Çuvaşıstan Yazıçılar Birliyinin (ÇYB) başqanı, xalq yazıçısı, akademik Mişşi Yuxma (Mixail Nikolayeviç İlin) Azərbaycanın ərazi bütövlüyünü bərpa etməsi münasibəti ilə anlamlı təbrik mesajı göndərib.

Kult.az xəbər verir ki, təbrik mesajında deyilir:

“Qardaş Azərbaycan xalqını və Prezident İlham Əliyevi əsl qələbə - ermənilər tərəfindən işğal olunmuş Azərbaycan torpağı Qarabağın azad olunması münasibətilə ürəkdən təbrik edirəm! Özgə torpaqlarını zəbt edən xalq heç zaman xoşbəxt ola bilməz. Doğrudanmı onlar illər öncə Azərbaycan torpaqlarını işğal edəndə bunu anlamamışdılar? Biz Azərbaycan Prezidenti Heydər Əliyevin qonağı olarkən o dedi ki, vaxt gələcək, Azərbaycanın bütün torpaqları azad ediləcək. Onun oğlu İlham Əliyev atasının bu vəsiyyətini yerinə yetirdi. Mən ona görə çox şadam. Düşünürəm ki, Heydər Əliyevin ruhu göylərdən baxır və sevinir.

Azərbaycan xalqını və Prezidentini bir daha təbrik edirəm! Biz çuvaşlar azərbaycanlılarla qardaş xalq olduğumuz üçün bu qələbəyə daha çox sevinirik”.

Qeyd edək ki, Mişşi Yuxma Çuvaşıstan-Azərbaycan Dostluq və Əməkdaşlıq Cəmiyyəti İdarə heyətinin üzvüdür.