Yaradılmışların ən alisi insan övladıdır.
Ulu Tanrı bizə o qədər imkanlar bəxş etmiş ki. Yetər ki bunları dəyərləndirək , qiymətləndirək . Çoxumuz potensialımızı dəyərləndirib ondan istifadə etməyi bacarmadığımız halda,çox az insan var ki, tanrının bəxş etdiyi idrak və istedaddan yetərincə bəhrələnib xarüqələr yaradır.
Bir ömür boyu müqəddəs prinsiplərlə yaşayır,işləyir,xeyirxahlığa,alicənablığa,kamilliyə köklənərək dünyamızı daha da gözəlləşdirməyə çalışırlar.Belə fenomen insanlar bir ömürdə mümkünsüzü mümkünə çevirirlər.Təbii ki , əməlləri , sənətləri və şəxsiyətləri ilə.
Bütün sənətlər və peşələr gərəklidir , lazımlıdır. Lakin bir sənət var ki , daha müqəddəs , daha dəyərlidir.İnsanların sağlamlığı keşiyində duran , tanrının əmanət verdiyi ömrə ömür qatan həkimlik sənəti! Bir insanı xilas etmək bəşəriyyəti xilas etməksə yüzlərlə , minlərlə insanı xilas etməyin dəyəri , mükafatı və savabı nə ilə ölçülə bilər?!
Yazımın qəhrəmanı ictimayyətimizə çox yaxşı tanış olan yüzlərin , minlərin sevimlisi , şəxsiyyəti , elmi , zəkası və peşəkarlığı ilə yüksək nüfuza və hörmətə malik Millət vəkili , ürək-damar cərrahı, tibb üzrə elmlər doktoru, Mərkəzi Gömrük Hospitalının baş həkimi-Rəşad Mahmudovdur.
Rəşad həkim artıq bir məktəb yaradıb. Ürək əməliyyatları sahəsində yeni bir dövr açıb , səhiyyəmizdə inqilabi dəyşiklik edib . Otuz bir yaşında ilk açıq ürək əmliyyatı keçirərək insanların ümid yeri olub. Bilirik ki , dünyada ürək – damar xəstəlikləri ön sırada gedən və ən çox ölümə səbəb olan xəstəlikdir. Lakin bizim ölkəmizdə artıq bu sahədə təhlükə yoxdur. Ürək –damar xəstəlikləri üzrə böyük mütəxxəssis , yüzlərlə , minlərlə insana ikinci həyat bəxş edən Rəşad həkim günümüzün reallığında əsl qəhrəmandır. Onun həyata keçirdiyi yüzlərlə əməliyyat insanları yenidən həyata qaytarıb. Onlarla , yüzlərlə insana təmmənnasız yardım edərək şəfa verib , həyatlarına davam etməyə vəsilə olub. O , ümidsiz insanların ümidi , gözü yaşlı ailələrin güvənc yeridir. Artıq insanarımız əməliyyat və müalicə üçün uzaq və yaxın xaricə üz tumurlar . Çünki ürəklərini etibar edəcəkləri Rəşad həkim var !
Ailədən , əsil – nəcabətdən gələn nəciblik , tərbiyə , yüksək mənəviyyat , zəka və prinspiallıq birləşdikdə həm əsl şəxsiyyət , həm də əsl peşəkar formalaşır.Rəşad həkim bu gün gənclərə , gənc nəslə gözəl bir örnək nümunəsidir. İstər şəxsiyyəti , istərsə də sənəti , peşəkarlığı ilə .
Rəşad həkimin fəaliyəti təkcə həkimliklə yekunlaşmır. O , Astara rayonundan beşinci çağırış millət vəkili kimi seçicilərinin hüquqlarını ən ali qanunverici orqanımızda ləyaqətlə təmsil edib. Hal- hazırda respublikamızda növbədənkənar seçkilərə hazırlıq gedir. 9 fevral tarixində keçiriləcək seçkilərdə Rəşad həkim də iştirak edəcək . Astaralılar onu yekdilliklə dəstəkləyir. Dəyərli eloğullarını yenə də ən ali kürsüdə görmək istəyirlər. Çünki o zamanında göstərilən etimadı doğruldub, insanların umid yeri olub və hal – hazırda da belədir. Odur ki , bu kürsüyə ən layiqli namizəd yalnız və yalnız Rəşad həkimi görürlər.Onlar yaxşı bilirlər ki , xalqımızın sağlamlığı keşiyində ləyaqətlə duran Rəşad həkimə dövlətimizin , dövlətçiliyimizin keşiyində də əzm və qətiyyətlə durmağı , seçicilərinin hüquqlarını yetərincə müdafiə etməyi gözəl bacarır.
Nə deyək , uğurlar olsun !
Tanrı Sizi qorusun , Rəşad həkim ! Qorusun ki , siz də bizim ürəyimizi və hüquqlarımızı qoruyasınız!
Müşfiq Kişiyev