Son xəbərlər

Ruhi Əliyeva qazi Elçin Səmədovun evinə getdi

Azərbaycanın tanınmış iş xanımı, "Liatris Holding"in rəhbəri Ruhi Əliyeva qazimiz Elçin Səmədovun yaşadığı Qəbələ şəhərinə gedərək onunla görüşüb.

 

"Qafqazinfo" xəbər verir ki, Ruhi Əliyeva qazi ilə görüşü haqda deyib: "Suqovuşan kəndində baş verən döyüşlər zamanı böyük qəhrəmanlıq göstərərək ağır yaralanmış qazimiz Elçin Səmədovun yaşadığı Qəbələ şəhərinə gedərək onunla görüşdüm. Elçinin səhhətində olan problemlər məni çox narahat etdiyindən onun müalicəsini həyata keçirməyi özümə mənəvi borc bildim. Hər daim Elçinin və Qəbələ şəhərindəki digər qazilərimizin yanında olan Qəbələ rayon İcra Hakimiyyəti başçısı Səbuhi müəllimin (Səbuhi Abdullayev red.) və onun müavini Arif (Arif Allahverdiyev red.) müəllimin qazimizə olan doğma münasibəti və qayğısı məni çox sevindirdi. Dövlətimiz hər zaman olduğu kimi daim hər bir qazimizin və şəhid ailəsinin yanındadır".
 
Ruhi Əliyeva deyib ki, Elçinin sağlamlığına qovuşması üçün əlindən gələn hər şeyi edəcək: "Cənab Prezidentin bu sahədə verdiyi tapşırıqlar ən yüksək səviyyədə icra olunur. Elçinə Qəbələ şəhərinin mərkəzində 3 otaqlı mənzilin verilməsi, həmçinin ailəsinə maddi yardımların edilməsi də məni çox sevindirdi. Mən də bir Azərbaycan vətəndaşı kimi üzərimə düşən vəzifəni sonadək yerinə yetirəcəm. Mənim üzərimə düşən vəzifə isə Elçinin tez bir zamanda sağlamlığına qovuşmasına yardım etməkdir. Lakin bir faktı da nəzərinizə çatdırıram ki, Elçinin hərbi qulluqçu olmasını nəzərə alınaraq, onun müalicəsi özünəməxsus şəkildə aparılmalıdır.
 
Onun ətraflı müayinəsi və müalicəsi əvvəlcə Silahlı Qüvvələrin Baş Hərbi Klinik Hospitalında aparılacaq. Elçinin müalicəsinə dəstək olmaq üçün Qəbələ rayon İcra Hakimiyyəti rəhbərliyi və Elçinin ailə üzvləri tərəfindən mənə zəruri şərait yaradılmağından çox məmunam. Onun müalicəsi zamanı hərbi həkimlərlə bərabər, mülki xəstəxanalardan da ən yaxşı həkimlərin müalicə prosesinə cəlb edilməsi təmin ediləcək.
 
Hərbi Hospitalda müalicə kursu tam başa çatdıqdan sonra isə Elçinin ölkə daxilində ən yaxşı özəl xəstəxanalarda və xaricdə müalicəsi həyata keçiriləcək. Sağlamlığını bizlər üçün düşünmədən fəda edən Qazimiz Elçin Səmədov tam sağlamlığına qovuşanadək əlimdən gələni əsirgəməyəcəm. Allah Elçini xoşbəxt etsin".

Azərbaycanın Milli Qəhrəmanı Allahverdi Bağırovun məzarının yeni görüntüləri yayılıb.

Axar.az xəbər verir ki, onun məzarının üzərinə Azərbaycan bayrağı çəkilib, baş daşını əvəz edən lövhədə Allahverdi Bağırovun fotosu yenilənib və adı və soyadı latın qrafikasında yenidən yazılıb.

Qeyd edək ki, A.Bağırov 12 iyun 1992-ci ildə şəhid olub və Ağdam Şəhidlər Xiyabanında dəfn edilib.

Hərbçilərimiz Ağdam rayonununda məşhur xanəndə Səxavət Məmmədovun qəbrini tapıblar.

Kult.az xəbər verir ki, bu barədə sosial şəbəkələrdə videogörüntülər yayılıb.

Qeyd edək ki, Səxavət Məmmədov 1953-cü ildə Ağdam rayonunun Abdal-Gülablı kəndində anadan olub. 1971-ci ildə Asəf Zeynallı adına Musiqi Texnikumununa daxil olan Səxavət ustad xanəndə, xalq artisti Hacıbaba Hüseynovdan dərs alıb.

1976-cı ildə “Hümayun” xalq ansamblının solisti olub. Yaratdığı “Qarabağ” instrumental ansamblı isə xanəndənin şah əsərlərindən biri kimi bu gün də yaşayır.

S.Məmmədov 30 sentyabr 1991-ci ildə avtomobil qəzasında dünyasını dəyişib.

 
İsmayıllı məktəbinin müəllimi də şəhid olub

İsmayıllı şəhəri 3 nömrəli məktəb-liseyin tarix müəllimi Famil Əhmədzadə Talış-Suqovuşan istiqamətində gedən döyüşlərdə qəhrəmanlıq göstərərək şəhid olub.

“Qafqazinfo” Təhsil Nazirliyinə istinadən xəbər verir ki, o, 1997- ci ildən sözügedən məktəbdə pedaqoji fəaliyyətlə məşğul olub. F. Əhmədzadənin təşəbbüsü ilə məktəbdə tarix-diyarşünaslıq muzeyi yaradılıb.  

Təhsil Nazirliyinin rəhbərliyi və kollektivi şəhidimizə Allahdan rəhmət diləyib, yaxınlarına dərin hüznlə başsağlığı verib.

 

Xatırladaq ki, nazirlik ötən gün Gəncə şəhərində tarix müəllimi işləyən Rəşad Məmmədovun da Füzuli istiqamətində döyüşlərdə şəhid olduğunu açıqlamışdı.

Gülnar Əliyeva

 


 
Elçin Quliyev: “Ermənistanla sərhəddə mövqelərimiz 1700 metrə qədər irəli çıxarılıb”

Ermənistan silahlı bölmələrinin sərhədboyu ərazidə təxribatlarının, həmin bölmələrin dəfələrlə öz döyüş mövqelərini dövlət sərhədinə doğru irəli çəkmə cəhdlərinin qarşısı qətiyyətlə alınıb.
Bu barədə Dövlət Sərhəd Xidmətinin (DSX) rəisi, general-polkovnik Elçin Quliyevin “Azərbaycan” qəzetində dərc edilən məqaləsində qeyd olunub.

Həmin məqalədə cavab tədbirləri nəticəsində dövlət sərhəd xəttinə iki min metrə qədər məsafədə olan bir çox mövqelərimizin 1500-1700 metr irəli çıxarılması yaxınlıqdakı yaşayış məntəqələrimizin və magistral yolların, həmçinin şəxsi heyətin təhlükəsizliyini artırmağa, strateji cəhətdən əlverişli istiqamətlərdə yeni sərhəd döyüş məntəqələrinin yaradılmasına imkan verdiyi qeyd olunub:

“Eyni zamanda düşmənin yaşayış məntəqələrinə, magistral yollarına və strateji əhəmiyyətli obyektlərinə nəzarət imkanları artırılıb. Mühəndis işləri görən silahsız sərhədçilərimizə və mülki şəxslərə qarşı silah tətbiq etməkdən çəkinməyən namərd düşmənin bütün təxribatlarına sərhədçilərimiz tərəfindən layiqli cavab verilib, atəş nöqtələri susdurulub, hərbçiləri məhv edilib, düşmənin 5-6 qat artıq tələfat verməsinə nail olunub.

Ali Baş Komandanın Azərbaycan sərhədçisinə etimadının göstəricisi olaraq Ermənistan ilə dövlət sərhədinin Qazax və Ağstafa rayonlarının ərazisindən keçən hissəsinin Dövlət Sərhəd Xidməti tərəfindən mühafizəyə götürülməsi dövlət sərhədlərinin bütövlüyünün təmin edilməsinin başlanğıcı olmaqla yanaşı, Lələtəpədən başlamış zəfər yürüşünün davamıdır”.

Tovuzda düşmən təxribatı
12 iyul təxribatı zamanı adekvat cavab tədbirlərindən dərs çıxarmayan düşmən silahlı qüvvələri Ermənistan-Azərbaycan dövlət sərhədinin Tovuz rayonu istiqamətində növbəti dəfə təxribata əl atıb.

Baku TV xəbər verir ki, Ağdam kəndində dinc sakinlər və yaşayış məntəqələri atəşə tutulub.

İriçaplı silahlardan atılan mərmilər evlərə ciddi ziyan vurub. 

Kənd sakini Minayə Qasımovanın evi davamlı atəşə tutulduğundan daha çox ziyan çəkib. 

Erməni silahlı birləşmələri avqustun 17-də, səhər saatlarında da təsərrüfat işləri ilə məşğul olan kənd sakinlərini atəşə tutub.

Ordumuz düşmənə adekvat cavab verib və cəza tədbirləri görülüb. Düşmənin atəş nöqtələri susdurulub. 

Ümumilikdə cəbhəboyu ərazilərdə əməliyyat şəraiti ordumuzun nəzarəti altındadır.

Müdafiə Nazirliyi cəbhədəki son vəziyyət barədə məlumat yaydı

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən də istifadə etməklə, sutka ərzində atəşkəs rejimini 30 dəfə pozub.
Bu barədə Müdafiə Nazirliyi məlumat yayıb.
Bildirilib ki, Ermənistan Respublikası Berd rayonunun Çinari kəndində yerləşən mövqelərdən Tovuz rayonunun Ağdam kəndində yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Yarımca, Ağdam rayonunun Mərzili, Xocavənd rayonunun Kuropatkino, Füzuli rayonunun Aşağı Veysəlli, Qorqan, Horadiz kəndləri yaxınlığında, həmçinin Goranboy, Tərtər və Ağdam rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

Ermənistan silahlı qüvvələrinin Tovuzun Ağdam kəndi istiqamətindəki təxribatından bir ay ötür.

Həmin döyüşlər zamanı adekvat tədbirlər nəticəsində düşmənə zərbə endirilib və erməni silahlı qüvvələri yüzlərlə itki verərək geri otuzdurulub.

Bu döyüşlər nəticəsində Azərbaycan ordusunun generalı, polkovniki və bir neçə hərbçisi şəhid olub.

“Qafqazinfo” Tovuz döyüşləri zamanı şəhid olan qəhrəmanlarımızın xatirəsinə həsr olunan video hazırlayıb.

Murad Əhməd

Nuran Məmmədov

Qəlblərdə əbədi yaşayan şəhidlər...Şəhidlər bizim fəxrimiz, onların uyuduğu Vətən torpağı isə and yerimizdir. İllər keçsə də, nəsillər bir-birini əvəz etsə də qəhrəmanlıqları ilə dastan yazan şəhidlərimiz, torpaq uğrunda canından keçən oğul və qızlarımız heç vaxt unudulmayacaq. Onların əziz xatirəsi daim qəlbimizdədir. Demək olar ki, hər rayonda, hər kənddə şəhidlərimizin xatirəsinə bir abidə, bir xiyaban var. Söhbət açacağımız belə məkanlardan biri də Tovuzun Əyyublu kəndidir. Düşmən təxribatlarından bir ay keçməsinə baxmayaraq, tez bir müddətdə bu kənddə şəhidlər üçün abidə qoyulub. Abidəyə həkk olunan "Şəhidlər ölməz, Vətən bölünməz" sözləri isə hər bir tovuzlunun qürurla səsləndirdiyi ifadəyə çevrilib.

"Ölkə.Az" AZƏRTAC-a istinadən bildirir ki, Tovuz rayonunun ən böyük kəndi olan Əyyubludakı xiyaban indi insanların tez-tez ziyarət etdiyi məkanlardan birinə çevrilib.

İyul şəhidlərimizin əzəmətli fotoları parkın girəcəyinə yerləşdirilib. Kənd ağsaqqalı, ziyalı 89 yaşlı İsa Cavadoğlu düşmənin iyul təxribatı günlərini xatırlayaraq deyib ki, indiyədək insanlarda belə yüksək əhval-ruhiyyənin şahidi olmamışdı. Vətənə bağlılıq, ordu-xalq birliyi insanları bir amal ətrafında cəmləmişdir. "Yaşlı nəsldən tutmuş yeniyetmələrə qədər hamı döyüşə getməyə can atırdı. Xalq öz ordusuna güvənir, onun arxasında elə dayanmışdı ki, bunu sözlə təsəvvür edə bilmirəm", - deyə Tovuz ziyalısı əlavə edib.

Əyyublu kənd sakini, tarix müəllimi Alim Sarıyev bildirib ki, Azərbaycanın qədim dövlətçilik ənənələri var. Bu, özünü bir daha Tovuz döyüşlərində də göstərdi. Xalqımızın döyüş ruhu yüksək səviyyədədir. Ordumuz bir daha sübut etdi ki, torpaqlarımızı azad etməyə hər an hazırdır. Döyüşlərin getdiyi ərəfədə qonşu dövlətlərdən, qardaş Türkiyədən, Pakistandan və başqalarından gördüyümüz mənəvi dəstək də bizi hədsiz sevindirdi".

Ərazidə aparılan yenidənqurma işləri yerli sakinlərin də ürəyincə olub. Sakinlərlə söhbət zamanı onların ümumi fikri bu oldu ki, ordumuzun müasir silahları, texnikaları, peşəkar heyəti iyul təxribatı zamanı düşməni qorxuya salıb. Düşmən indi 30 il əvvəlki ordu ilə üz-üzə dayanmadığını çox yaxşı anlayır.

Taktiki təlimlərin birinci mərhələsi Quru Qoşunları bölmələrinin iştirakı ilə davam edirAzərbaycan-Türkiyə birgə genişmiqyaslı döyüş atışlı taktiki təlimlərinin birinci mərhələsi Quru Qoşunları bölmələrinin iştirakı ilə davam edir.

Müdafiə Nazirliyinin mətbuat xidmətindən verilən məlumata görə, bu mərhələdə Quru Qoşunlarının bölmələri mürəkkəb taktiki elementləri məşq ediblər.

Bölmələr müasir döyüş vasitələrindən istifadə edərək, şərti düşmən hücumunun dəf edilməsi tapşırıqlarını yerinə yetiriblər.