşündən fotoları təqdim edir:
RAİ Azərbaycan Respublikasının vətəndaşı Fuad Malik oğlu Abbasovla bağlı bəyənat yayıb.
Bəyanatın mətni belədir:
“Azərbaycan Respublikasının vətəndaşı Fuad Abbasovun Rusiyanın hüquq – mühafizə orqanları tərəfindən saxlanılması faktı ilk saatlardan Rusiya Azərbaycanlıları İttifaqının diqqət mərkəzindədir. Adıçəkilən vətəndaşın hüquqları pozulduğu təqdirdə, onun müdafiəsi üçün yardıma hazır olduğumuzu bildirmiş, ona vəkillik edən Elman Paşayevlə müntəzəm əlaqə saxlamışıq. Fuad Abbasov sosial şəbəkədə diaspor təşkilatlarının fəaliyyətinə qarşı fərq qoymadan qərəzli mövqe sərgiləsə də, təşkilat olaraq onun soydaşımız olması amilini vacib sayıb, hər bir azərbaycanlıya olan münasibəti Fuad Abbasova da sərgiləməyə hazır olduğumuzu bildiririk. Qeyd edək ki, Fuad Abbasov Azərbaycan Respublikasının vətəndaşıdır və onun hüquqlarının müdafiəsi Azərbaycanın Rusiyadakı Səfirliyinin vəzifə borcudur. Ümid edirik ki, adıçəkilən müvafiq qurum soydaşımızın problemini diqqət mərkəzində saxlayır və onun həllində yaxından iştirak edir.
adrlardan göründüyü kimi Fuad Abbasovun hüquq mühafizə orqanlarının əməkdaşları tərəfindən qatı cinayətkar kimi saxlanması mənzərəsi də suallar yaratmış, etiraza səbəb olmuşdur. Ancaq soydaşımızın tutulma səbəbləri ilə bağlı Rusiya huquq mühafizə orqanlarının açıqlaması olmadan qərəzli və çərçivəli fikirləri səsləndirməkdən hər birinizi daşınmağa səsləyirik. Yaranmış vəziyyətdə problemin kökünü bilmədən səsləndirilən və bölüşülən məsuliyyətsiz fikirlər iğtişaş törətmək, habelə qanuna zidd toplaşma meylləri münaqişəyə zəmin yaratmış olar. Deməliyik ki, bu qalmaqallı hadisə ətrafında xarici qüvvələrin sui istifadə halları da çoxalıb. Belə ki, Rusiya hüdudlarında Azərbaycan icmalarının birləşmə meyllərini istəməyən qruplar bu qalmaqalla bağlı şaiyələr yayır, diasporun nüfuzlu və vətənpərvər üzvlərinə, liderlərinə qarşı təxribat xarakterli fikirləri bölüşürlər. Bir daha hər birinizə təmkinli olmağı, fakt və fikir arasında fərqi görməyı bacarmağı məsləhət bilirik. Fuad Abbasovun ziddiyyətli fəaliyyətinə varmadan haqlarının pozulduğu təqdirdə onun yardıma ehtiyacı olduğu dəqiqələrdə yanında olmağı vacib sayır, soydaşımızın ailəsinə qovuşması üçün köməyə hazır olduğumuzu bildiririk. Arzu edirik ki, dünyanın istənilən nöqtəsində hər bir azərbaycanlının hüquqları pozulduğu təqdirdə milli həmrəylik nümayiş etdirib, problemin hüquq müstəvisində, yaşadığımız ölkələrin qanunları çərçivəsində həllinə nail olaq.
Hörmətlə, Rusiya Azərbaycanlıları İttifaqının Mətbuat Xidməti”
Baş nazir Novruz Məmmədov “Azərbaycan Respublikası Təhsil Nazirliyinin kollegiyasının tərkibi haqqında” Azərbaycan Respublikası Nazirlər Kabinetinin Qərarında dəyişikliklər edilməsi barədə qərar imzalayıb.
Sənədə əsasən, “Kollegiyanın sədri” bölməsindən “Bayramov Ceyhun Əziz oğlu” sözləri çıxarılıb.
Bundan başqa, “Kollegiyanın üzvləri” bölməsi Azərbaycan Respublikası Təhsil nazirinin müavinləri, Naxçıvan Muxtar Respublikasının Təhsil naziri, Azərbaycan Respublikası Təhsil Nazirliyi Aparatının rəhbəri və Azərbaycan Respublikası Təhsil Nazirliyi Aparatının rəhbərinin müavini redaksiyasında verilib.
Binəqədidəki çoxmərtəbəli yaşayış binasında baş verən yanğına görə 4 il həbsdə yatan Qəzənfər Novruzov kimdir?
2015-ci il mayın 19-da Binəqədidəki çoxmərtəbəli yaşayış binasında baş verən yanğınla bağlı təqsirləndirilən şəxslərdən biri – Binəqədi Rayon İcra Hakimiyyəti başçısının birinci müavini işləmiş Qəzənfər Novruzov azadlığa buraxılıb. Qəzənfər Novruzovun həbs müddəti başa çatdığı üçün azad edildiyi bildirilir.
Q.Novruzov həbsdəki son günlərini Penitensiar Xidmətin müalicə müəssisəsində keçirib. O, 4 il müddətinə azadlıqdan məhrum edilmişdi. Onun niyə müalicə olunduğu barədə səhih bilgi yoxdur. Amma məhkəmə proseslərinin birində Qəzənfər Novruzovun səhhətində problem yarandığı, hətta komaya düşdüyü barədə xəbərlər yayılmışdı.
Musavat.com xəbər verir ki, Qəzənfər Novruzov əvvəllər aptek müdiri, daha sonra Səbail Rayon İcra Hakimiyyəti başçısının müavini, sonra da Binəqədi rayon icra başçısının müavini vəzifələrində çalışıb.
Qəzənfər Novruzov 2013-cü ilin sonlarında icra başçısı Xaləddin İsgəndərov tərəfindən vəzifəsindən azad olunub. Qəzənfər Novruzovun daha bir qardaşı general-mayor Səbuhi Novruzov isə neçə illərdir Naxçıvan MR daxili işlər nazirinin müavinidir. Qəzənfər Novruzovun qardaşı Vaqif Novruzov uzun illər Bakı Şəhər Yaşıllaşdırma Birliyinin rəisi işləyib. Bu günlərdə BŞİH başçısı Eldar Əzizovun sərəncamı ilə işdən çıxarılıb. V.Novruzov uzun illərdir ki, həmin postu tuturdu və Hacıbala Abutalıbovun komandasının ən odioz fiqurlarından biri hesab olunurdu. Q.Novruzovun daha bir qardaşı Məhərrəm Novruzovun isə bir neçə il əvvəl Abşeronun sosial müdafiə fondunun rəhbəri vəzifəsində çalışdığı deyilirdi.
Qəzənfər Novruzov
Xatırladaq ki, yanğın nəticəsində 15 nəfər ölmüş, 50 nəfər xəsarət almışdı.
Qeyd edək ki, 2015-ci il mayın 19-da paytaxtın Binəqədi rayonu ərazisində çoxmərtəbəli yaşayış binasında ağır nəticələrə səbəb olmuş yanğınla bağlı binaların üzlənməsində istifadə olunan poliuretan məmulatını istehsal edən “Qlobal Stone” və “Global Constuction” MMC təsisçisi Miryusif Mahmudov, “Qlobal Stone” MMC-nin baş direktoru Uğur Bəşirov, “Global Construction” MMC-nin sədr müavini Ələkbər Əsgərov, 2012-2013-cü illərdə Binəqədi rayon mənzil-kommunal təsərrüfat birliyinin rəisi işləmiş rayon icra hakimiyyətinin təsərrüfat şöbəsinin müdiri Ədalət Rəcəbov, Binəqədi rayonu, 72 saylı mənzil-kommunal istismar sahəsinin rəisi Nizami Orucov və binanın poliuretan materialla üzlənməsi işlərinə nəzarət funksiyalarını həyata keçirməli olan, 2012-2013-cü illərdə Binəqədi Rayon İcra Hakimiyyəti başçısının birinci müavini işləmiş Qəzənfər Novruzov barəsində həbs-qətimkan tədbiri seçilmişdi.
2017-ci il yanvar ayının 27-də Bakı Ağır Cinayətlər Məhkəməsinin hökmü ilə M.Mahmudov 8 il, Ə.Novruzov 4 il, U.Bəşirov 5 il, Q.Novruzov 4 il, Ə.Rəcəbov 4 il, N.Orucov 3 il 6 ay müddətinə azadlıqdan məhrum edilib. Qəzənfər Novruzov məhkəmədə son sözlə çıxışında barəsində bəraət hökmünün çıxarılmasını istəmişdi.
Goranboy rayon İcra Hakimiyyəti başçısının birinci müavini vəzifəsindən azad edilib.
ONA xəbər verir ki, Goranboy rayonu İcra Hakimiyyətində daha bir yüksək rütbəli məmur vəzifəsindən kənarlaşdırılıb.
Elçin Xanlar oğlu Cahangirov rayon İcra Hakimiyyəti başçısının birinci müavini vəzifəsindən azad edilib.
Qeyd edək ki, o, bu vəzifəyə 2015-ci ildə təyin olunmuşdu. Boş qalmış vakant yerə hələlik təyinat yoxdur.
“İçəridə müştəriyə məhsul satırdıq. Qəfildən bir də gördük ki, cənab Prezident içəri daxil oldu. Həyəcan bizi bürüdü. İnana bilmirdim ki, bizimlə üzbəüz dayanan Prezidentimizdir”.
Bunu “Report”un çəkiliş qrupuna bu gün Prezident İlham Əliyevin Sabunçu dəmir yolu vağzalı kompleksinin açılışında iştirakı çərçivəsində həmsöhbət olduğu marketin satıcısı Hörüza İbrahimova deyib.
O bildirib ki, dövlət başçısının onunla səmimi söhbətində marketdə satılan məhsulların keyfiyyətindən danışıb: “Cənab Prezident içəri daxil olan kimi bizimlə salamlaşıb hal-əhvalımızı, işlərimizin necə getdiyini soruşdu. Biz də hər şeyin qaydasında olduğunu dedik. Bizimlə çox səmimi söhbət etdi. Bizdən məhsulların keyfiyyətini və satışda nə qədər yerli məhsulların olduğunu soruşdu. Biz də burada satılan məhsulların 90 faizinin yerli olduğunu dedik. Həyatda ən böyük arzum Prezidentimizlə söhbət etməyim idi, bu arzuma da çatdım. Təsəvvür edin ki, Prezident içəri daxil olanda mən müştərini yola salırdım. Həmin vaxt içəridə bir neçə müştəri var idi”.
Digər satıcı Yuliya Quliyeva Prezidentlə söhbəti zamanı əldə etdiyi təəssüratları bölüşüb. Satıcının sözlərinə görə, ölkə başçısının qəfildən marketə daxil olması onun üçün gözlənilməz olub: “Biz hər zaman Prezident İlham Əliyevi televiziya vasitəsilə görürdük. Bu gün isə onunla canlı şəkildə həmsöhbət olduq. Bizdən satılan məhsullar haqqında bəzi məlumatları soruşdu. Biz də dedik. İnanın ki, cənab Prezidentin bizim mağazaya gələcəyini əvvəlcədən bilsəydik, hazırlıq görərdik. Hər şey yuxu kimi gəlir mənə”.
Daha sonra qəsəbə sakinləri Prezidentlə görüşünün təəssüratlarını bölüşüblər. Onlar dövlət başçısına cansağlığı arzu ediblər.<iframe src='https://bax.tv/player/63589.html' width='560' height='315' frameborder='0' allowfullscreen></iframe>
Jurnalistlə bağlı hüquq-mühafizə orqanlarına müraciət olundu
Tanınmış jurnalist Fuad Abbasovun Rusiya hüquq-mühafizə orqanları tərəfindən həbs edilməsi və həbs edilərkən mənəvi, fiziki işgəncə görməsi ilə əlaqədar olaraq Dünya Azərbaycanlıları Assambleyası Rusiya hüquq mühafizə orqanlarının rəhbərlərinə, Rusiya Federasiyası Ombudsmanına, Rusiya Federasiyasında fəaliyyət göstərən Azərbaycan səfirliyinə və təşkilatlara müraciət ünvanlayıb.
DAA-nın informasiya və mətbuat xidmətindən “Yeni Müsavat”a verilən məlumata görə, Rusiya hüquq-mühafizə orqanlarına və Ombudsmanına müraciətdə deyilir :
“Jurnalistə qarşı bucür qeyri insani davranışın qəbuledilməz olduğunu və bu addımın Rusiyanın insan haqlarının qorunması ilə bağlı öhdəlik olaraq üzərinə götürdüyü beynəlxalq hüquq normalarla , qoşulduğu beynəlxalq konvensiyalarla uyğun gəlmədiyini bildirir, bu hadisənin həm Rusiyada, həm də dünyanın müxtəlif ölkələrində yaşayan azərbaycanlılarda təəssüff və hiddət doğurduğunu bildirir, jurnalistə qarşı qeyri insanı davranış göstərənlərin təcili cəzalandırılmasını sizdən rica edirik”
DAA-nın Azərbaycan Respublikasının Rusiyadakı səfirliyinə müraciətində deyilir:
Hörmətli səfir , sizin diqqətinizi məlum jurnalist Fuad Abbasov məsələsinə yönəldir, bu məsələyə sizin müdaxilənizi rica edirik. Azərbaycan vətəndaşına, xüsusən jurnalistə qarşı bucür aşağılayıcı, qeyri insani davranış Rusiya Azərbaycan münasibətlərinin ruhuna adekvat olmadığını bildirir, ölkəmizi təmsil edən bir səfir olaraq Azərbaycan vətəndaşına qarşı bu olayı şəxsi nəzarətinizə götürməyi, qeyri insani davranış götürənlərin ciddi cəzalanmasına nail olmanızı rica edirik.
Bununla yanaşı DAA Rusiyada fəaliyyət göstərən təşkilatların da bu qeyri insani davranışa qarşı həmrəy olub etiraz səsi çıxarmasının vacibliyini vurğulayaraq , bu məsələ ilə əlaqədar Rusiya Federasiyasının müxtəlif bölgələrində fəaliyyət göstərən təşkilatların etiraz səsini ucaltmasını, bu hadisədə günahkar olanların cəzalanmasına nail olana qədər etiraz müraciətlərini, bəyanatlarını əsirgəməmələrinin zəruri olduğunu bildirib.
Fuad Abbasovla bağlı durum Azərbaycanda da ciddi etiraza səbəb olub. Başda millət vəkilləri olmaqla cəmiyyətin tanınmış simaları bu olaya öz etirazlarını bildiriblər.
Millət vəkili Fazil Mustafa sosial şəbəkədəki statusunda yazıb ki, F.Abbasov hamının xoşuna gəlməyə bilər, ancaq ən pis şey unutqanlıqdır: “Fuad Abbasovun Rusiya-Türkiyə münasibətlərinin ən kritik anlarında göstərdiyi fədakarlıq, azərbaycanlı-çeçen konflikti zamanı atdığı addımlar barış üçün olduqca zəruri idi. Rusiyada onsuz da dünyagörüşcə və fəaliyyət sferasına görə olduqca dağınıq bir diasporumuz mövcuddur. Burada hamının maraqlarını təmin etmək elə də asan məsələ deyil. Digər tərəfdən, Rusiya Xüsusi Xidmət orqanları üçün azərbaycanlıların aktiv siyasi və mədəni çalışmaları da bir o qədər arzuolunan deyil və belə bir mühitdə kimsə irəli duraraq gücü çatan hansısa işləri görübsə, buna ancaq minnətdarlıqla yanaşmaq lazımdır. Burada Fuad Abbasovun atdığı hansı addımlarda siyasi yanlışlıq, naşılıq və başqa epizodlar da ola bilər. Lakin bu kimsəyə əsas vermir ki, ona fiziki işgəncə versin, üstəlik də başqa birisi də bu işgəncəyə və ya onun saxlanmasına haqq qazandırsın. Bu haqq qazandıranlar azərbaycanlı olanda, sadəcə ayıb bir davranış kimi qiymətləndirilməlidir. Azərbaycan xarici işlər nazirliyi konkret bu fakta görə Rusiya xarici işlər nazirliyinə nota verməlidir. Bu hadisə digər azərbaycanlıların gözünü qırmaq üçün də düşünələ bilər. Ona görə də indilik bütün ittihamları yığışdırıb Fuadın hüquqlarının müdafiəsi istiqamətində həm peşəkar hüquqi, həm də siyasi addımlar atılmalıdır. Bütün hallarda Azərbaycan dövləti öz vətəndaşının arxasında durmalıdır və Rusiyadakı səfirimiz oranın hüquq-mühafizə orqanlarının rəhbərləri ilə müzakirələr apararaq bu biabırçı davranışı törədənlərin məsuliyyətə cəlb olunması istiqamətində fəal diplomatik addımlar atmalıdır”.
Azərbaycan Xalq Partiyasının rəhbəri Pənah Hüseyn isə F.Abbasova qarşı bu özbaşınalığı nifrətlə pislədiyini bildirib:“Rusiya və Azərbaycan hakimiyyət orqanlarını görəvə çağırıram”.
Azərbaycan Diasporu İnformasiya Mərkəzinin direktoru Toğrul Allahverdili də F.Abbasovla bağlı baş verənləri pisləyib: “Fuad Abbasovu məndən çox tənqid edən olmayıb. Lakin onun bu şəkildə bir cinayətkar kimi həbs olunması qəti şəkildə yolverilməzdir. Fuadın bir çox səhfləri olub ancaq bunlara rəğmən o müstəqil Azərbaycanın vətəndaşıdır. Kimsə bizim ölkəmizin vətəndaşı ilə alçaldıcı şəkildə rəftar edə bilməz. Zənnimcə məsələyə dövlətimiz qarışmalı, Fuadın bütün hüquqları dövlət yetkililərimiz tərəfindən qorunmalı, lazım gələrsə məsələyə ombudusman belə qarışmalıdır. Azərbaycan mətbuatı isə bu sifarişi verənlərin ifşa etməli, xüsusən bu məsələnin üçüncü qüvvələr tərəfindən Rusiya-Azərbaycan əlaqələrinə zərbə vurmaq cəhdinə diqqətli olmalıdılar. Sizi əmin edirəm ki, bu işin arxasından Ağadadaş Kərimov, Mehriban Sadıqova və onların himayədarı olan erməni lobbisi çıxacaq. Bir daha qeyd edirəm ki, Fuadı məndən çox tənqid edən olmayıb. Lakin Fuad bütün səhvlərinə rəğmən, mənim millətimin bir fərdidir və imkan verməyək ki, kimsə bizim millətimizin nümayəndəsi ilə belə rəftar etsin. Nədənsə bu şou mənə Orxan Zeynalovun həbsini xatırladır”.
Rusiyada yaşayan jurnalist Fuad Abbasovla bağlı vəziyyət gərginləşib. Bu barədə Musavat.com-a onun vəkili Elman Paşayev məlumat verib. Vəkilin sözlərinə görə, bu gün təcridxanada saxlanılan jurnalistlə görüşüb. F.Abbasov vəkilinə bildirib ki, onu mayın 16-da çox ağır şəkildə, qəddarcasına döyüblər: “O internetə qoyulan fotolar düzgündür. Fuad Abbasov mayın 16-da çox sərt şəkildə döyülüb. Küçədə hüquq-mühafizə orqanı əməkdaşları onu qəddarcasına döyüb. Onlardan ikisi jurnalisti döyüb, biri isə bu hadisənin video və fotosunu çəkib. O fotoların internetdə yayılmasının əsas səbəbi isə sifarişçiyə “missiyanın” yerinə yetirildiyini sübut etmək olub. Adətən sifariş verənlər sübut istəyirlər ki, sifariş hansı formada yerinə yetirilib. Mən kriminalistəm, bu detalları bilirəm. Məqsəd o olub ki, sifarişşçiyə çatdırsınlar ki, Fuad Abbasovu sındırdıq”.
E.Paşayev bildirib ki, döyəndən sonra F.Abbasovun qoluna qandal geyindirilib. Müsahibimiz vəkillik fəaliyyəti boyunca belə bir qanunsuzluqla qarşılaşmadığını dedi. Onun sözlərinə görə, administrativ işlər üzrə heç kimin qoluna qandal vurula bilməz: “Fuad Abbasova deyilməyib ki, bu addım niyə atılır. Mayın 28-də Fuad Abbasov deportasiya edilməlidir. Amma ondan da tez ola bilər. Onu öncə küçədə, daha sonra isə polis idarəsində döyüblər. Məqsəd o olub ki, onu sındırsınlar və bunu yaysınlar”.
Vəkilin sözlərinə görə, F.Abbasov sifarişçilərin kimliyi ilə bağlı versiyalarını ona deyib. Rusiyada yaşayan həmyerlimiz hesab edir ki, sifarişçi ya erməni lobbisi, ya da Rusiyada yaşayan Azərbaycan diaspor təşkilatının rəhbəri Ağadadaş Kərimovdur: “Fuad deyir ki, polisə qəbul ediləndə bədən xəsarətlərini göstərsə də, onu qeydə almırdılar. Məhkəmədə vəkilinin gəlməsini tələb etsə də, buna məhəl qoyulmayıb. Hazırda saxlanma şəraiti və yeri normaldır. İlk 2 gün heç kimlə əlaqə saxlamağa imkan verməyiblər. Amma bu gün mən telefon verdim, bundan sonra axşam saat 7-dən 9-a qədər telefonla danışa biləcək”.
E.Paşayevin fikrincə, F.Abbasovun deportasiyası üçün heç bir əsas, səbəb yoxdur. Müsahibimiz həmyerlimizə qarşı törədilən qəddar əməliyyatda FCB-nin rolunun olmasına inanmır: “Çünki FCB kimisə döyüb, əlini-qolunu qandallamaz. Sabah tezdən hər tərəfə müraciət edəcəm. İlk olaraq istintaq komitəsinə müraciət edəcəm ki, müvəkkilim qəddarcasına döyülüb. Azərbaycanın Rusiyadakı səfirliyi də hadisə ilə bağlı məlumatlıdır. Onlara da müraciət edəcəm ki, bu olayla bağlı müvafiq qurumlara müraciət etsinlər. Mən vəkillik fəaliyyətim boyunca belə biabırçılıq görməmişəm. Azərbaycanın rəsmi səviyyədə buna reaksiya verməlidir”.
Bu arada F.Abbasovun ailəsi onun sosial şəbəkədəki hesabından müraciət ünvanlayıb. Həmin müraciətdə deyilir:“Jurnalist Fuad Abbasovun azadlığa çıxması üçün hər şey Rusiya qanunvericiliyi çərçivəsində vəkil tərəfindən həll ediləcək. Bunun üçün hər hansı bir maddi vəsait toplanmasına ehtiyac yoxdur. Kömək etmək istəyənlər Misra.ru saytına dəstək olsunlar”.
Azərbaycanda hava limanları, idman kompleksləri tikilir, hətta elə möhtəşəm komplekslər var ki, xaricdə beləsi yoxdur.
Oxu.Az-ın xəbərinə görə, bunu Milli Məclisin (MM) İqtisadi siyasət, sənaye və sahibkarlıq komitəsinin bu gün keçirilən iclasında millət vəkili Rüfət Quliyev deyib.
Millət vəkili bu obyektlərin tender formasında icarəyə verilməsini təklif edib:
“Düşünürəm ki, Lənkəran hava limanı Rusiyadan olan hər hansı güclü kommersiya strukturlarından birinə təklif olunsa, ya hamısı, ya da qismən Azərbaycanın hər hansı kommersiya strukturu ilə şərikli istifadə edə bilərlər”.
Millət vəkili eyni zamanda, cəmiyyətdə bəzi iqtisadi suallara cavab tapılması üçün ekspertlərin televiziyalara çıxmasını təklif edib.
“15 ildir deputatam, 15 ildir də deyirəm.
Danışanda da deyirik ki, TV-lərin bəziləri kommersiyadır, şəxsidir.
Lakin onlara təkliflər olarsa, onlar da geri addım atmaz. İqtisadi bloklarada ekspertlər çıxış etsinlər, sualları cavablandırsınlar. Son 2-3 ayda elmi dərəcəsini necə aldığı məlum olmayan şəxslər efirə çıxıb ağzına gələni danışırlar.
Bu gün sual veriləndə ki, islahatlar effektini göstərir? Deyirəm, bəli, başlayıb. İqtisadiyyatda dəyişikliklər effektini 6 aya, 1 ilə göstərir.
Ekspertlər efirə çıxsalar insanların suallarını cavablandırarlar.
10 gündən bir çıxışlar olsun, suallar cavablandırılısın. Televiziyalara baxanlar çoxdur”- deyə, millət vəkili sözlərinə əlavə edib.
Son illərdə Azərbaycanda keçirilmiş dərin iqtisadi islahatlar ölkədə əlverişli biznes mühitinin inkişafına xidmət edib.
Milli.Az Trend-ə istinadən bildirir ki, bunu Milli Məclisin deputatı Əli Hüseynli deyib.
Deputat biznesin bütün seqmentlərində islahatların davam etməsinin vacibliyini qeyd edib:
"Fikrimcə, biznes, ictimaiyyət və dövlət arasında əlaqələndirici rolu oynayan struktur qismində İctimai şuranın yaradılması həm biznesdə şəffaflığın təmin olunması baxımından, həm də dayanıqlı biznes mühitinin formalaşması üçün doğru qərardır".
O qeyd edib ki, Kiçik və Orta Biznesin İnkişafı Agentliyi (KOBİA) nəzdində İctimai şuranın qarşısında dayanan məqsəd və tapşırıqların reallaşdırılması sahibkarlıq sahəsində müsbət nəticələr verəcək:
"Bu fakt uğurlu dövlət siyasətinin, eləcə də biznes sahəsində köklü islahatların göstəricilərindən biridir".
“Dövlət başçısının apardığı siysətə bəzi qüvvələrə kölgə salmağa çalışır. Bəzi özlərini professor, doktor, ekspert hesab edənlər həyata keçirilən islahatların effektsiz olduğunu və heç bir əhəmiyyətinin olmadığını bildirirlər. Mənim fikrimcə, son illərdə ölkədə dərin islahatlar həyata keçirilir. İslahatın məgər buynuzu olur”.
Bunu millət vəkili Vahid Əhmədov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “2018-ci il dövlət büdcəsinin icrası haqqında” qanun layihəsinin müzakirəsi zamanı deyib.
Onun sözlərinə görə, ölkə başçısı tərəfindən 2016-2020-ci il Strateji yol xəritəsi qəbul edilib.
“Bu Yol xəritəsinə əsasən islahatlar həyata keçirilir. İslahatlar daha əvvəldən başlayıb və gedir. Mənim təklifim odur ki, belə büdcə məsələləri müzakirəsi daha geniş spektrdə təşkil olunsun. Müzakirəyə çıxarılan büdcənın icrası ilə bağlı müzakirələrə QHT-lər, siyasi partiya rəhbərləri, bizi tənqid edən ekspert və alimləri dəvət etmək lazımdır ki, qoy onlar öz fikirlərini bildirsinlər. Biz də öz arqumentimizi ortaya qoyaq. Qoy onlar müzakirə zamanı görsünlər ki, hansı işlər görülüb. Ona görə də hesab edirəm ki, parlament müzakirələrə açıq olmalıdır”, - deyə V.Əhmədov qeyd edib.
Deputat əlavə edib ki, Maliyyə Nazirliyi burada məlumat verir:
“Ancaq nazirlik il boyu bir dənə də olsun tədbir keçirib, vacib məsələləri müzakirə etmir. Təklif edərdim ki, Maliyyə Nazirliyi beynəlxalq təşkilatlarla birgə ildə bir dəfə heç olmasa investisiyalarla bağlı müzakirə aparsın. Bununla bağlı bizlərə ciddi iradlar var. Bu iradların aradan qaldırılamsı üçün ictimai müzakirələr keçirilməlidir”.
Deputat onu da əlavə edib ki, Qubanın Qonaqkənd kəndində anadan olmuşam:
“Bu kəndə sovet dövründə 70 il ərzində yol çəkilməyib. Rayon mərkəzi ilə kənd arasında 5 çay olub və bu çaylar üzərində körpü olmayıb. Ancaq Prezident İlham Əliyevin fəaliyəti nəticəsində son iki ildə bu kəndə yol çəkilir. Çaylar üzərində körpü salınır. Asfalt yol çəkilir”.
Deputat eyni zamanda qiymətlərin bahalaşmasından da şikayətlənib.