“Milli komandaya görə təəssüf hissi keçirmişəm, amma utanmamışam”“3 D” verilişinin növbəti qonağı AFFA-nın baş katibi Elxan Məmmədov olub.

“Ölkə.Az” xəbər verir ki, Dadaşlinski əvvəl “AVRO 2020”ni Bakıda keçirilməsini təşkil etdikləri üçün Məmmədova minnətdarlığını bildirib.

Daha sonra o, AFFA-nın baş katibi ilə futboldakı vəziyyəti müzakirə edib.

“İlk dəfə Azərbaycan 1996-cı ildə Avropa seçim turlarında iştirak edib və 1 xalla oradan ayrılıb. 2019-cu ildə də komanda seçim turlarından 1 xalla ayrıldı. Sizcədə futbolumuz eyni dairə üzrə hərəkət etmirmi, irəli getmirik?”- sualına E. Məmmədovun cavabı belə olub:

“Ümumiyyətlə, futbol elə bir idman növüdür ki, heç kim gələcək nəticələri öncədən deyə bilməz. Ancaq onu da bildirim ki, komandamızın seçim turunda göstərdiyi nəticə ürək açan deyil, bunu bilirəm. Bu yaxınlarda iclasımız olacaq, baş məşqçidən də hesabat gözləyirik. Buna görə də AFFA  son qərarını iclasdan sonra qəbul edəcək. Bir də təkrarlayıram ki, biz bu nəticə ilə heç də razı deyilik. Ancaq onu da vurğulayım ki, komandamız son illərdə rekord xallar da qazanıb, 9-10 xalımız olub”.

Məmmədov aparıcının uşaq futbolunun inkişafı barəsində sualını da cavablandırıb: 

“Uşaq futbolu üçün süni meydançalarımız yoxdur, təbii meydançada isə bunu etmək mümkün deyil. Çünki həftədə 3-4 məşqə təbii meydança yararsız vəziyyətə düşə bilər”.

Növbəti dəfə “Bildiyimizə görə, AFFA Berlin şəhərində futbol məktəbi açmışdı. Bərdədə, Yevlaxda deyil, düz Berlində. Bu nə məqsəd daşıyırdı? Ən əsas ora nə qədər sərmayə qoyulmuşdu? İşin nəticəsi necə oldu?”- sualı ilə Dadaşlinski baş katibə müraciət edib.

“Bizim məqsədimiz orada yaşayan azərbaycanlı uşaqları, o məktəbə cəlb etmək idi. Bu ən çox orada Azərbaycanı təmsil etmək idi. Bunun üçün 100.000 manat xərclənib””, - deyə baş katib bildirib.

“Heç olub ki, Elxan müəllim milli komandaya görə utanıb?” sualına isə Məmmədov “Yox, təəssüf hissi keçirmişəm, amma utanmamışam”,- cavabını verib.

Baş katib Slovakiyanın futbol mütəxəssisi Vladislav Yurkeviçin milli komanda haqqında dediyi “Uzun zamandır Azərbaycan komandası kimi zəif komanda görməmişəm, necə olur ki, bir komanda fasiləyə qədər oyun meydançasının mərkəzini keçə bilməsin? Azərbaycan yığmasının oyunçuları, futbolçu yox turistdirlər” sözlərinə də aydınlıq gətirib.

“Bunu o, oyundan sonra deyib. Çünki, bizim o oyunda itiriləcək heç nəyimiz yox idi. Ona görə, biz müdafiə futbolu oynadıq. Slovakiya yəqinki, bizdən hücum futbolu gözləyirdi”.

“Əgər biz futbolda nəticə göstərə bilmiriksə, yeni nəsil yetişmirsə, bəlkə etiraf edək ki, “Futbol bizimki deyil?” sualına isə “Klubların sayı birbaşa iş adamlarından asılıdır. Onlar yeni klublar yaratmalıdırlar. Siz bu sualla onlara müraciət edin”, deyə bildirib.

Dadaşlinskinin “Qurban Qurbanovun millidən getməsinin birbaşa səbəbkarı kimi sizi göstərirlər, bu barədə nə deyə bilərsiniz?”- sualına isə baş katib “Düzü bilmirəm niyə məni buna səbəb göstərirlər. Mən hər zaman ona dəstək olmuşam. Qurban Qurbanova klubdan təklif gələndə əvvəl ikisində də fəaliyyət göstərirdi. Lakin bunlar fərqli sahələr olduğu üçün AFFA qərar verdi ki, o, işini ”Qarabağ”da davam etdirsin və biz də baxaq fəxr edək. Hər zaman demişəm mənim Qurban müəllimə böyük hörmətim var. Ona bütün şərait yaradılmışdı”.

O, Rəşad Sadıqovun U-21-də baş məşqçi təyinatından da danışıb. Məmmədov bildirib ki, Sadıqov baş məşqçi təyin olunanda həm də futbolçu kimi karyerasına davam edirdi. Ona görə, iki işi bir arada görə bilmədi.

“Məni hər zaman süni tənqid edirlər, subyektiv tənqidə mən razıyam. Bizə qarşı müxtəlif kampaniyalar yaradırlar”,- deyə o, bildirib.

Sonda Elxan Məmmədov “Bir futbol federasiyasının nə qədər uğursuzluqları olmalıdır ki, rəhbərlik istefa versin?” sualına  “AFFA- nın rəhbərliyini seçən Azərbaycan futbol ictimaiyyətidir. Qərarı onlar verib. Təssüflər olsun ki, AFFA-nın bütün işini milli komanda ilə bağlayırlar. Bizim böyük uğurlarımız da olub”,- deyə bildirib.

28 Mart 2024 Juninyo Fransa klubu ilə razılaşıb? - Foto
28 Mart 2024 Əgər dünya kubokunu qazanmasaydım... - Messi
27 Mart 2024 Millimizin AÇ-nin seçmə mərhələsi üçün heyəti...
26 Mart 2024 UEFA “Qarabağ”ın futbolçusunu cəzalandırdı
26 Mart 2024 Musa Qurbanlı “Qarabağ”a qayıdır? – Özü açıqladı
26 Mart 2024 Şahruddin: Heç kimdən zəif olmadığımızı göstərdik
26 Mart 2024 "Spartak" da Qurban Qurbanovu istəyir
25 Mart 2024 EPL-in ən yaxşı mərkəz müdafiəçiləri açıqlandı
23 Mart 2024 24 yaşlı futbolçu məşq zamanı öldü
23 Mart 2024 Terrora görə "Neftçi"nin oyunu ləğv olundu
21 Mart 2024 Rəsmi Bakıdan Fransaya: Daxili işlərimizə qarışmayın!
21 Mart 2024 Əfsanəvi futbolçuya 9 il həbs verildi
20 Mart 2024 Alveş 1 milyon avro müqabilində azadlığa buraxıldı
20 Mart 2024 Futbolda ofsayd qaydası dəyişdirilə bilər
19 Mart 2024 Yeni idman kanalına lizensiya verildi
19 Mart 2024 Rövnəq Abdullayevin bu vəzifəsini heç kim istəmir
19 Mart 2024 Qurbanovla maraqlanan “Beşiktaş” qərarını verdi
18 Mart 2024 AFFA 4 nəfəri futboldan ömürlük uzaqlaşdırdı
18 Mart 2024 "Qarabağ"ın baş məşqçisi cəzalandırıldı
18 Mart 2024 “Qarabağ” son 25 ilin rekordunu təzələdi
16 Mart 2024 Qurban Qurbanov millidən "yola salınanda"...
16 Mart 2024 “Qarabağ” “Betis”ə çatdı
15 Mart 2024 AL-nin püşkü atıldı: “Bayer”in rəqibi...
15 Mart 2024 Qırmızı vərəqəyə görə Elvinə irad bildirmək... - Qurbanov
15 Mart 2024 ÇL: 1/4 finalın püşkü atıldı
15 Mart 2024 “Qarabağ” Vətənə qayıtdı: belə qarşılandı - Video
15 Mart 2024 Qurbanov tarixi oyunu şərh etdi: Sübut etdik ki...
14 Mart 2024 Bütün çempionlar uduzur... - "Qarabağ"ın prezidenti
14 Mart 2024 “Traktor” Tehran komandasını məğlub etdi
13 Mart 2024 Seçkilərdən sonra Putini gözləyirik - Ərdoğan