Son xəbərlər

Azərbaycan səmasında görünən qəribə görüntü
Dünən gecə Azərbaycan səmasında qəribə işıqlar müşahidə olunub.

Baku.w xəbər verir ki, göydə ardıcıl işıqlar görünüb və bunu kameraya çəkiblər. 

İşıqlar xüsusilə Zaqatala-Balakən tərəfdə gözlə daha yaxşı müşahidə olunub. 

Türkiyə mətbuatı da bu işıqlardan yazıb. Bildirilir ki, Türkiyənnin bəzi bölgələrində sözügedən işıqlar vətəndaşlar tərəfindən çaşqınlıqla izlənilib.

Türkiyə mətbuatı iddia edir ki, səmada görünən işıqlar "Starlink peykləri"nə aiddir. 

Qeyd edək ki, ABŞ-ın raket, peyk və kosmik servis istehsalçısı “SpaceX” “Starlink” internet peyk şəbəkəsinin bir hissəsi olaraq daha 60 peyki fəzaya buraxmışdı.

“Starlink layihəsi” çərçivəsində “SpaceX” kosmosa əvvəllər 5 dəst və hər dəstdə 60 olmaqla 300 peyk buraxıb. Şirkət “Earth” orbitində “Starlink” peykləri ilə 12.000 peyklik şəbəkə qurmağı planlaşdırır. Layihənin 2027-ci ildə tamamlanması gözlənilir.

Boyunda duz yığıldığını necə bilmək olar?
Boyunda, daha doğrusu boyun fəqərələri arasında və toxumalarında duz yığılması insanın zərərli vərdişləri və qeyri-düzgün həyat keçirməsi ilə bağlıdır. Yəni boyuna duz yığılması birbaşa insanın öz günahıdır. Boyuna duz yığılması orqanizmdə su-duz mübadiləsinin pozulmasından qaynaqlanır. Bu pozulma təkcə boyuna duz yığmaqla kifayətlənmir, podaqra, ostexondroz, böyrəklərdə daş, oynaqlarda ağrı, öd daşları, damarlarda tıxanma yaradır.

Medicina.az boyuna duz yığılmasının bəzi əlamətlərini və bu problemdə özünüzə nə kimi kömək edəcəyiniz barədə məlumatı təqdim edir.

Bədəndə duz kristalları zülal tərkibli qidaların çoxluğundan yaranır, yəni daha çox ət və ət məhsulları yedikdə, orqanizm bunu tam sona kimi həzm edə bilmir.

Bir gün ərzində çox miqdarda ət, toyuq, balıq, iç-çiyər yemək olmaz. Eləcə də tomat, pomidor, souslar, ədviyyatlar, xəmir məmulatları, duzlu qidalar,şoraba və s. Miqdarı normanı aşmamalıdır. Daha çox göyərti, tərəvəz salatları yeyilməlidir. Həmçinin yeməyi su içə-içə qəbul etmək olmaz.

Boyunda duz yığılmasının əsas əlamətləri:

Qulaqlarda küy, səs, qəfil yerindən qalxanda hərəkətlərdə koordinasiyanın itməsi, tez-tez başgicəllənmələr, görmədə duman, huşun itməsi, boyunu sağa-sola çevirəndə ağrı, baş ağrıları, yerişin dəyişməsi, boyunda ağrı, başda sıxılma, əzələlərdə zəiflik, qollarda uyuşma, keyimə, tez yorulma.

Müalicəsi fizioterapiya, masaj, qidalanma və rejimin dəyişməsi, bədəndən artıq duzların çıxarılmasına yönəlmiş terapiya, eləcə də bəzi xalq təbabəti metodlarını birlikdə tətbiq etməkdir.

Kompress:

Təzə kartofu sürtgəcdən keçirin. 30 qram kartofa20 qram təzə bal qarışdırıb, bu kütləni boyuna və çiyinə maska kimi yayın. Üzərindən kompress kağızı (aptekdə satılır) qoyub, isti bir şeylə sarıyın. Kompress 2 saat saxlanılır.

Zəncəfil mazı

Zəncəfilin tozundan 1 xörək qaşığı götürüb, əridilmiş yağla və ya arı mumu ilə qatıb, zəif odda 5 dəqiqə bişirirsiz. Oddan götürüb, soyudub, bura 3 ədəd əzilmiş sarımsaq qatırsız. Mazı ağzı bağlı kiçik qaba yığıb sərin yerə qoyun. Gündə 3 dəfə boyuna çəkib yüngülcə ovun. Sonra isti yun şal bağlayın.

Lobya suyu

Duzları lobya suyu da yaxşı çıxarır. 4 xörək qaşığı lobyanı 3 stəkan qaynar suda gecədən səhərə kimi isti yerdə saxlayın. Səhər onu süzüb,suyu gündə 250 -300 ml için, Bir qədər sudan kompress də edə bilərsiz. Kurs 12 gün.

Bu gün və sabah Ramazan ayının başlanmasını qeyd edən müsəlman ölkələri
Müsəlman dünyası müqəddəs Ramazan ayı ərəfəsindədir. Möminlərin on bir aydır səbirsizliklə gözlədikləri məqam gəlib çatır.

Hicri qəməri təqviminin doqquzuncu ayında - Ramazan ayında oruc tutmaq hər bir müsəlman üçün fərzdir. Ağıllı, həddi-büluğa çatmış, oruc tutmaq üçün üzrlü səbəbi olmayan hər bir mömin oruc tutmalıdır. Müsəlmanlar mübarək ay boyunca günün işıqlı vaxtında oruc tutub yemək-içməkdən uzaq qalacaqlar.

Dünyanın müsəlman ölkələrində Ramazan ayının başlama tarixi müxtəlifdir.

İnter.az xəbər verir ki, Qafqaz Müsəlmanları İdarəsinin verdiyi fətvaya əsasən bu il Ramazan ayı miladi təqvimi ilə Azərbaycanda aprelin 25-də başlayır.

Türkiyə, Səudiyyə Ərəbistanı, Qətər, Küveyt, Livan, Birləşmiş Ərəb Əmrlikləri, Yəmən, Bəhreyn və Əlcəzairdə Ramazan ayı aprelin 24-dən başlayır.

Misir, Fələstin, İran, İraq, İordaniya, Liviya, Tunis, Pakistan və Suriyada Ramazan ayının 1-i miladi təqvimlə aprelin 25-nə təsadüf edib.

 Qeyd edək ki, İslam ölkələri ayparanın dünyanın hər hansı bir yerində deyil, öz ölkələrində görünməsini əsas götürür və bu səbəbdən Ramazan ayı və bayram günlərində fərqlilik yaşanır.

Koronavirusdan ölənlərin dəfn qaydası ilə bağlı
Digər cənazə prosedurları Dini Qurumlarla İş Üzrə Dövlət Komitəsinin mövzu ilə əlaqədar əlavədə yerləşdirilmiş fikirləri çərçivəsində həyata keçirilir. Ən vacib dini vəzifələrin sırasında ən öndə cənazələrin yuyulması, kəfənlənməsi və namazlarını qılması durur.

Bu barədə məlumat Tibbi Ərazi Bölmələrini İdarəetmə Birliyi (TƏBİB) tərəfindən tibb işçiləri üçün COVID-19 xəstəliyinə dair yenilənən müvəqqəti rəhbərlikdə öz əksini tapıb.

Qeyd olunub ki, yuyulub kəfənləndikdən sonra cənazə namazının qılınması kifayətdir: "Bu vəzifə bəzi müsəlmanlar tərəfindən yerinə yetirildiyi təqdirdə digər müsəlmanlar məsuliyyətdən azad olurlar. Cənazə namazının qılınması üçün müəyyən bir vaxt yoxdur. Hazırlanan cənazənin gözlədilmədən namazının qılınıb dəfn edilməsi əsasdır. Yoluxucu xəstəlik riskinin olduğu hallarda cənazə namazının mümkün qədər az adamla qılınması məqsədəuyğundur. 

Bundan əlavə, xəstəliyin yayılmaması üçün cənazə namazında iştirak edən şəxslər arasında kifayət qədər məsafə saxlanılmalıdır. Hər cənazə namazını ayrıca qılmaq məsləhət görülsə də, hamı üçün bir namazın qılınması kifayətdir. Xəstəliyin yayılma riskinə qarşı mütəxəssislərin tövsiyələrinə uyğun olaraq lazımi qoruyucu tədbirlər görüldükdən sonra cənazənin qaydası üzrə yuyulması, kəfənlənməsi və dəfn edilməsi vacibdir. Ehtiyac üzrə cənazələrin tabutla dəfn edilməsi də icazəlidir. 

Bundan əlavə, cənazə ilə əlaqəli daha xüsusi halların yarandığı təqdirdə səlahiyyətli dini qurumlarla məsləhətləşmək lazımdır". 

Azərbaycan polisinin bu görüntüləri hər kəsi kövrəltdi
Azərbaycanın Gəncə şəhərində sosial eksprement keçirilib.

Vətəndaş yollarda xidmət aparan polis əməkdaşlarına yaxınlaşaraq pulunun olmaığını və ailəsində övladlarının ac qaldığını bildirib. Bu zaman polis əməkdaşları ona pul verərək yola salıb. Qeyd olunan görüntü gizli kamera ilə qeydə alınıb.

Polis əməkdaşlarının bu hərəkəti nümunəvi addım kimi qarşılanıb.

Qeyd edək ki, karantin günlərində polis əməkdaşları 24 saat olaraq xidmət aparır.

Bakı sakini evində şir saxlayır
Xüsusi karantin rejimi ilə əlaqədar Bakı Zooloji Parkı da ziyarətçisiz qalıb.

Parkın direktoru Azər Hüseynov deyir ki, burada sakitlikdir və bu da heyvanların bala verməsi üçün əlverişli şərait hesab olunur: 

"Qamış pişiyi 4 baş bala verib. Onlar salamatdır. Dekabrın 25-də şirimizin biri bala verib. Onu da öz işçimizin evində saxlayırıq. Çünki anası süd verməkdən imtina etmişdi. Bu ayın 25-də həmin heyvanı zooparka gətirəcəyik".

Zoopark işçisinin evində saxlanan şir balasının da durumu yaxşıdır.

Bakıda koronavirusun yayılmasına səbəb olacaq görüntü
Koronavirus infeksiyasının qarsısının alınması məqsədilə avtobuslarda olan yer qədər sərnişin daşınmasına icazə verilib.

Real xəbər verir ki, bugünkü mənzərə onu göstərir ki, sərnişindaşımada ara məsafəsinin saxlanılması tələbinə riayət edən, demək olar ki, yoxdur.

Bu, karantin qaydalarını pozmaqla yanaşı, həm də koronavirus infeksiyasının inkişafına dəstək verməkdir.

Hazırda paytaxtda avtobuslarda problem azalmaq yerinə getdikcə çoxalır. Necə deyərlər, iynə atsan, insan əlindən yerə düşməz.

Karantin rejiminin qaydalarına məhəl qoymayanlar da vətəndaşlardır, mövcud vəziyyətdən narazı qalıb şikayətlənənlər də...

Vəziyyət hər ötən gün daha da pisləşir.

Xaricdə qeydiyyatda olan avtomobillərlə bağlı yeni MƏHDUDİYYƏT
Bu həftədən xaricdə qeydiyyatda olan avtomobillərin Azərbaycana müvəqqəti gətirilməsinə il ərzində 90 gün məhdudiyyət qoyulması barədə qərar qüvvəyə minib.

Bu, Nazirlər Kabinetinin “Fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan malların gömrük sərhədindən keçirilməsinin güzəştli və sadələşdirilmiş Qaydaları”nda dəyişiklik edilməsi barədə” 19 mart 2020-ci il tarixli qərarında əksini tapıb. 

Bundan əvvəl qüvvədə olan Qaydalara əsasən, xarici dövlətlərdə daimi qeydiyyatda olan avtonəqliyyat vasitələrinin və onların qoşqularının (yarımqoşqularının) qeyri-rezidentlər tərəfindən müvafiq təsdiqedici sənədlə gömrük ərazisinə müvəqqəti olaraq gətirilməsinə 90 gün müddətinədək, bu müddətin uzadılmasına görə isə Gömrük Məcəlləsində müəyyən edilmiş gömrük borcunun ödənilməsinin təmin edilməsi üçün təminat üsullarının tətbiqi ilə 1 ildən artıq olmamaq şərti ilə həmin şəxsin vizasında və ya Azərbaycan Respublikasının ərazisində müvəqqəti yaşamaq üçün icazə vəsiqəsində, yaxud əcnəbinin və ya vətəndaşlığı olmayan şəxsin Azərbaycan Respublikasında müvəqqəti olma müddətinin uzadılması haqqında qərarda göstərilən müddətə icazə verilib.

Bu həftədən qüvvəyə minən dəyişikliyə əsasən, avtomobillərin müvəqqəti olaraq gətirilməsinə hər təqvim ili ərzində 90 gün məhdudiyyət müəyyənləşib. Başqa sözlə, xarici dövlətlərdə daimi qeydiyyatda olan avtonəqliyyat vasitələrinin və onların qoşqularının (yarımqoşqularının) qeyri-rezidentlər tərəfindən müvafiq təsdiqedici sənədlə gömrük ərazisinə müvəqqəti olaraq gətirilməsinə hər təqvim ili ərzində ümumilikdə 90 gün müddətinədək, bu müddətin uzadılmasına görə isə Gömrük Məcəlləsində müəyyən edilmiş gömrük borcunun ödənilməsinin təmin edilməsi üçün təminat üsullarının tətbiqi ilə 1 ildən artıq olmamaq şərti ilə həmin şəxsin vizasında və ya Azərbaycan Respublikasının ərazisində müvəqqəti yaşamaq üçün icazə vəsiqəsində, yaxud əcnəbinin və ya vətəndaşlığı olmayan şəxsin Azərbaycan Respublikasında müvəqqəti olma müddətinin uzadılması haqqında qərarda göstərilən müddətə icazə verilir. /qazet.az

Koronavirusdan mübarizənin yeganə üsulu açıqlandı
Alimlərin fikrincə, yalnız kütləvi vaksinləmə üsulu ilə koronavirus pandemiyasına qalib gəlmək ola bilər.
 
Mütəxəssislərin bu fikrini “Science Alert”  nəşri açıqlayıb.
 
İmmunologiya professoru Erik Vilve nəşrə bildirib ki, insan orqanizmində RNK əsaslı viruslara qarşı anticisimlərin (orqanizmə yad zülallar, bakteriyalar-red) yetərli miqdarını yığmaq üçün üç həftə tələb olunur. Anticisimlər bu halda orqanizmin müdafiəsini bir neçə aya təmin edə bilər.
 
Amma alim hesab edir ki, bu yalnız nəzəriyyədir. Çünki yeni koronavirus virusoloqlara və epidemioloqlara bütün yeni sürprizləri göstərir.
 
Virusa yoluxmuş immunitetli xəstələrin sağalmalarına baxmayaraq, koronavirusun yenidən yaranması halları da məlumdur. Buna Cənubi Koreya təcrübəsi misal ola bilər.
 
Virusun heç vaxt orqanizmdə “yatan” və simptomsuz, məsələn, “herpes” kimi tamamilə yox olmayaraq qalması da daha çox ehtimal ediləndir.
 
Bu və digər qeyri-müəyyənlikləri nəzərə alaraq, ekspertlər müəyyən müddət ərzində dünyada koronavirusa qarşı kollektiv immunitetin əmələ gələcəyini və pandemiyanın öz-özünə yox olacağını da ehtimal edirlər.
 
Avstraliyanın Kertin Universitetinin professoru Arçi Klements bildirib ki, hazırda koronavisula mübarizədə yeganə həll yolu vaksin istehsalıdır.
 
Qeyd edək ki, koronavirusdan vaksinin kliniki sınaqlarına bu ilin iyununda başlanılması planlaşdırılır. 
 
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
 
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

TƏBİB-in Yoluxucu xəstəliklər işçi qrupunun rəhbəri, Nazirlər Kabineti yanında Operativ Qərargahın üzvü Vasif Əliyevin Day.Az-a müsahibəsini təqdim edirik:

Pandemiya dövrü ərzində aldığımız statistik göstəriciləri müqayisə etsək, deyə bilərik ki, ötən həftə qeyd edilən rəqəmlər öncəki dövrlərə nisbətən xeyli yaxşı olub. Çünki aparılan testlərin sayı artıb, bunun fonunda yeni yoluxma faktlarının sayı isə xeyli azalıb.

Bu, çox müsbət haldır. Dinamikada azalma müşahidə edilir, bazar günü 25 yeni yoluxma faktı qeydə alınıb. Ölənlərin sayına gəlincə, təəssüf ki, bu faktlar var, amma ümumi yoluxanların sayına nisbətdə azdır.

Bizi həmçinin sevindirir ki, Azərbaycanda koronavirusdan sağalanların sayı yeni yoluxanların sayından daha çoxdur. Bu, artıq ölkəmizdə epidemik fəallığın azalmasını göstərir.

Tibbi heyətimiz artıq təcrübəsini daha da artırıb, tibbi müəssisələrimizdə xəstələrin uğurlu müalicəsi üçün bütün şərait var, preparat çatışmazlığı yoxdur.

Hələ bir həftə öncə mən açıqlamamda pandemiyanın pik həddindən ehtiyatla danışırdım. Çünki xatırladım ki, elə günlər var idi ki, bizdə 104-105 yeni yoluxma faktı qeydə alınırdı. Lakin bu gün bizdə vəziyyət dəyişib və deyə bilərik ki, ölkəmizdə pandemiyanın pik həddi artıq geridə qalıb. Bunu demək üçün bu gün əlimizdə yetərincə əsaslar var. Epidemik vəziyyət pozitiv şəkildə dəyişir.

Bununla belə biz yenə ehtiyatlı davranmalıyıq. Yaxşı statistikaya rəğmən, azalma dinamikasını möhkəmləndirməliyik. Bu səbəbdən çox doğru olaraq karantin müddəti uzadıldı. Karantin bu gün dərhal yumşaldılsa, bu, problemlər yarada bilər. Məhdudiyyətlərdə yumşaltma, təbii ki, olacaq, lakin bu, mərhələli şəkildə aparılacaq.

Ümumilikdə Azərbaycanda koronavirusla bağlı vəziyyəti bu gün müsbət qiymətləndirmək olar. Bu, onu göstərir ki, biz doğru yoldayıq, dövlət tərəfindən görülən tədbirlər zamanında və düzgün olub. Düşünürəm ki, Prezident İlham Əliyevin qeyd etdiyi kimi, biz pandemiya ilə mübarizədən az itkilərlə çıxacağıq. Azərbaycan koronavirusa yoluxanlar, bu virusdan ölənlər və sağalanların sayı ilə bağlı ən yaxşı statistik göstəricilərə malik ölkələr sırasında yer alıb və bu vəziyyəti nəzarətdə saxlamaq üçün bizdə bütün şərait yaradılıb.