Ümumdövlət əhəmiyyəti daşıyan fəaliyyətlə məşğul olan Azərbaycan Avtomobil Yolları Dövlət Agentliyi respublikamızın avtomobil yol infrastrukturunun inkişafını təmin etməklə bağlı üzərinə düşən vəzifələrin öhdəsindən layiqlə gəlir. Ölkəmizin avtomobil yolu təsərrüfatı sahəsində təqdirəlayiq səviyyədə xidmət göstərən Agentlik yolların, habelə körpülərin, tunellərin və digər yol qurğularının layihələndirilməsini, tikintisini, istismarını, bərpasını, təmirini, yenidən qurulmasını, qorunub saxlanılmasını, onların vəziyyətinə nəzarəti yüksək səviyyədə yerinə yetirir.                                      

Dövlətimizin başçısı cənab İlham Əliyevin ölkə ərazisində yol infrastrukturunun müasir tələblər səviyyəsində yenidən qurulmasına böyük önəm verməsi, bu istiqamətdə möhtəşəm layihələrin icrası ilə bağlı tapşırıq və tövsiyələri AAYDA-nın fəaliyəti təqdir olunan struktur vahidlərindən olan Tərtər "42 nömrəli Yol İstismarı" MMC-nin   kollektivinin də konkret fəaliyyət proqramına çevrilmişdir.   İdarə rəisi cənab Ramil Bayramovun rəhbərliyi altında kollektiv öz işinin öhdəsindən məharətlə gəlir.



Tərtər rayon 42 saylı Yol İstismar idarəsi rəisi Ramil Bayramovun uğurlu xidmətləri sayəsində Tərtər rayonunun küçələri və kənd yolları əsaslı şəkildə təmir olunub.
Yol tikintisi, yol infrastrukturunun yeniləşdirilməsi, sərnişinlərin rahatlığı, nəqliyyat vasitələrinin təhlükəsiz hərəkəti üçün körpülərin, yeraltı keçidlərin istifadəyə verilməsi bu gün ölkədə geniş miqyasda aparılan quruculuq-abadlıq işlərinin tərkib hissəsidir. Ölkəmizdə yol infrastrukturunun yenidən qurulması istiqamətində görülən işlər Tərtər rayonunda da uğurla davam etdirilir.
Ramil Bayramovun rəhbərliyi ilə Tərtər rayonunda yolların müasir standartlar səviyyəsində yenidən qurulması yerli iqtisadiyyatın inkişafına çox böyük töhfələr verir.
Bu gün Ramil müəllim var gücü ilə çalışır ki, rayonda yol sarıdan insanların problemi olmasın. Rayonda hamıya məlumdur ki, Ramil Bayramovun güclü idarəetmə bacarığı sayəsində 42 saylı Yol İstismar İdarəsi qısa vaxt ərzində böyük uğurlara imza atıb. Bir sözlə Ramil Bayramovun kollektivi Tərtərdə yol infrastrukturuna yeni həyat, yeni nəfəs, yeni mədəniyyət gətirib. Tərtər sakinləri və rayona gələn qonaqlar yolların bərpasından razılıq edirlər.
42 saylı Yol İstismar İdarəsinin uğurları göz qabağındadır.