Respublikamızın cənub mirvarisi , cənnətməkan Astara  rayonuna növbəti səfərim

ölkəmizdə və dünyada baş verən məlum hadisə - COVİD -19 , Koronavirusla bağlı idi. Səfər əsnasında sevinc və kədər hissləri bir- birini əvəz edirdi. Ölkə rəhbəri Cənab İlham Əliyevin layiqli kadrı , rayonun  İcra başçısı Qəzənfər  Ağayevin rəhbərliyi altında görülən işlər , göz oxşayan gözəlliklər ,səliqə -sahman , tikinti – quruculuq , sosial –infrastrukturun yenilənməsinə dair silsilə işlər bir ayrı yazının mövzusu olmaqla insana fərəh və sevinc gətirir.

     Lakin bu səfərimin başlıca mövzusu mövcud olan vəziyyətlə  əlaqədar operativ və tam gerçəkliyi əks etdirən bir məlumat toplamaq idi. Səhiyyə Nazirliyinin 27 yanvar 2020 – ci il tarixli 3 saylı “Yeni COVİD- 19 , Koronavirus xəstəliyinə “ qarşı profilaktik tədbirlərin gücləndirilməsi barədə əmri verilən gündən yüksək  səviyyədə yerinə yetirilirdiyini  tam əminliklə söyləyə bilərəm. Belə deməyə  rayonda gördüyüm , şahidi olduğum hadisələr əsas verir.  Öncə onu qeyd etmək istərdim ki ,  məlum vəziyyət rayon rəhbərliyinin tam nəzarəti altındadır. Rayon ərazisində sanitar – maarifləndirmə , profilaktik dezinfeksiya işləri layiqincə , ən yüksək səviyyədə  həyata keçirilir. Xəstəliyin profilaktikası üçün   sərhəddə çeşidlənmiş  59 çadır  qurulub.  3 çadır yeməkxana , 3 çadır mobil hospital kimi fəaliyyət göstərir.

     
     
     

     Virusun tüğyan etdiyi İranla sərhəd Аstara rayonunda başladılan pilot layihənin həyata keçirilməsində ən başlıca  vəzifə,  məsuliyyət rayonun Gigiyena və Epidemiologiya Mərkəzinin üzərinə  düşür. Rayonun Gigiyena və Epidemiologiya Mərkəzinin direktoru Natiq Əliyevlə əlaqə saxlamaq cəhdimiz heç cür baş tutmadı. Gərgin iş rejimində işləyən Natiq həkimi mərkəzdə tapmaq mümükün deyil . Onun  , gah sərhəddə yaradılan karantin müfəttişliyində , gah da ayrı- ayrı profilaktik tədbirlərin həyata keçirildiyi ərazilərdə , kəndlərdə , qəsəbələrdə , ayrı- ayrı idarə , müəssisə və obyektlərdə  olduğundan xəbər verdilər . Həkimlə yalnız telefon əlaqəsi yarada  bildik. O , bildirdi ki , rayonda vəziyyət stabildir , tam nəzarət altındadır . Xüsusi olaraq qeyd etdi ki ,  bütün bunlar Səhiyyə Nazirliyinin və rayon rəhbərliyinin düzgün qurduğu işin ,   ciddi nəzarətin  , yüksək məsuliyyətinin nəticəsidir.   Ümumiyyətlə rayon ərazisində 64 orta ümumtəhsil məktəbi , 1 pedoqoji kollec , 16 uşaq bağçası , 32 məscid , 45- dən çox idarə - müəssisə  və obyektlərdə iki dəfə dezinfeksiya işləri aparılmış , artıq 3-cü dəfəyə start verilmişdir.

      Xüsusən qeyd etmək istədiyim bir məqam isə , heç yerdə olmayan bir haldır ki , onun da müəllifi  GEM –in direktorudur .Məlum olduğu kimi rayonun mərkəzi xəstəxanası karantindədir. Natiq həkimin  şəxsi təşəbbüsü və birbaşa nəzarəti ilə xəstəxananın həyətinə daxil olan və çıxan   bütün avtomobillər  , təcili tibbi yardım maşınları GEM-in  əməkdaşları tərəfindən yüksək səviyyədə dezinfeksiya olunur , bundan sonra buraxılır. Hətta bazar günü olmasına baxmayaraq ,  hər kəs iş başındadır, dezinfeksiya işləri tam sürətlə davam etdirilir.

    Astara rayonu Gigiyena və Epidemiologiya Mərkəzinin rəhbərinin , o cümlədən bütün kollektivinin  əməli fəaliyyəti bir vəzifə borcu olmaqla bitmir . Bu qəhrəman, fədakar , əsl Azərbaycan vətəndaşları bunu bir   insanlıq , mənəviyyat borcu hesab edərək gecə - gündüz  demədən , durmadan , dincəlmədən işlərinin başındadırlar. Bir insanı xilas etmək , bəşəriyyəti xilas etməkdirsə  , o zaman onların əməyinin dəyəri , qiyməti sonsuzdur ,  ölçüyə gəlməzdir.  Bu bir faktdır və sübuta ehtiyacı yoxdur. Onu da deməyi özümə borc bilirəm ki , digər rayonlarımızda və bölgələrimizdə də pandemiyaya qarşı mübarizə bu səviyyədə qurularsa vəziyyətə nəzarət etmək və bu bəladan maksimum dərəcədə  az zərərlə qurtulmaq olar.

     Sonda ən böyük təşəkkürümüz  rayonun İcra başçısı Qəzənfər  Ağayevədir. Layiqli kadr siyasəti və rayona ləyaqtlə rəhbərlik etdiyinə görə !