Son xəbərlər

 
Mikayıl Cabbarov: “İlkin olaraq koronavirusdan zərər çəkən 12 sahə müəyyən edilib”

Koronavirus (COVID-19) pandemiyasının, həmçinin, dünya enerji və səhm bazarlarında baş verən kəskin dalğalanmaların milli iqtisadiyyata mənfi təsirlərinin qiymətləndirilməsi, pandemiyadan zərər çəkməsi ehtimal olunan iqtisadi fəaliyyət sahələrinin müəyyən edilməsi, yaranmış vəziyyətin yaxın və orta müddətlərdə ölkənin biznes mühitinə mənfi təsirinin azaldılması məqsədilə müvafiq təkliflərin hazırlanması üçün yaradılmış İşçi Qrupun iclası keçirilib. İclas videokonfrans formatında aparılıb.
İqtisadiyyat Nazirliyinin mətbuat xidmətindən bildirilib ki, İşçi Qrupun rəhbəri, nazir Mikayıl Cabbarov pandemiyanın qarşısının alınması istiqamətində Azərbaycan Respublikasının Prezidenti İlham Əliyevin rəhbərliyi ilə həyata keçirilən təxirəsalınmaz tədbirlər barədə məlumat verib.
Nazir qeyd edib ki, yaranmış şəraitdə milli iqtisadiyyata bir sıra faktorlar təsir edir. Bu, pandemiyanın bilavasitə təsiri altında dünya iqtisadiyyatında və xarici ticarət əlaqələrində müşahidə olunan durğunluq, dünya enerji bazarlarında neftin qiymətlərində kəskin dalğalanmalar, həmçinin, pandemiyanın yayılmasının qarşısının alınması məqsədilə həyata keçirilən məhdudlaşdırıcı tədbirlərlə bağlı iqtisadi fəallığın azalmasıdır. Bütün bu amillər bir sıra iqtisadi fəaliyyət sahələrində özünü daha qabarıq göstərir.

Nazir Mikayıl Cabbarov mövcud şəraitdə pandemiyadan ən çox zərər çəkən fəaliyyət sahələrinin, o cümlədən, iqtisadi artımı və məşğulluğu formalaşdıran əsas sahələrin müəyyənləşdirilməsi, ölkənin iqtisadi və maliyyə dayanıqlığının gücləndirilməsi, dövlət tərəfindən atıla biləcək addımların və dəstək tədbirlərinin istiqamətlərinin dəqiqləşdirilməsi üçün qısa müddət ərzində İşçi Qrupun intensiv və böyük həcmdə iş aparmalı olduğunu diqqətə çatdırıb.

İlkin mərhələdə ən çox mənfi təsirə məruz qalan turizm, hotelçilik, ictimai iaşə, əyləncə, nəqliyyat, ticarət və s. kimi, ümumilikdə, təxminən 12 fəaliyyət sahəsi müəyyən edilib.

İqtisadiyyat naziri vurğulayıb ki, dövlət çevik və operativ qərarlar qəbul etməyə hazırdır. Bununla belə, zərər çəkən fəaliyyət sahələrinin dəqiq müəyyən edilməsi üçün, ilk növbədə, aydın və şəffaf qiymətləndirmə meyarları hazırlanmalıdır. Bu meyarlar həm sahəvi, həm də subyektlər üzrə ümumi və spesifik xarakter daşıya bilər.

Videokonfransda ayrı-ayrı sahələrdə yaranmış vəziyyət müzakirə edilib, müxtəlif təkliflər səsləndirilib. Qeyd olunub ki, dəymiş zərərin qiymətləndirilməsi üçün sahibkarlıq subyektlərinin hesabatları və dövlət qurumlarında olan göstəricilərin dərin təhlilinə zərurət var.

Bu, həmçinin, mart ayı üzrə təqdim olunacaq maliyyə hesabatlarının təhlili ilə müəyyən ediləcək. Hazırda İqtisadiyyat Nazirliyinin bütün strukturları biznes subyektləri, orta və iri biznes, sahibkarların ictimai birlikləri və ixtisaslaşmış assosiasiyalarla görüşlər keçirir.

Müzakirələrdə bildirilib ki, Azərbaycan hökuməti dəstək tədbirlərinin müəyyən edilməsi zamanı, həmçinin, yaranmış şəraitdə dövlətin çağırışlarına adekvat cavab verən, iş yerlərinin və əməkhaqqı fondunun azalmasına yol verməyən, fəaliyyətini şəffaf quran və sosial məsuliyyət nümayiş etdirən hüquqi şəxslərə və sahibkarlara üstünlük verəcək.

Ölkədə iqtisadi artımın davam etməsinə dəstək göstərilməsi kompleks tədbirlər sistemini əhatə edəcək. Bu, iqtisadiyyatda likvidliyin təmin edilməsi, sahibkarlara vergi güzəştləri və tətillərinin verilməsi, dövlət kreditləşdirmə resurslarının əlçatanlığının asanlaşdırılması, maliyyə bazarlarının sabitliyinin qorunması, ünvanlı dövlət sifarişləri sisteminin tətbiqi və s. kimi istiqamətləri əhatə edəcək.

İclasda qeyd olunub ki, dövlət ölkə vətəndaşlarının sağlamlığının qorunması, əhalinin təhlükəsizliyinin təmin edilməsi məqsədilə qısa müddətdə iqtisadiyyatın daralmasına səbəb ola biləcək iqtisadi aktivliyin azaldılması kimi məcburi addımlara gedəcək.

Dövlət bu prosesi qarşılamağa hazırdır və yaranmış şəraiti, həmçinin, pandemiyanın yayılmasının qarşısının alınmasından sonra iqtisadiyyatın yeni bir inkişaf xətti olaraq görməkdədir. Daxili tələbatı ödəyən və xarici idxalı əvəzləyən istehsal və emal sahələrinin, bu istiqamətlərdə yeni istehsalın qurulması təşviq ediləcək.

İşçi Qrupun üzvlərinə zərər çəkən sahələrin müəyyən edilməsi üçün üç gün ərzində zəruri meyarlara və tətbiq ediləcək vahid yanaşma metodikasına dair təkliflərin hazırlanması tapşırılıb.

Qeyd edək ki, İşçi Qrupun üzvləri sırasına Maliyyə, Əmək və Əhalinin Sosial Müdafiəsi, Kənd Təsərrüfatı, Mədəniyyət, Energetika, Nəqliyyat, Rabitə və Yüksək Texnologiyalar, Ekologiya və Təbii Sərvətlər nazirlərinin müavinləri, Qida Təhlükəsizliyi Agentliyi, Dövlət Turizm Agentliyi, Dövlət Gömrük Komitəsi, Dövlət Statistika Komitəsi, Mərkəzi Bank və digər mərkəzi icra hakimiyyəti orqanlarının rəhbər şəxsləri və sahibkarların ictimai birliklərinin nümayəndələri daxildir.

30 Mart 2020 Kommunal xidmətlər və bank kreditləri dondurula bilər — DEPUTATDAN TƏKLİF
23 Mart 2020 “Sədərək”də sahibkarlar yer pulundan azad olundu
19 Mart 2020 Azərbaycan banklarının fəalliyəti sabahdan DAYANDIRILIR — SON DƏQİQƏ!
19 Mart 2020 Azərbaycanda “Qarabağ” neft yatağının kəşf olunduğu təsdiqlənib
18 Mart 2020 Azərbaycana gətirilən avtomobillərin sayı açıqlandı
17 Mart 2020 Neftin qiyməti bahalaşdı
16 Mart 2020 Manatla bağlı Mərkəzi Bankdan təcili xəbər: Manatın real effektiv məzənnəsi bahalaşdı
16 Mart 2020 Bu banklardan dolları rahat ala bilərsiniz – SİYAHI
16 Mart 2020 Azərbaycan nefti 18 dollar ucuzlaşdı
16 Mart 2020 “Amerika iqtisadiyyatı asqıranda, Avropa iqtisadiyyatı sətəlcəm olur” — Elman Rüstəmov
14 Mart 2020 Bakı-Tbilisi qatarlarının səfərlərinə müvəqqəti məhdudiyyət qoyuldu
13 Mart 2020 Bakıda dollar ajiotajı – Banklardan reportaj
13 Mart 2020 Bu müəssisələr vergidən azad edildi
12 Mart 2020 Bakı mağazalarında durum — Vitrinlər boşala bilərmi?
12 Mart 2020 “İqtisadiyyatımızın xarici şoklara qarşı güclü maliyyə immuniteti mövcuddur” — Mikayıl Cabbarov
11 Mart 2020 Azərbaycan əhalisinə benzinin qiyməti ilə bağlı — VACİB XƏBƏR!
11 Mart 2020 Elman Rüstəmov dollarla bağlı əhaliyə müraciət etdi — VİDEO
10 Mart 2020 Azərbaycanda yeni DOLLAR BÖHRANI BAŞLADI - Mərkəzi Bank bütün banklara LİMİT QOYDU
10 Mart 2020 “Panikaya düşüb, əlinizdəki qəpik-quruşu dollara dəyişməyə tələsməyin” – İqtisadçı-ekspert
10 Mart 2020 Mərkəzi Bankdan təcili valyuta satışı açıqlaması
10 Mart 2020 Mehriban Əliyevanın tapşırığı ilə Goranboyda məktəb tikilir – FOTO
10 Mart 2020 Banklarda səhər tezdən dollar alveri: “Yoxdur, satılıb” – MÜŞAHİDƏ
10 Mart 2020 Türkiyə Azərbaycana avtomobil ixracını artırıb
05 Mart 2020 Prezident yol tikintisinə beş milyon manat ayırdı
05 Mart 2020 Azərbaycanda ərzaq problemi ola bilərmi?
04 Mart 2020 Tovuzda “ASAN Həyat” kompleksi istifadəyə verildi
04 Mart 2020 “Ağstafa” elektrik yarımstansiyasının yenidənqurmadan sonra açılışı olub
29 Fevral 2020 Prezident bu ASC-yə 1,4 milyon manat ayırdı — SƏRƏNCAM
28 Fevral 2020 Prezident yeraltı piyada keçidinin açılışında – FOTOLAR
21 Fevral 2020 Bakı-Sumqayıt yolu 3 aya təhvil veriləcək