Qondarma Abxaziya hökuməti Moskvaya məşhur qanuni oğru Vyaçeslav İvankovun qətlində şübhəli bilinənləri verməkdən imtina edib.
Axar.az xəbər verir ki, bu məlumat qondarma rejimin “prokurorluğu”nun bəyanatında yer alıb.
Qondarma rejim bu addımını “ölkə konstitusiya” ilə əlaqələndirib.
Moskva qondarma respublikadan Astamur Butba və Nuqzar Papavanı istəyir. Rusiya İstintaq Komitəsi 2009-cu ildə Butbanın snayperdən İvankova Moskvada atəş açdığını qeyd edib.
Xatırladaq ki, Vyaçeslav İvankov “Yaponçik” ləqəbiylə tanınır. O, rus mafiyasının lideri olub.