Son xəbərlər

Azərbaycanla bağlı daha bir paylaşım Türkiyə musiqisinin imperatoru İbrahim Tatlısəsdən gəlib.

Kult.az Musavat.com-a istinadla xəbər verir ki, sənətçi 1.2 milyon izləyicisi olan sosial media hesabında ölkəmizlə bağlı paylaşım edib.

İ.Tatlısəs Azərbaycan və Türkiyə bayraqlarının qardaş ölkədə asıldığı video görüntünü paylaşıb və “İki dövlət, tək millət… Türk milləti olaraq yanınızdayıq, Azərbaycan” şərhini yazıb.

Dünyaca məşhur müğənni Sami Yusif Azərbaycan xalqını Müstəqillik Günü münasibətilə təbrik edib.

Kult.az xəbər verir ki, Cənubi Azərbaycandan olan sənətçi 766 min izləyiciyə malik Tvitter səhifəsində ölkəmizlə bağlı paylaşımlar edib.

Sami Yusif bildirib ki, düşüncələri və duaları Azərbaycanladır.

Virusa yoluxmuş şəxslərə ŞAD XƏBƏR
 

COVID-19 peyvəndi virusa yoluxanlarda daha sürətli nəticə verir.

Publika.az xəbər verir ki, bunu Qamaleya adına Epidemiologiya və Mikrobiologiya Araşdırmaları Mərkəzinin rəhbəri Aleksandr Qintsburq deyib.

Dünyada ilk qeydiyyata alınan peyvəndi (“Sputnik V”) hazırlayan mərkəzin rəhbəri bildirib ki, COVID-19-dan sağalan xəstələrdə virusa qarşı antitel sağlam insanlardakından daha tez zamanda əmələ gəlir.

 
 
 
 
 
 
Ad - 00:10
Espumisan C

Onun sözlərinə görə, peyvənd uşaqlara burundan inyeksiya oluna bilər: “Peyvənd uşaqlar üzərində sınaqdan keçirilməyə başlandığında böyük ehtimalla bu metoddan istifadə edəcəyik”.

Bu arada, Qintsburq açıqlamasında peyvəndin hazırlanması əsnasında mərkəzin hakerlər tərəfindən hücuma məruz qaldığını da qeyd edib.

“Qarabağ” “Legiya” ilə oyun üçün 23 futbolçu sifariş etdi

UEFA Avropa Liqasının pley-off mərhələsində Polşanın "Legiya" klubu ilə qarşılaşacaq “Qarabağ” sifariş ərizəsini UEFA-ya göndərib. “Qafqazinfo” xəbər verir ki, Ağdam təmsilçisinin heyətində 23 oyunçu yer alıb:

Qapıçılar: 1. Şahruddin Məhəmmədəliyev, 12. Emil Balayev, 94. Ayhan Arazlı

Müdafiəçilər: 4. Rahil Məmmədov, 5. Maksim Medvedev (k), 21. Rauf Hüseynli, 29. Zamiq Əliyev, 30. Abbas Hüseynov, 44. Elvin Cəfərquliyev, 55. Bədavi Hüseynov, 81. Kevin Medina

 

Yarımmüdafiəçilər: 2. Qara Qarayev, 27. Patrik Andrade, 8. Uroş Matiç, 9. Xayme Romero, 10. Abdullah Zubir, 18. İsmayıl İbrahimli, 19. Filip Ozobiç, 27. Toral Bayramov, 77. Donald Gerye

Hücumçular: 7. Kvabena Ovusu, 11. Mahir Emreli, 22. Musa Qurbanlı

Qeyd edək ki, oktyabrın 1-də Polşadakı "Voyska Polskoqo" stadionunda keçiriləcək qarşılaşma Bakı vaxtı ilə saat 22:00-da başlayacaq. 

Bizim camaat “müəmma” kəlməsini çox sevir. (“Bizim camaat” deyəndə 39-42-ci paralellərdə və dünyanın dörd tərəfində yaşayan 50 milyon xalqı nəzərdə tutmuram, Türkmənçay müqaviləsindən sonra Arazın bəri tayında qalanları deyirəm).
Biz gün kimi aydın məsələlərdə belə müəmma axtarırıq və mütləq tapırıq. Heç ola bilməz ki, nəsə bir hadisə baş versin və onun müəmmalı tərəfi olmasın.

Əslində təkcə biz deyilik, bütün dünya əhli müəmma axtarışına meyllidir, amma bizə çatan olmaz. Bizə görə, Qaqarinin ölümü də müəmmalıdır, Kennedinin qətli də, bin Ladenin məhv edilməsi də, Hitlerin intiharı da, Stalinin aqibəti də və s. 
Aydın deyil də, qardaş, nə edək, tam şəffaflıq yoxdur, hansısa qüvvələr bu işləri edibsə, üstünü ört-basdır ediblər, amma müəmma izi buraxıblar.

Günümüzdə koronavirus hadisəsi var ha, Çin, ABŞ, Hindistan, İtaliya, Braziliya, Yaponiya pandemiya ilə barışıb, virusun təhlükəsini ciddiyə alıb, gecəbəgündüz vaksin hazırlamaqla məşğuldurlar, bir Rusiyadır, bir də bizik, dirəşmişik, “bu işdə bir müəmma var, qlobal güclərin işidir” deyirik.

Arada ötkəm sözlü adamlar nervilənir, deyirlər, qlobal güclərin işidir, cəhənnəmə, gora olsun, ağzınızı ayırıb tamaşa eləməyin, maska taxın, özünüzü qoruyun.

Amma müəmma olan yerdə olmur axı, biz gərək o müəmmanın vacehinə yetək, onun üstündəki pərdəni götürək, baxaq ki, altdakı müəmma nədən ibarətmiş.

Dünyəvi müəmmaların çözülməsi missiyası bizim boynumuzdadır.

Bəlkə də müəmmabazlıq şakərimiz üzündəndir ki, hər kəsin keçmişində nəsə bir müəmma olduğu barədə ciddi ehtimallara malikik. Ölkədə keçmişi müəmmalı olmayan adam yoxdur – Surətdən tutmuş ta akademiyanın həqiqi üzvlərinə qədər. 
Hərçənd şəxsən mən Surətin keçmişində heç bir müəmma görmürəm. Adam müəmmasız-filansız elə günahların sahibidir ki, əgər cənnət-cəhənnəm söhbəti realdırsa, onu o məkanların heç birinə qoymayacaqlar, şəxsinə ayrı bir platforma düzəldəcəklər. Bu, nədən ibarət olacaq, bilmirəm, müəmmalıdır.

Yerdə qalan hamının, istisnasız olaraq hər kəsin keçmişində müəmma var – hər halda qarşılıqlı iddialardan belə çıxır. 
Məsələn, o vaxt, 19 yanvarda Nemətin xalqı rus qoşunlarına müqavimət göstərməyə çağırmasını kim sifariş etmişdi – müəmmalıdır. Amma Nemət əksini etsəydi və qırğın olmasaydı, deyəcəkdik ki, rus qoşunu Bakıya müqavimətsiz girdi, xain Nemət qoymadı.

Rəhim Qazıyev Şuşada sui-qəsdə məruz qalmışdı – müəmması qalır. Ölsə, “Xalqın xilaskarı olacaq Rəhim Qazıyevi kim öldürtdü” müəmması hələ də başımızı xarab edirdi.

Tamerlan Qarayev 20 noyabrda Qarakənd üzərində terakta məruz qalan hərbi vertolyota müəmmalı şəkildə minməmişdi – 29 ildir dartışılır. Minmiş olsa, müəmmanın adı “niyə minmişdi” olacaqdı: “Ağdamda qalmalıykən onu Şuşaya kim göndərirdi?”

Belə misallar çoxdur, hamısını yazsam, gərək bəzi hörmətli adamlar kimi saytı öz yazılarım üçün işlədim.

Ancaq son vədələr belə məlum olur ki, adamların keçmişinin müəmmalı olması barədə eyhamlar daha intensiv səciyyə daşıyır. Yəni heç kəs başqasının keçmişindəki müəmmanın nədən ibarət olduğunu demir, açıb-tökmür, eləcə eyham edir və bu yolla çox danışanların az danışması və ya susması təmin edilir.

Bu yaxınlarda da elə bir şantaj xarakterli eyham oldu, şəkkak və maraqlı adamlar qulaqlarını şəklədi ki, görsünlər müəmma söhbətinin dalı gələcəkmi. Amma eyham yiyəsi müəmmalı şəkildə susdu.

Biz tələbə olan vaxt yeddi-səkkiz həmkəndli bir yataqxanada qalırdıq. Hər axşam birlikdəydik, söz-söhbətimiz, lağlağımız bol olurdu. İntəhası, hərdən mübahisə də edirdik. Bir dəfə iki həmkəndlimizin sözü çəpləşdi, yarızarafat-yarıciddi səpkidə xeyli söz güləşdirdilər, axırda biri o birinə dedi ki, mən nəslinizin keçmişinə dair elə müəmmalı şeylər bilirəm ki, desəm, bir də danışmazsan. Mübahisə kəsildi. Şantajçı kəndçimiz qalibanə şəkildə öz otağına getdi, o biri qaldı və başladı səsli fikirləşməyə: “Görəsən, bu yaramaz bizim nəslin keçmişinə dair nə bilir? Nə qəbahət işimiz olub? Niyə heç kəs bilmir, amma o bilir?”

Tələbə yoldaşımız zarafatcıl uşaq idi, dedi, amma nə bilmək olar, babam tərəkəmə olub, bir yanı Gorus, bir yanı İmişli, yaylaq-qışlaq manevrləri edib, dinc durmamış ola bilər.

Başqa bir zarafatcıl otaq yoldaşımız da dedi, yox, elə olsa, bu töhmət predmeti olmaz, qorxuram, nənən dinc durmamış ola. 
Lap sonralar aydın oldu ki, şantajçının əlində “müəmmalı keçmiş”ə dair fakt yoxmuş, rəqibini susdurmaq üçün elə deyirmiş. Bir iş pis oldu ki, adamda vərdiş əmələ gəldi, mübahisə zamanı tez-tez “elə şeylər bilirəm ki” deyirdi...

“And olsun Cəfərqulu xanın övladının ağızlarının tüpürcəyinə...”

(Haqverdiyev, “Xortdanın cəhənnəm məktubları”)

Bütün dünya COVİD-19-a vaksin axtarışlarını davam etdirməkdə ikən biz də adımızı o vaksini alacaq müştərilər siyahısına, dəftərin baş tərəfində bir yerlərə yazdırmışıq. İntizarla gözləməkdəyik, vaksin icad edilən anda hökumət onu alıb gətirəcək, xalqın cəmdəyinə vuracaqdır, ondan sonra ta bizə ölüm yoxdur. İstəyirsən lap 100 il daha hökumətin ətrafında sıx birləş. Vaksinin pulu isə Koronavirusla Mübarizə Fondundan götürüləcəkmiş. Deyir orda xeyli pul-para yığılıbdır. Bizdə belə maraqlı fondlar çoxdur. Neft Fondu, prezidentin Ehtiyat Fondu, Orduya yardım fondu və sairə. Biri var dövlət büdcəsi, biri də var fond. Fond daha maraqlı yerdir, ölçüsü-biçisi, debiti-krediti olmur. Nə qədər istəyirsən yığ, nə qədər istəyirsən xərclə, qurtarmır. Nağıllarda belə süfrələr olurdu, görürdün qəhrəman süfrəni sərdi, üstündə havadan min cür nazü-nemət peyda oldu, bunlar da qırx incəbelli qızla başladılar yeyib-içməyə, eyş-işrətə. Bir ucdan yedikcə, süfrə o biri yandan dolardı. Əla icaddır və tipik şərqli-müsəlmanın əməyə münasibətini göstərir.

Sözgəlişi, həmin orduya yardım fonduna bir ara çoxlu pul yığılırdı və heç xərclənmirdi. On illərlə toplayırdılar. Görəsən axırı necə oldu? Səfər müəllim qapazlayıb apardısa heç zad.

Ancaq vaksinin icadına başqa xalqların bəlkə çox ehtiyacı var, biz elə-belə, kampaniya üçün qoşulmuşuq. (Yuxarıda yazdığım “intizarla gözləyirik” sözlərini oxumayın). Çünki hökumət-xalq münasibətlərinin yüksək keyfiyyəti sayəsində bizdə istənilən virus çaşqınlıq yaşayır, yoluxma qabiliyyəti aşağı düşür, özünü itirir, hətta başqa virusa çevrilir. Məsələn, vaxtilə biz quş qripini tutub qanadlarını yolduq, onu adi qripə çevirdik. SPİD çibana, vərəm kariesə, ebola qaymaritə dönmüşdü. İndi COVİD-19-un yoluxma dinamikasına, operativ qərargahın açıqladığı rəqəmlərə baxanda virusun Azərbaycanda nə qədər ağır həyat yaşadığı gözə girir. Bir gün yoluxma 166-ya qalxır, səhərisi 95 olur. Başqa gün sağalan 300 nəfərə çıxır, ardıyca 100-ə düşür və sairə. Sanki virus Beyləqan-Ağcabədi yoluyla irəliləmək eşqindədir. Qabaqlar o yol Ay kraterlərini və Yapon dənizindəki dalğaları xatırladırdı, bəlkə son islahatlarda ütülənib düzəldilibdir, yalan yazmayım, imanımızı yandırmayım. Bəs bu cür sürətli, ziqzaqlı, eniş-yoxuşlu qrafikin yaranmasına səbəb nədir? Səbəb görülən işlər, xalqın etimadı, hökumətin islahatı, beş rayonun qaytarılmasıdır (axırıncı səhvən, başqa yazıdan bura düşdü, pozmağa əlim gəlmədi, üzrlü sayın). Virus çırpınır, özünə yol tapmır. Hökumət daim ayıq-sayıqdır, elə ki pandemiya bir az qalxır, dərhal virusu tutub qulağının dibindən bir şapalaq qoyurlar, deyirlər özünü yığışdır, ayıbdır, beşinci kalona qoşulma.

Bu arada mövzumuza dəxli olmasa da deputat Eldar Quliyevi Fəttah müəllimin ölümündən sonra boş qalmış Respublika Ağsaqqallar Şurasının sədri kreslosuna namizəd verilməsi münasibətilə təbrik edirəm. Ümid edək keçər, çünki Eldar müəllim uzun illərdir aktiv deputat olmaqla yanaşı (məsələn, Hacı Madərdən fərqli olaraq o, seçkilərdə divara şəklini yapışdırır), Kooperasiya Universiteti kimi dünya şöhrətli universitetin rektoru olaraq da Azərbaycanı dünyada tanıtmışdır. Harvardda “Mən Kooperasiyada oxuyuram” deyən tələbəni zorla kafedra müdiri qoyublar, çünki bu məktəb dünyada yeganə məktəbdir ki, 5 il şalvarın kəməri altına taxılan yeganə dəftərlə oxuyub diplom almaq mümkündür. Eldar müəllimin özü Cibuti Dövlət Universitetinin, Burundi Elm Fondunun və Amazonka Dükanları Birliyinin fəxri doktorudur. Əsl el ağsaqqalıdır, güman edirəm ağsaqqallarımız seçimdə səhvə yol verməz. Sözgəlişi, 2008-ci ildə bizdə Ağbirçəklər Şurası da yaradılmışdı, lakin fəaliyyətsiz qaldı. Bəlkə aktivlik üçün biz ağsaqqallarla ağbirçəklərin qüvvəsini birləşdirməliyik.

COVİD-19-la mübarizə tədbirləri bugünlərdə verilən sərəncamla daha da gücləndirildi. İnzibati Xətalar Məcəlləsinin pandemiya ilə bağlı pozuntularına indiyə qədər ancaq polis, az-maz da İqtisadiyyat Nazirliyi baxırdı. İndi isə Qida Təhlükəsizliyi Agentliyi və Dövlət Turizm Agentliyinə epidemiya təhlükəsi olanda cəzalandırma hüququ verilir. Dəstəkləyirik, doğrudan da polis bəzən cərimələməyi çatdırmırdı. Üstəlik, dükan-bazarda, restoran və istirahət mərkəzlərində epidemiya qaydasına düzgün əməl edilməsini polis izləyə bilməzdi, ən azı bu istiqamətdə yetərli bilgisi olmurdu. Örnək üçün, hansısa yemək restoranda sanitar qaydaya uyğun hazırlanıbmı, bozbaşda virus varmı, kəlləpaçaya maska taxılıbmı, bunu polis necə bilsin? Hər qazan başına bir patrul ayırsan belə çatmırdı.

Ancaq düşünürəm bunlar yetərli deyil. Cəza qurumlarının sırasına biz jurnalistlər də daxil edilməliyik. Yoxsa hər yerdə baxırsan qayda pozulur, biri maska taxmır, başqası məsafə gözləmir, üçüncü piştaxtaya asqırır və sairə, lakin biz bunu yerindəcə cəzalandıra bilmirik. Polisə zəng elə, qida agentliyini çağır - bunlar vaxt aparır, virus yayılır. Dördüncü hakimiyyətin gücündən faydalanmaq lazımdır. Xeyli cərimə yığa bilərəm, şəxsən öz adımdan söz verirəm. Sərəncam gözləyirik.

 

Almaniyanın avtomobil istehsalçısı “BMW Group” şirkətin ABŞ ərazisində avtomobil satışı ilə bağlı həqiqəti əks etdirməyən məlumatlar yayımlaması iddialarının nizamlanması çərçivəsində ABŞ Qiymətli Kağızlar və Birjalar Komissiyasına 18 milyon ABŞ dolları ödəməyi qəbul edib.

“Report” xəbər verir ki, bu barədə “The Wall Street Journal” məlumat yayıb. Qeyd olunub ki, söhbət 2015-ci ildə 2019-cu ilə qədər olan dövrdəki hesabatlardan gedir.

“Məlumatların açıqlanmasında dəfələrlə yol verilən səhvlər səbəbi ilə BMW satış həcmləri və Amerika bazarında avtomobillərə olan tələbat barədə informasiyalarda investorları yanıldıb”, - nəşr maliyyə tənzimləyicisinin nümayəndəsindən sitat gətirib.

Qeyd olunub ki, şirkət məsələni günahını nə qəbul etmədən, nə də təkzib etmədən həll edib.

Qəzetin yazdığına görə, şirkətin araşdırma prosesindəki fəal əməkdaşlığı cərimə məbləğinin azaldılmasına yardımçı olub.


Azərbaycan Televiziyası (AzTV) Türkiyədə reytinq siyahılarında hər zaman ilk pillələrdə yer almış “Diriliş Ərtoğrul” teleserialını yayımlayacaq.

AzTV-dən Kult.az-a verilən məlumata görə, TV serialın lizensiyasını alıb. Artıq filmin Azərbaycan dilinə tərcümə və dublyajına başlanılıb.

Dublyaj bitdikdən sonra serial həftəiçi hər gün efirə veriləcək.

Qeyd edək ki, 2014-cü ildən TRT-də yayımlanmağa başlamış serialın ssenarisi Mehmet Bozdağa aiddir. Filmdə baş rollarda Engin Altan Düzyatan, Kaan Taşaner, Didem Balçın, Osman Soykut, Serdar Gökhan və Mehmet Çevik çəkilib. “Diriliş Ərtoğrul”da azərbaycanlı aktrisa Könül Nağıyeva da rol alıb. O bu filmdəki roluna görə “Kapalı çarşı” jurnalı tərəfindən “Ən yaxşı xarici aktrisa” mükafatına layiq görülüb.

Serialın ilk seriyasının yayımlandığı günün AB qrupu üzrə reytinq sıralamasında birinci sırada olub.

“Diriliş Ərtoğrul”un hekayəsi XIII əsrdə Ərtoğrul Qazinin Məbəd cəngavərləri və monqollara qarşı olan mübarizəsi və Osmanlı bəyliyinin qurulma dövrü haqqındadır. Film 150 bölümdən ibarətdir.

“Google”un işində problem yaranıb

Amerikanın Google” kompaniyasının servislərinin işində problemlər müşahidə olunur.

“Qafqazinfo” xəbər verir ki, bu barədə məşhur internet resurslarının işini izləyən “Downdetector” xidmətinin saytında bildirilib.

 

“Google”un işindən daha çox ABŞ, Latın Amerikası ölkələri, həmçinin Yaponiya sakinləri şikayət edir.

“Youtube”dakı problemlər barədə bildirən 63% istifadəçidə videolar nümayiş olunmur, “Gmail”in 54% istifadəçisi hesaba daxil olmaqda çətinlik çəkir, 34%-i isə saytı nəzərdən keçirməkdə çətinlik çəkir.

Haqqında şayiə yayan kişini bu şərtlə bağışladı

Türkiyənin məşhur aktrisası Serenay Sarıkaya haqqında şayiə yayan şəxs barədə hüquq-mühafizə orqanlarına müraciət edib.

“Qafqazinfo” xəbər verir ki, aktrisa sosial şəbəkədə iş adamı Ali Koçla eşq yaşadığını iddia edən Kadir Çetinçalıdan şikayətçi olub. O, şərəf və ləyaqətinin alçaldığını bildirib.

 

Serenay qarşı tərəfi qadın dərnəklərinə ianə verdiyi halda bağışlayacağını söyləyib. K. Çetinçalı 1500 lirə xeyriyyə yardımı etdikdən sonra tərəflər arasında barışıq baş tutub.