Son xəbərlər

 
Vilyam Hacıyev həbsdən müqavimətə başlayıb
Bakı Apelyasiya Məhkəməsində İmişli Rayon İcra Hakimiyyətinin sabiq başçısı Vilyam Hacıyevin barəsində verilmiş həbs-qətimkan tədbirinin dəyişdirilməsi ilə bağlı şikayətə baxılıb.

Hakim Namiq Məmmədovun sədrliyi ilə keçirilən prosesdə sabiq icra başçısının şikayəti təmin edilməyib və Səbayel Rayon Məhkəməsinin qərarı dəyişdirilmədən saxlanılıb.

Hacıyev mayın 5-də DTX əməkdaşlarının keçirdiyi əməliyyat zamanı saxlanılıb. Mayın 6-da prezident İlham Əliyev onun İmişli Rayon İcra Hakimiyyətinin başçısı vəzifəsindən azad edilməsi barədə sərəncam imzalayıb. Mayın 6-da Səbayel Rayon Məhkəməsində V.Hacıyev barəsində 4 ay müddətinə həbs-qətimkan tədbiri seçilib.

Qeyd edək ki, V.Hacıyev icra hakimiyyətinin sərəncamında olan vəsaitlərin sosial yardım adı altında bir hissəsini ələ keçirməkdə,  vəzifə səlahiyyətlərindən sui-istifadə və rüşvət almaqda şübhəli bilinir.

Axtarış  zamanı onun rayon icra hakimiyyətinin baş mühasibi Cəmil Musayev və başqaları vasitəsilə qəbul etdiyi pul vəsaitlərinin məbləğlərinə dair müxtəlif qeydlər, habelə ayrı-ayrı valyutalarda xüsusi qaydada qablaşdırılaraq saxlanılan pul vəsaitləri, iş üzrə əhəmiyyət kəsb edən digər sənədlər və maddi sübutlar aşkar edilib.  Həmçinin V.Hacıyevin rayon ərazisində təmir-tikinti, abadlıq işlərinə, habelə İmişli Rayon İcra Hakimiyyətinin yeni inzibati binasının tikintisinə ayrılan dövlət vəsaitlərinin müəyyən hissəsinin müntəzəm nağdlaşdıraraq mənimsəməsinə dair əsaslı şübhələr müəyyən edilib.

Bundan başqa, tabeçiliyində olan vəzifəli şəxslər vasitəsilə yerli icra hakimiyyəti və digər dövlət orqanlarının vəzifəli şəxslərindən, eləcə də rayon ərazisində fərdi sahibkarlıq fəaliyyəti ilə məşğul olan vətəndaşlardan müxtəlif adlar altında pul vəsaitləri tələb edərək almasına dair ittihamlar yer alır.

V.Hacıyevə verilən ittihamlar ağır olsa da, o, barəsində verilən qərara qarşı açıq etiraz mövqeyi tutub. İndiyədək həbs edilən sabiq icra başçılarından heç biri onlar barəsində çıxarılan həbs qərarına etiraz etməyiblər. Hər halda, belə bir fakt varsa da, mediaya sızmayıb. V. Haciyev isə evindən çıxan paçkalarla pula, rüşvət alması ilə bağlı əməliyyat çəkilişinə rəğmən barəsində hələ məhkəmə qərarı çıxarılanda buna etiraz etmişdi.

Belə ki, V. Hacıyevin barəsində həbs-qətimkan tədbiri seçilməsi üçün istintaq orqanının təqdimatına baxılarkən məhkəmə binasının qarşısında sabiq icra başçısını ailə üzvləri gözləyib. İclas başa çatandan sonra Dövlət Təhlükəsizliyi Xidmətinin əməkdaşları V. Hacıyevi məhkəmə binasından çıxarıb, maşına mindirərkən sabiq icra başçısı onu gözləyən ailə üzvlərini görüb. Binadan çıxarılıb maşına mindirilənə qədər bir neçə saniyə ərzində oğluna və həyat yoldaşına bunları deyə bilib: “Hər şey yaxşı olacaq. Bu günlər keçəcək. Haqq yerini tapacaq...” Bunlar istənilən bir adamın əli qandallı olarkən ailə üzvlərinə deyə biləcəyi sözlərdir. Amma V.Hacıyev həmin kateqoriyaya aid təqsirləndirilən şəxs deyil.

Əvvəla, onun suçlu olması ilə bağlı kifayət qədər faktlar toplandıqdan sonra DTX əməliyyat  qərarı verib. Yəni faktlar ortadadır. İkincisi,  bütün bu görünən sübutlara, tapılan külli miqdarda pullara baxmayaraq, sabiq icra başçısı özünün haqsız yerə cəzalandırıldığını düşünür.  Onun  “Haqq yerini tapacaq...” sözlərinin başqa izahı yoxdur. Nəhayət, V.Hacıyev bu düşüncəsinin davamı olaraq barəsindəki qərarın dəyişdirilməsini (və ya ləğvini) istəyir. Bu, artıq  V.Hacıyevi həbsdə olan digər sabiq məmurlardan  fərqləndirir, seçdirir. Bu halda, ortaya çox təbii bir sual çıxır: Vilyam Hacıyev  niyə müqavimət göstərir və  kimə arxayındır?

Əlbəttə ki, hər bir təqsirləndirilən şəxs barəsindəki qərarlardan şikayət verə bilər və bu, onun istisnasız  hüququdur. Amma yenə qeyd edirik ki, söhbət adi həbsdən deyil, Prezidentin birbaşa nəzarətində olan cinayət işindən gedir.  V.Hacıyev kimə arxayındır ki, şikayəti verir, suçsuz olduğunu  göstərməyə çalışır və sairə... Bu yerdə şəxsən bizim mediaya təqdim edəcək heç bir versiyamız yoxdur. Amma xatırladacaq bir mühüm  detal var. Prezident icra başçılarının həbsindən  danışarkən onların kimlərinsə köməyinə arxayın olduğunu tez-tez xatırladır. Və dəfələrlə qeyd edir ki, həm həbsdə olanlar, həm bəzi özünü  yığışdırmayan məmurlar heç kimə arxayın olmasınlar, çünki  heç kimə belə şans verilməyəcək.  Bu mənada  V.Hacıyevin  həbsdən müqavimətinin mənası da qalmır, amma o isə...(musavat.com)

03 İyun 2020 Bakıda güclü YANĞIN BAŞLADI — SON DƏQİQƏ!
03 İyun 2020 Daha bir neçə vəzifəli şəxs barəsində cinayət işi açıldı
03 İyun 2020 Azərbaycanda icra nümayəndəsinin oğlu heroinlə tutuldu – FOTO
03 İyun 2020 Gömrükdə “yemiş” əməliyyatı — Yarım tondan çox narkotik ələ keçirildi - VİDEO
03 İyun 2020 AzTV-də koronavirus həyacanı - Karantinə alındı — SON DƏQİQƏ!
03 İyun 2020 Zakir Qaralovun qardaşına cinayət işi açıldı
03 İyun 2020 34 yaşlı kişi ondan ayrılmaq istəyən arvadını yataqda öldürdü — Gəncədə dəhşətli qətl
03 İyun 2020 Mehmanın vəziyyəti ilə bağlı SON XƏBƏR
03 İyun 2020 Göyçayda zəncirvari qəza — Xəsarət alanlar var - FOTO
02 İyun 2020 Sabah Bakıda 32 dərəcə isti olacaq
02 İyun 2020 Nikol koronaya Azərbaycanda yoluxub – Video
02 İyun 2020 Qadının gizli mesajları üzə çıxdı: "Halalımsan, sevgilimsən..." — BAKIDAKI DƏHŞƏTLİ CİNAYƏTİN ŞOK TƏFƏRRÜATI-VİDEO
01 İyun 2020 Nərmin olayıyla bağlı ŞOK DETALLAR — GECƏ QƏBRİNİ... - VİDEO
01 İyun 2020 Bakıda etiraz aksiyası keçirilir — SON DƏQİQƏ
01 İyun 2020 Azərbaycandaa yüksək vəzifəli şəxs VƏFAT ETDİ
01 İyun 2020 Şəhəri qarışdıran ayı hansı məmur villasından qaçıb? — İDDİA
01 İyun 2020 Azərbaycanda ana və qızı amansızlıqla qətlə yetirildi — FOTO
30 May 2020 SON DƏQİQƏ! Azərbaycanda yüksək vəzifəli şəxs bıçaqlandı — Vəziyyəti ağırdır
30 May 2020 İcra başçısının biznesinə nəzarət edən "Fedya" qəzada öldü — FOTO
30 May 2020 Şimşək çaxacaq, dolu düşəcək — Sabahın HAVASI
29 May 2020 Hava kəskin dəyişəcək – XƏBƏRDARLIQ
29 May 2020 Baş redaktorun anası koronavirusdan vəfat etdi
29 May 2020 Hacıqabulda “Yura” ləqəbli narkotacir tutulub
29 May 2020 Qubada avtomobil dərəyə aşıb — Bir nəfər ölüb
29 May 2020 Bu gün 37 dərəcə isti olacaq
27 May 2020 XAÇMAZDA DƏHŞƏT-35 yaşlı kişini diri-diri yandırdılar
27 May 2020 Sabah 35 dərəcə isti olacaq
27 May 2020 Bakıda qadın sürücü 6 qat dünya çempionu olan polisi xəstəxanalıq etdi
27 May 2020 Azərbaycanda zəlzələ oldu
27 May 2020 Ata dilənmək istəməyən oğlunu başından bıçaqladı — BAKIDA DƏHŞƏT - FOTOLAR