Prezidentə yazırlar: “Sizə və Azərbaycan ordusuna inanırıq”Azərbaycan Prezidenti İlham Əliyevə ünvanlanan məktublar gəlməkdə davam edir.

Xalq hər an millətinin, ordusunun yanında olan ölkə başçısına öz təşəkkürünü bildirir və hər an döyüşə hazır əsgər kimi Ali Baş Komandanın əmrini gözlədiyini yazır.

Həmin məktubların bir qismini təqdim edirik:

Salyan rayonundan Amil Babayev yazır:

“Hörmətli cənab Prezident.

Biz daim Sizin prinsipial, qətiyyətli siyasətinizi dəstəkləyirik. Verdiyiniz hər bir əmr bizim döyüş andımızdır. İşğalçı dövlətin törətdiyi təxribatın qarşısını alan ordumuzla fəxr edirik. Bu ordu Sizin sayənizdə qüdrətlidir.

Cənab Prezident, Azərbaycan-Ermənistan sərhədində düşmən təxribatının qarşısını alan ordumuzu dəstəkləyir, keçmiş döyüşçü kimi, əlimə silah alıb düşmənə qarşı döyüşməyə hazır olduğumu bildirirəm.

Sizinlə fəxr edir, qürur duyuruq. Hər birimiz Sizin əsgərinizik”.

Qax rayon sakini Tələt Abbasov bildirir:

“Hörmətli cənab Ali Baş Komandan.

Milli Ordumuz çətin pandemiya dövründə belə öz xalqı ilə maraqlanmayan, təcavüzkar, faşist ideologiyalı Ermənistanın son günlər Tovuz rayonu istiqamətində törətdiyi növbəti təxribatlarına Sizin rəhbərliyinizlə layiqli cavab verməkdədir. Biz Sizin Qarabağ münaqişəsində tutduğunuz qətiyyətli mövqe və igid vətən oğullarının şücaəti ilə daim fəxr edirik!

Hörmətli Ali Baş Komandan, Yeni Azərbaycan Partiyası gənci olaraq Sizin əmrinizi gözləyir, ölkəm uğrunda döyüşməyə hazır olduğumu bildirirəm. Yaşasın müstəqil Azərbaycan! #hərbirimizəsgərik”

Xaçmaz rayon sakini Aybəniz Ədilova qeyd edir:

“Hörmətli cənab Prezident, Ali Baş Komandan!

Sizin rəhbərliyiniz altında ordumuz bu gün dünyanın ən güclü orduları sırasında yer alır. Ordumuzda olan ruh yüksəkliyi, peşəkarlıq, müasir hərbi texnika hər an torpaqlarımızı azad etməyə imkan verir. Biz YAP gəncləri olaraq, daim Sizin yanınızdayıq, Sizin əmrlərinizi gözləyirik! Allah Sizi qorusun!”

Masallı rayon Gəyəçöl kəndi sakini Məmmədqulu Həsənov yazır:

“Hörmətli cənab Prezident!

Sizin fəaliyyətiniz daim xalqımızın rifahının yüksəlməsinə, insanlarımızın qayğı və problemlərinin yerində həll olunmasına yönəlib. Xalqımızın firavan yaşayışı naminə atdığınız addımlar öz bəhrəsini verir.

Bu günlərdə kəndimizdəki köhnə, sıradan çıxmış elektrik dirəkləri yeniləri ilə dəyişdirildi. Bununla da, işıqla təminatımız xeyli yaxşılaşdı, fasiləsiz işıqla təmin olunduq.

Cənab Prezident,

Azərbaycan xalqının qayğısına qalaraq, onun problemlərinin həlli istiqamətində gördüyünüz əməli tədbirlərlə bağlı Sizə dərin təşəkkürümüzü bildirir və gələcək işlərinizdə uğurlar arzulayırıq”.

Bərdə rayon sakini Nəsibə Kərimova bildirir:

“Hörmətli cənab Prezident, cənab Ali Baş Komandan!

Ermənistanın Azərbaycana qarşı törətdiyi təxribatın qarşısının alınmasında ordumuzun gücünə bir daha şahid olduq.

İgid əsgərlərimiz 2016-cı il Aprel döyüşlərindəki kimi, bizi bir daha qürurlandırdılar. Məhz onların sayəsində biz sabit, təhlükəsiz həyat yaşayırıq. Bilirik ki, bizi, ölkəmizi qüdrətli bir ordu qoruyur.

Bizə qürur yaşadan güclü ordumuzun Ali Baş Komandanı Sizsiniz, cənab Prezident. Ali Baş Komandanımız kimi Sizə bildirmək istəyirəm ki, hər zaman əmrinizi gözləyirik.

Torpaqlarımızın işğaldan azad olunması istiqamətində apardığınız siyasəti bəyənir, bir gənc olaraq Sizə səmimi qəlbdən öz təşəkkürümü bildirirəm”.

Siyəzən rayon sakini Bəxtiyar Seyidov qeyd edir:

“Cənab Ali Baş Komandan.

Məlum olduğu kimi, iyulun 12-də erməni silahlı qüvvələri Azərbaycanın mövqelərinə ağır artilleriya qurğuları ilə atəş açıb təxribat törədiblər. Bunun qarşılığında Azərbaycan Ordusu adekvat cavab verərək, düşməni susdurub, şəhidlərimizin qisasını aldı. Məhz Sizin Azərbaycan Ordusuna, Azərbaycan əsgərinə göstərdiyiniz xüsusi diqqət və qayğının nəticəsi olaraq, bu gün düşmənə layiqli zərbə endirməyə qadir olan güclü Azərbaycan Ordusu var. Bunun üçün Sizə dərin minnətdarlığımı bildirirəm.

Cənab Ali Baş Komandan, YAP-ın Gənclər Birliyinin Siyəzən rayon Təşkilatının üzvü olaraq, Sizin əmrinizlə düşmənlə üz-üzə dayanıb, rəşadətli bir Azərbaycan əsgəri kimi döyüşməyə hazıram”.

Bərdə rayon sakini Şamxal Yaqubov yazır:

“Hörmətli cənab Prezident.

Siz hər zaman Azərbaycan Respublikasının milli maraqlarının təmin olunması üçün çalışırsınız. Ölkəmizin müstəqilliyinin qorunması və ərazi bütövlüyünün bərpa olunması məhz bu milli maraqların əsas qayəsidir. Sizin sayənizdə bu gün güclü orduya malik olan Azərbaycan Respublikası onun dövlət sərhədini pozmağa çalışan qüvvələrə anında elə sarsıdıcı cavab verir ki, təxribatçılar üçün onun təsiri illərlə davam edir. Ordumuz bizim qürur mənbəyimizdir.

Cənab Ali Baş Komandan, əmin ola bilərsiniz ki, biz gənclər hər an Sizin əmrinizi gözləyirik. Biz gənclər üçün Vətənə sədaqət müqəddəs hissdir. Son aldığımız nəfəsə qədər Sizin yanınızda olduğumuzu və Sizin bir göstərişiniz ilə canımızı Vətən uğrunda verəcəyimizi bir Azərbaycan gənci kimi bildirmək istəyirəm”.

Xaçmaz rayon sakini Ülkər Lətifova bildirir:

“Cənab Ali Baş Komandan.

Bu gün Azərbaycan gəncliyi Sizin gördüyünüz işlərlə qürur duyur. Xüsusən də, ölkəmizin təhlükəsizliyi naminə gördüyünüz işlər, ordu quruculuğuna yetirdiyiniz diqqət göz qabağındadır. Artıq düşmənlərimiz vahimə içərisindədir. Sizin “Qarabağ Azərbaycandır və nida” sözünüz onların Qarabağı tezliklə tərk edəcəklərinə və məcbur köçkünlərimizin həmin torpaqlara qayıdacaqlarına böyük bir işarədir. YAP gəncləri daim Sizin ətrafınızda sıx birləşib və Sizin əmrinizi gözləyir. Biz Sizə inanırıq, cənab Prezident”.

Füzuli rayon sakini Aydın Rəşidli qeyd edir:

“Möhtərəm Prezident, cənab Ali Baş Komandan.

Son hadisələrdən sonra biz, Füzuli gəncləri, əldə silah Vətənimiz Azərbaycanın rahat, firavan, gözəl gələcəyi üçün döyüşmək istəyirik. Füzuli gəncliyi Sizə inanır və hər zaman Sizin yanınızdadır”.

28 Mart 2024 Əməkdar artist vəfat etdi - Foto
27 Mart 2024 Bakıda Rusiya Kino Günləri keçiriləcək
27 Mart 2024 Taxta parçası 719 min dollara satıldı
14 Mart 2024 Təbrizdə “Yaşa, Azərbaycan” sədası yüksəldi – Video
10 Mart 2024 “Kim milyoner olmak ister”də Azərbaycan bayrağı ilə bağlı SUAL - VİDEO
10 Mart 2024 Zafer Algözə ağır itki
10 Mart 2024 Kayhan Yıldızoğlu vəfat etdi
08 Mart 2024 Günlərlə ac qalıb fəhlə işlədi, pişiyi üçün elçi getdi, özündən on bir yaş kiçik adamla evləndi
08 Mart 2024 Azərbaycanlı modelə lüks avtomobil hədiyyə edildi - Foto
07 Mart 2024 Azərbaycanda nadir tapıntı misin kəşf tarixini dəyişdi
07 Mart 2024 Dumada tələb: Puqaçova xarici agent sayılsın!
07 Mart 2024 Tanınmış rejissor 72 yaşında vəfat etdi
07 Mart 2024 Məşhur xalq artisti Şuşaya köçür - Video
06 Mart 2024 Sərdar Ortac Bakıya gəlir: konsertə biletin qiyməti...
06 Mart 2024 Narkotikdən meyxana deyən tarix müəllimi...
05 Mart 2024 Rasim Balayev yeni yaradılan qurumun sədri seçildi
05 Mart 2024 "Milyonçu" şousunda maraqlı anlar: “9-4” sualı cavabsız qaldı - FOTO
04 Mart 2024 “Əlimdə pul olsun deyə qarajımı satdım” - Faiq Ağayev
04 Mart 2024 Yerindən duran deyir ki, pul ver... – Xalq artisti
03 Mart 2024 "Axundların evi məsciddən qəşəngdir, utanırsınız?"
03 Mart 2024 Erməni müğənni: Baxmutun taleyini yaşayacağıq
03 Mart 2024 Puqaçova elan etdi: Qayıdıram!
02 Mart 2024 Oynadığı rola görə xəcalət çəkdi, dostları ona xəyanət etdi, sevdiyi qadına görə bıçaqlandı
23 Fevral 2024 Xalq artistinin vəsiyyəti: cənazəsi yandırılır, külü...
22 Fevral 2024 Mövlud Süleymanlı Şamaxıda dəfn olundu
11 Yanvar 2024 89 yaşlı məşhur aktyor vəfat etdi
26 Oktyabr 2023 Xalq artistinin şəhid atası olan qardaşı qəza törətdi: ölən var
27 Fevral 2023 Qazinin bu ifasına münsiflər dönmədi - Peşman oldular - VİDEO
17 Fevral 2023 Ortaq yayıma hər kəsdən fərqli gəldi, müzakirə olundu
15 Noyabr 2022 Türkiyə qisas əməliyyatı planlaşdırır