Hər həftənin şənbə günləri olduğu kimi bu şənbə də Ağstafa rayonunda ümumrayon iməcliyi keçirildi. Rayonun bütün yaşayış məntəqələrini əhatə edən iməclikdə avtomobil yollarının kənarları boyunca əkilmiş gül-çiçək kollarına xüsusi qulluq göstərildi, yaşıllıq sahələri suvarıldı. Bakı-Qazax avtomobil yolunun və dəmiryolu xəttinin rayon ərazisindən keçən hissəsində və avtomobil yolunun Ağstafa şəhər Heydər Əliyev prospekti ilə kəsişdiyi yerdə avtomobillərin hərəkətini tənzimləyən dairənin ətrafı boyunca təmizlik işləri aparıldı. Həmçinin parklar, xiyabanlar eləcə də kəndlərarası yolların kənarları və suvarma arxları da məişət tullantılarından təmizləndi. Ölkədə aparılan məqsədyönlü, uğurlu islahatların və düşünülmüş siyasətin nəticəsində Azərbaycan Respublikasının sosial-iqtisadi inkişafı davamlı və yüksələn xətlə gedir. Bütün bunların nəticəsidir ki, Azərbaycan iqtisadiyyatı şaxələndirilib, qeyri-enerji sektorunun sürətli inkişafı təmin edilib. Azərbaycan dünyanın inkişaf etmiş ölkələrin sırasına inamla daxil olub.
Ölkəmizin sosial-iqtisadi sverasında əldə olunan uğurlar Ağstafa rayonunda da özünü əks etdirmiş və müsbət tendensiyalara doğru addımlamışdır. Ölkəmizdə gedən sosial-iqtisadi inkişafdan Respublikamızın bütün regionlarında olduğu kimi, Ağstafa rayonuna da əhəmiyyətli pay düşmüşdür. Ağstafalılar Nizaməddin Quliyevin başçılığı altında dövlətin qayğılı münasibətini daha dərindən hiss edərək, ölkə prezidentinin apardığı uğurlu siyasəti dəstəkləyirlər. Ağstafa rayonunun sosial-iqtisadi inkişaf planının düzgün və səmərəli həyata keçirilməsinin nəticəsindir ki, rayonda böyük abadlıq-quruculuq işləri geniş fürsət almışdır.
Qeyd edək ki, Nizaməddin Quliyev Ağstafaya icra başçısı təyin edilməsindən artıq 3 ay keçib. Hələ digər sahələrdə işləyərkən cənab Quliyev bir sıra uğurlara imza atmış, Vətənçün bir xeyli işlər görmüşdü. Cənab Prezident İlham Əliyev də bütün bunları nəzərə alaraq onu Ağstafaya icra başçısı təyin etmiş və böyük etimad göstərmişdi. Hazırda Nizaməddin Quliyevin gərgin əməyi və zəhməti sayəsində Ağstafa sürətlə inkişaf edir, abadlaşır və yenidən qurulur. Ağstafa rayon İcra Hakimiyyəti Başçısı cənab Nizaməddin Quliyevin bu rayona başçı təyin olunduğu vaxtdan bəri, Ağstafanın əksər sahələrində böyük canlanma, dinamik inkişaf müşahidə olunmaqdadır. Rayondan Millidestek.az-ın elektron poçtuna ünvanlanan məktublarda Ağstafa RİH-nin başçısı Nizaməddin Quliyevin fəaliyyətinə dair razılıq hisslərinin ifadə olunması ilə yanaşı, rayonda gedən proseslərin saytımızda işıqlandırılması xahişlərinə də tez-tez rast gəlinir.
"Ağstafa rayonunun inkişafı çox sürətlə gedir. Ağstafada iqtisadiyyat təxminən üç dəfə artmışdır. Bu, onu göstərir ki, rayonun imkanlarından səmərəli istifadə olunur və Azərbaycanın bütün regionlarında olduğu kimi, burada da yaxşı nəticələr vardır. O cümlədən, hər bir rayonun iqtisadi göstəriciləri də bizi çox sevindirir"
Ağstafa xarici turistlərin sevimli məkanı kimi tanınır. Azərbaycanın turizm üçün əlverişli olan bu dilbər guşəsində müxtəlif sənətkarlıq növləri yüksək inkişaf edib ki, bu da Ağstafanı turistlər üçün maraqlı məkana çevirib.