Tanrının bizə bəxş etdiyi ömrü hərə bir cür yaşayır.
Bəzilərimiz fərqinə varmadan , bəzilərimiz isə hər anın , hər dəqiqənin qədrini bilərək . Şərəflə , ləyaqətlə , üzərinə düşən vəzifə və vətəndaşlıq borcunu yüksək səviyyədə yerinə yetirərək !
Yaranmışların ən alisi olan insan övladı çox şeyə qadirdir. Yetər ki , sonsuz istək və həvəs olsun. Yetər ki , qabiliyyət və əzmkarlıq olsun. O zaman xarüqələr ortaya çıxır , tanrının yaratdıqları bir də insan əli ilə daha əsrarəngiz olur.Elə yazımın qəhrəmanı da belə çox az , təsadüf edən nadir şəxsiyyətlərdən biridir.
Azərbaycan Respublikası Milli Məclisinin deputatı, Gənclər və idman komitəsinin sədri, Azərbaycan Karate-do Federasiyaları Assosiasiyasının prezidenti , karate idman növü üzrə VII Dan qara kəmər sahibi , Avropa və Dünya çempionu ,Azərbaycan Respublikasının "Əməkdar İdman ustası", Azərbaycan Respublikasının "Əməkdar Məşqçisi", "Əməkdar Bədən Tərbiyəsi və İdman Xadimi" Ülvi Zahid oğlu Quliyev!
Atalarımızn gözəl bir deyimi var : "Sağlam bədəndə sağlam ruh olar”.
Təbii ki , Ülvi müəllimin bu cür mükəmməl , sağlam ruha malik bir insan kimi yetişməsində də idmanın , özü də profesional idmanın mühüm rolu olmuşdur.
Bu amil , həmçinin onu ictimai-siyasi xadim kimi də formalaşdırmışdır. Ona etimad göstərən dəyərli seçicilərinin haqq səsini ən ali kürsüdən söyləyir , parlamentdə xüsusi fəallığı ilə seçilir. Ülvi müəllim hər zaman seçicilərinin yanındadır, minlərlə seçicinin qəbul edib problemlərini dinləyir, deputat səlahiyyətləri çərçivəsində yüzlərlə seçicinin üzləşdiyi problemlərin həllinə nail olur. O , yalnız seçicilərini Milli Məclisdə layiqincə təmsil etmir, həm də Azərbaycanın beynəlxalq aləmdə layiqincə təmsil olunması üçün böyük işlər görür. Azərbaycan – Meksika parlamentlərarası əlaqələr üzrə işçi qrupunun rəhbəri, Almaniya Federativ Respublikası, Belçika, Böyük Britaniya , Çexiya , Koreya . Peru , Rusiya və Türkiyə parlamentləri ilə əlaqələr üzrə işçi qruplarının üzvüdür.
Avronest Parlament Assambleyasında Azərbaycan nümayəndə heyətinin üzvüdür.
Ülvi müəllim özündə ən yüksək ali keyfiyətləri birləşdirən , yüksək mənəviyyat malik, əzmkar , zəhmətkeş , fədakar bir insandır. Xeyirxahlıq, alicənablıq , əl tutmaq . yardımlaşmaq onu ifadə edən gözəl xüsusiyyətlərdir.
Belə ali keyfiyyətlərin bir insanda formalaşması təkcə biliklərlə , həyat tərzi , illərin təcrübəsi ilə əldə edilmir. İnsanın geni , soy-kökü , damarlarından axan qan da mühüm rol oynayır. Elə Ülvi müəllim də belədir. O , respublikamızın tanınmış ziyalısı, dilçi alim , elmlər doktoru , professor Zahid Quliyevin övladıdır. Ziyalı ailəsində dünyaya gəlib, böyüyüb-boya başa çatıb. Məhz bu səbəblərdən də onun simasında gözəl bir insanlıq nümunəsi yaranıb. Hər kəsə -yeniyetmələrə, gənclərə , ziyalılara , ictimai xadimlərə örnək olacaq bir nümunə !
Tanrı sizi qorusun Ülvi müəllim !